Oaspiț la micofon: Interviu cu Prof. Dr. Thede Kahl

Prof. Dr. Thede Kahl zburaști di titlul di Doctor Honoris Causa ți-lli fu ahârdzit di Universitatea di București, sum egida ali Facultati di Limbi și Literaturi Xeani și ali Facultati di Științi Politiți ali Universitati di București (FSPUB) . <<>> Bunâ-vâ ascultari!

Tașcu Lala, 03.12.2025, 07:14

Savantu ghirman ți zburaști multi limbi, etalon tu xitâxearea științificâ evropeanâ, a prof. dr. Thede Kahl âlli si deadi tu 28 di brumar titlul di Doctor Honoris Causa di la Universitatea di București, sum egida ali Facultati di Limbi și Literaturi Xeani și ali Facultati di Științi Politiți ali Universitatii di București (FSPUB) .
Prof. dr. Thede Kahl easti director la Institutulu di Studii Slavi și Caucaziani di la Universitatea „Friedrich Schiller” di Jena și prezidentu ali comisie „Vanishing Languages and Cultural Heritage” ali Academie Afstriacâ di Științi di Viena – Österreichische Akademie der Wissenschaften.
Titlul di Doctor Honoris Causa ali Universitati di București easti unâ pricunușteari academicâ a lucurlui di xitâxeari ali componentâ romanicâ și a diversitatillei etnicâ și lingvisticâ, acutotalui, dit Evropa di Not-Apiritâ.
Prof. dr. Thede Kahl ș-ari multâ shteari ti limba sh-cultura armâneascâ, el easti nicukirlu ali Marilena Bara tsi fu parti ditu prota parei thimilliusitoari (23.03.1991 – Mariana Caragicu Coandă, Irina Paris Naum, Marilena Bara, Șerban Celea, Taşcu Lala) ali secție armâneascâ di la RRI.