Dzuua Culturãllei Naţionalã 2026
Româñilli yiurtusescu Dzuua Culturãllei Naționalã
Tașcu Lala, 18.01.2026, 09:38
UIdisitu cu unã adeti agiumtã thimelliu, dzuua di 15 di yinaru easti apfusitã trã cultura naționalã, cumu tru România, aşi ş-tru Republica Moldova viţină, tru comunitățile istoriţi românești anvãrliga sinurli a vãsiliillei și tru diaspora. Apufusitã pritu nomu di Parlamentulu di București tru anlu 2010, la pripunirea-a prezidentului ditu aţrlu kiro ali Acadimie Românã, profesorlu universitaru și criticlu literaru Eugen Simion, Dzuua Culturãllei fu apufusitã ti 15 di yinaru anda easti data di amintari a poetlui naționalu Mihai Eminescu (1850-1889), lugursitu aţelu ditu soni mari reprezentantu a romantismului european și un vãrtosu publicistu cu sensibilitati conservatoari.
Trã mastea tutelarã a aluştui ãlli easti ahãrdzitã,seara literară ndreaptã di Institutlu Român di Cultură şi Cercetari Umanistică di Veneţia, ditu Italia. București, Paris, New York, Varșovia, Viena, Stockholm, Lisabona, Madrid, Bruxelles, Budapesta, Istanbul, Beijing, tuti filialili a Institutlui Culturalu Român ãși dişcllidu, dzãlili aestea, porțãli ti conţerti, recitaluri, lansări di carti, expoziții di grafică.
Tru vãsilie, di Custanța pãnu Timișoara, di Iași pãnu Craiova, tru tuţ mãrlli cãsãbadz, ari bãgati tu planu manifestări culturali pi cari organizatorlli li numãsescu di excepție.
Radio România, goala corporație di radio ditu cratu cari ari tru ea dauă posturi ahãrdziti maxusu a culturãllei – Radio România Culturalu și Radio România Muzicalu -, yiurtusescu, tu arada-lã, dzuua di 15 di yinaru pritu un baiuru di hãbãri, interviuri, corespondinți, reportaje, evenimenti a loru işişi şi relatări di la evenimentili ahãrdziti ti Dzuua a Culturãllei Naționalã ditu cratu și di ptu xeani.
La Radio România Muzicalu, dzuua easti ahãrdzitã acutotalui a compozitorlor și inteprețloru români, tu amprotusa muzicieañilli cu anami și tru xeani. Nu dip utu soni suntu scoasi tu videalã ditu arhivã, nregistrări ditu fonoteca Radio România. Posturli Radio România Regional, Radio România Antena Horloru, Radio România Internațional, Redacția Minorități, Radio 3Net şi Radio Chişinău au ndreapti programi ahãrdziti ti sãrbăturisirea-a Culturãllei Naționalã.
15 di yinaru 2026 easti și data ti lansarii nai marea colecții di teatru radiofonic on-demand ditu România. Naua versiune a platformãllei aduţi unã experiență digitală modernizată și intrarea ti videari unã-ş-unã a ñilliloru di producții ditu arhiva-a Teatrului Naționalu Radiofonic, di la spectacole clasiţi și montări leghendari pânu di creații contemporani și premiere adrati maxusu ti mediul audio. Nãulu teatru.ro ari și unã interfață maxusu minduitã ti ficiurami, secțiunea yilipseaşti nai muşeatili pirmituseri şi piesi ti aţelli ñiţlli, tru interpretări memorabili.
Autor: Bogdan Matei
Apridutearia: Taşcu Lala
