Bucovina

Bucovina îşi l’i atradze turiştil’i pri-tru peisaje mirifiţe, obiective culturale, tradiţii şi, tutnâoarâ, pri-tru posibilitatea di practicare sporturi di iarnă, tru staţiun’i pricum Vatra Dornei, Gura Humorului, Cârlibaba şi Câmpulung Moldovenesc. Aţistea suntu printră ţeale ma recunoscutile puncte di atracţie di-tru nordul a Româniil’ei. Ama nu suntu singurile.

Daniel Onea, 19.02.2014, 21:02

Prima a noastră dânâsire: Salina Cacica. Situată în partea chentral-vestică a judeţului Suceava, aţista poate sibâ vizitată ninca di-tru secolul al XIX-lea. Intrăm tora în salină, însuţâţ di ghidul turistic Ioana Croitoriu, care dzâţe: Tută mina fu lucrată manual cu dalta şi ciucanlu di specialiştil’i mineri din Polonia şi Ucraina, şi totulu easte di sare. Cacica înseamnă în limba polonă raţă” ica “papă”. Fu un teren cu muceară, cu multe pape aghre, di iu şi numa a minâl’ei, datâ di polonezi. Specialiştil’i dzâc că avem aoa rezervă di sare trâ ninca 500 di an’i, iara exploatarea arhiusi tru anulu 1791. Avem unâ capelă m’ică, ortodoxă, cu ndauâ sculpturi di sare. La 38 di metri adânţime avem un lac artificial, pi mardzina a cure si formeadză cristale di sare. Tut aclo si veade şi bărcuţa cu care mineril’i îşi priimna nâinte cilimean’l’i, nipoţl’i. La 41 di metri adânţime si aflâ sala di bal, iu si organiza ziafeţ. Poartă numa a primului director gheneral. La 70 di metri adânţime aveam şi un depozit di brânză, caş ansârat, cu agiutorulu a unei temperaturâ constantâ di 10 grade. Tora easte amenajat un teren di sportu trâ aţel’i care v’in la tratamentu, aţel’i lândziţl’i di astmu sau cu lângori a aparatului respirator, ama avem şi spaţii di giucare trâ copii, trâ cilimean’i.”

Puteţ sâ vâ programaţ vizita tru iţe dzuâ a septămânâl’ei, ninca şi dumâinica, întrâ oarile 9.00 – 17.00. Preţulu a unui bilet di intrare easte di 10 lei trâ adulţâ (2,5 euro). Copiil’i până la 14 ani şi elevil’i beneficiadză di reduţire 50%.

Nordul a Româniil’ei easte recunoscut şi trâ mănăstiri. Bucovina easte cunoscută şi sum denumirea Ţinutul, Loclu, a Mănăstirilor. Vă propunim tora unâ vizită într-unâ mănăstire ţi dânâsi la treaţirea a chirolui aproapea 500 di an’i. Ţi cara că easte ma puţân vizitată dicât celebrile Voroneţ, Putna, Moldoviţa, Suceviţa, ma retraptâ, ma afirtiâ, mănăstirea Probota nu prinde sâ hibâ elipse di-tru itinerariul a dumnil’lor a voastre în Bucovina. Unâ di câlughrealile a mănăstiril’ei nâ faţe un şcurtu istoric a muşatului a nostru obiectiv turistic. Ea dzâţe: Probota easte protulu mănăstir pictat la exterior. Mănăstirlu fu mutat tru anulu 1530 şi easte pictat întră an’il’i 1530 — 1532 di cătră unâ pareie di călugări. Di punctu di videare arhitectural respectă tiparulu a mărilor necropole medievale şi bagâ deadun aţeale treile elemente: goticulu, care predomină, elementile renaschentiste şi aţeale moldovineşti. Tru secolul al XIX-lea bâsearica suferă modificări sum administrare greacă. Si adoptă soluţia a zugrăpsiril’ei la exterior, firidzle a pridvorului şi a pronaosuluifurâ ctizmusite şi mănăstirea fu pictată diznou în interior. Unâ oarâ cu secularizarea a averilor mănăstireşti, la 1864, va hibâ deshiinţată ca mănăstire şi va funcţioneadzâ ca bâsearică a hoarâl’ei Probota până la revoluţia anticomunistă di-tru 1989. După aestă dată agiundze mănăstire di călughreale , iara di-tru 1993 easte inclusă în lista a patrimoniului mondial UNESCO trâ valoarea a li arhitecturâ. După lucrările di restaurare, sum eghida UNESCO, finanţate în mare parte di guvernile a Japonil’ei şi Româniil’ei, si speală pictura interioară şi si descoapiră pictura veacl’e, orighinală, di la 1532, care dezvăluie, care scoate tru mighdane un program iconografic unic, di excepţie, care îl’i feaţe pi specialişti să u declarâ tru anulu 2001 aţea ma ghine păstrată şi exactă di punctu di videare teologhic. Ea corespunde ţel ma ghine a standardilor liturghiţe şi a stilului artistic a bâsearicâl’ei bizantinâ. Aşi, tru 2001, l’ia premiul UNESCO trâ valoarea a picturâl’ei interioarâ. Ma că muşuţârea, stolilzma exterioară nu va sâ si mai admirâ niţiunâoarâ aşi cum eara un chiro ninte, în ciudia a lucrărilor di restaurare, pictura interioară easte unică.”

