UE, achiziții comuni di armamentu
România easti anamisa di vasiliili cari llia parti la proiectul comun ali UE ti achiziţie di armamentu tră stocurli naţionale şi tră andrupari Ucraina.
Eugen Coroianu, 21.03.2023, 19:11
Uniunea Europeană aprobă, luni, ahărdzeari 2 miliardi di euro tră achiziţionarea şi livrarea di băruti artilerie ti Ucraina, după cum spusiră izvuri di la Bruxelles. Easti zborlu ti un plan di acţiune tru trei faze tră s’lă da a forţelor ucrainene nai puţăn ună miliuni di obuze di calibrul 155 mm, tru yinitorlli 12 di meşi, şi tră s’ndreagă stocurli strateghiţi a văsiliiloru membre ale Uniunii, tru condiţiile tru cari născănti di aestea suntu aproapea di bitisită.
Şeful diplomaţiei ucrainene, Dmitro Kuleba, cari lo parti pritu videoconferinţă la reuniunea omologilor a lui ditu UE, salută acordul. Cât ma multă băruti di artilerie tră Ucraina, cât ma ntroară s’hibă di cauli. Aestu acord va li anvărtuşeadză axiili ali Ucraină pi câmpul di alumtă, cundille Kuleba tru un mesaj pe Twitter.
Planlu, cari va s’hibă validat di către lidirii statelor UE la summitul ditu 23-24 marţu, apăndăseaşti a unui apel urgent lansat tu ahuhrita a meslui di prezidentulu ucrainean Volodimir Zelenski. Suma di 1 miliard di euro va s’hibă ufilisită tră s’lă torană a văsiliiloru membre bărutile livrate Kievului ditu stocurile a lor, la păhadz di 1.000-1.300 euro pi obuz. Tru aestu kiro, păhălu a unui ahtari proiectil easti di 4.000 di euro şi creaşte ma largu.
Un altu miliardu di euro va s’hibă ufilisitu tră ancupărarea di băruti destinate Ucrainei. Contractele suntu pruvidzuti ti yismăciuni cu obiectivul ta s’ñîcureadză la 6-8 meşi vadelu tră achiziţionare şi livrare. A treia componentă a planlui mutreaşti creastirea capacităţilor di producţie ale unui număr di 12 producători di armament ditu UE tră a reconstitui stocurile a văsiliiloru comunitare şi s’ducă ma largu aprovizionarea forţelor ucrainene.
Ateali 2 miliardi di euro vor s’hibă ahărdziti pritu Facilitatea Europeană tră Pace, un fond interguvernamental creat di statele membre nafoara a bugetului Uinunii şi ufilisitu ditu ahurita a conflictului tră furnizările di arme tră Ucraina. 17 ditu ateali 27 di state comunitare, plus Norvegia, va llia parti tră ahurhită la aestu program. Anamisa di eali suntu și România. Easti ună apofasi istorică, spuni şeflu a diplomaţiei europene Josep Borrell, cari u ari tora. Cadrul, pregătit di Agenţia Europeană di Apărare, easti unul flexibil şi nă da izini s’nă znuimu stocurile militare naţionale şi s’agiutămu Ucraina, sumlinie oficialul di la Bruxelles.
Tut luni, Statele Unite dimăndară că va s’da ună nouă tranşă tru valoare di 350 di milioane di dolari a agiutorului militar tră Ucraina, cari includi maxus băruti tră lansatoarele di rachete HIMARS. Rusia poati s’curmă sigură polimlu tama nica di adză. Până când ea va s’facă aestu lucru, noi va u ndrupămu Ucraina ahât kiro cât va s’hibă ananghi, declară secretarlu di stat american Antony Blinken.
Autoru: Eugen Coroianu
Armânipsearia: Taşcu Lala
