Emisiunea armâneascâ ditu 02.12.2025

Tru emisiunea armânească di adzâ, s’da: <<>> Hâbări dit bana româneascâ şi internaţionalâ <<>> Oaspiț la microfon: Prof. Dr. Thede Kahl zburaști di titlul di Doctor Honoris Causa ți-lli fu ahârdzit di Universitatea di București, sum egida ali Facultati di Limbi și Literaturi Xeani și ali Facultati di Științi Politiți ali Universitati di București (FSPUB) . <<>> Bunâ-vâ ascultari!

Tașcu Lala, 03.12.2025, 07:03

Savantulu ți zburaști multi limbi, etalonu tu xitâxearea științificâ ivrupeanâ, a prof. dr. Thede Kahl âlli si deadi tu 28 di brumaru nieanea, titlulu di Doctor Honoris Causa di la Universitatea di București, sum egida ali Facultati di Limbi și Literaturi Xeani și ali Facultati di Științi Politiți ali Universitati di București (FSPUB) .
Prof. dr. Thede Kahl easti directoru la Institutulu di Studii Slavi și Caucazeiani di la Universitatea „Friedrich Schiller” di Jena și prezidentulu ali comisie „Vanishing Languages and Cultural Heritage” ali Academie Afstriacâ di Științi di Viena – Österreichische Akademie der Wissenschaften.
Nieanea/ Titluul di Doctor Honoris Causa ali Universitati di București easti unâ pricunușteari academicâ a lucurlui di xitâxeari ali componentâ romanicâ și a diversitatillei etnicâ și lingvisticâ, acutotalui, dit Evropa di Notu-Apiritâ.
Prof. dr. Thede Kahl ș-ari multâ shteari ti limba sh-cultura armâneascâ, easti nicukirlu ali Marilena Bara, redactoru tu prota parei thimilliusitoaria Emisiunillei Armâneascâ di la RRI : 23.03.1991 – Mariana Caragicu Coandă, Irina Paris Naum, Marilena Bara, Nicolae Celea, Taşcu Lala si deapoa ditu 1993-1994 cu redactorlli Hristu Steryiu, Aura Piha și Toma Enache – capu redactoru ali emisiuni armâneascâ tu aestu kiro.