Claudiu Brădăţan, di la Chentrul di informare turistică Suceava, nâ invită la mişcare şi priimnare în Bucovina. Lu întribăm desi existâ oferte trâ turismul di aventură, şi dzâse:

Noi îl numim turismu activ. Nu si faţe neapărat cu sporturi extreme, ama easte activ. Tru aţist sensu, Vatra a Dornâl’ei easte unâ destinaţie ideală. Si dezvoltă aoaţe unâ paletă di pachete turistiţe trâ aestu ghen di turismu. Mi refer la turismul ecvestru, câvală, avem un parcu naţional, Parcul Naţional Călimani, cu ţea ma marea suprafaţă tru judeţulu Suceava. Aoaţe si practică turismul ecvestru, turismul di drumeţie, di priimnare, climbing, river rafting şi plută pi arâulu Bistriţa. Easte ţiva inedit trâ toată România. Vă fac tembih iara cu căldură să m’eardziţ la Ciocăneşti, unâ hoarâ v’ie, unâ hoarâ turisticâ, hoarâ cu arhitectură tradiţională, ahoria. Aoaţe si fac dauă festivaluri naţionale di anvergură, respectiv Festivalul Ouălor Încundil’iate, primuvaara, şi Festivalul a Pestruvului, veara.”

Bucovina easte unâ destinaţie turistică trâ tută lumea. Inclusiv trâ aţel’i cu mirache trâ relaxare şi tratamentu. Aeşti suntu invitaţ în Vatra Dornei, spune şefulu a serviciului Salvamont, Petru Ariciuc:

Vatra Dornei, ca staţiune balneoclimaterică, apăru di-tru an’il’i 1880-1890, cându si mutarâ şi proti case, edificii care constituie nucleulu a staţiunil’ei: Poşta, stabilimentul a băn’ilor, Primăria. Apoia, cu agiutorulu a unor studii, si evidenţie în varliga a anului 1850 necesitatea şi apoia intenţia a Imperiului austro-ungar di înhiinţare aoaţe unâ staţiune. În momentul di faţă, tora, beneficiem di treie baze di tratamentu, avem 2.500 di locuri di cazare şi Vatra Dornei, ca staţiune, easte anvârligatâ di patru masive muntoase. Traseiele suntu lişoare, di trei, di ţinţe sau di şase sâhăţ. Tutunâoarâ, sâ si treacâ şapte dzâle maşi pi munte, în varliga a staţiunil’ei Vatra Dornei, a Bazinului a Dornilor. Aoaţe pot sibâ tratate afecţiun’i a sistemului nervos periferic, a sistemului locomotor, cardiovascular. Tutunâoarâ, prinde să sumcundil’em că parcul balnear, dupâ misurători, si vidzu că easte multu ozonificat. Furâ amenajate başi treie cure, v’itripsiri di teren. În funcţie di afecţiune, medicil’i curanţâ recomanda câte un traseu.”

Invitaţia fu lansată. Vă aştiptăm şi data ţi v’ine cu unâ nauă destinaţie.