Filmul românescu, un brandu
Cinematografia românească treati un kiro ditru nai cama hairlatiti, amintandalui premii la marli şi prestigioasili festivaluri di filmu di tuta lumea, tru len turlii di secţiuni ti suntuu tru concursu. Summitlu di pi Croazetă, dimi festivalul di Cannes, agiumsi, la cafi ediţie, un loc iu s-avdi ti români şi filmili a lor. Tru aestu an, Cristian Mungiu ampărţa premiul Palm d’or tra nai cama bun regizor cu francezlu Olivier Assayas. Ase, specialiştiil’i cundil’eadza una antriteari anumit tru anumir tru lumea a regizorlor di kipita anamisa di Cristian Mungiu şi Cristian Puiu, un altu român premiat la Cannes şi tru alte locuri prestigioasi. Pan tru soni atel’i doi Cristian, Mungiu şi Puiu, suntu cunuscuţ la Cannes, tru harea di competitori ama şi di membri a diferitilor jurii.
Marius Tiţa, 29.05.2016, 18:16
Cinematografia românească treati un kiro ditru nai cama hairlatiti, amintandalui premii la marli şi prestigioasili festivaluri di filmu di tuta lumea, tru len turlii di secţiuni ti suntuu tru concursu. Summitlu di pi Croazetă, dimi festivalul di Cannes, agiumsi, la cafi ediţie, un loc iu s-avdi ti români şi filmili a lor. Tru aestu an, Cristian Mungiu ampărţa premiul Palm d’or tra nai cama bun regizor cu francezlu Olivier Assayas. Ase, specialiştiil’i cundil’eadza una antriteari anumit tru anumir tru lumea a regizorlor di kipita anamisa di Cristian Mungiu şi Cristian Puiu, un altu român premiat la Cannes şi tru alte locuri prestigioasi. Pan tru soni atel’i doi Cristian, Mungiu şi Puiu, suntu cunuscuţ la Cannes, tru harea di competitori ama şi di membri a diferitilor jurii.
Tru harea di nai ma bun regizor, laureat la Cannes, Cristian Mungiu ari un predecesor, tru l’irtatlu Liviu Ciulei cari, tru 1965, apruke aesta pricunusteari tra Pădurea a aspindzuraţlor”. Easti un filmu intensu, ecranizari a romanlui omonim dit 1922 tru cari Liviu Rebreanu anchisea di la un faptu alithea, drama a fratilui a lui aspindzurat tru primlu polim mondial cate eara român dit Transilvania şi nu vrea tra s-alumta contra a conaţionalilor a lui dit regatlu ali Românie. Alantu anu, regizorlu Mircea Mureşan aminta premiul a festivalui di Cannes tra debut, cu filmul “Răscoala”, idyeralui una ecranizari a unui roman di Liviu Rebreanu. Tinirlu regizor român aminta aestu premiu tamama aoa si una giumitati di secol, tru mai 1966, dit mân’ili a cunascutal’ei Raquel Welch.
Ama tru dzalili a noastri, s-pari că realitatea cotidiană a român’ilor easti un izvur salami di idei cinematografice di succes. Filmul cari lu adusi tru prota thesi pi Mungiu tru competiţia a regizorlor dit aestu an acata tru isapi problema a bacalureatlui ama nu administrativ, dit videala a rezultatilor genearale, ca masi ca una vartos banaticu sutial, dimec tra bana, tra adolescenţa şi părinţal’i a lor. La Cannes, tru 2007, Mungiu aminta Marli Premiu tra un filmu tra arcarea a natlor paranom dit chirolu a regimlui comunistu. Atumtea, cu 4 mesi, 3 stămân’i şi 2 dzali”, fu lansată moda actuală a premiilor tra filmili româneşti. Dimi, nica dit 2005, Cristi Puiu şi a lui Moartea a domnului Lăzărescu”, na yilipsea premiul Un certain regard” cu una pirmituseari tra sistemlu di medicină di urgenţă dit România, cu problemi cari suntu nica di actualitate. Tut la Un certain regard”, tru 2009, fu parastisitu Aduteri aminti dit eta di malama”, un colaj di n’it filmi cu subiecti dit kirolu a comunismului.
Tru 2012, Cristian Mungiu ş-lu parastiseasti Cannes filmul După mayuli” inspirat dit un caz celebru di exorcizari mortală şi amintă premiul tra nai ma bunlu scenariu şi premiul tra nai ma bună actriţă ampărţat di protagonistili dit aestu filmu. “Poziţia a cilimeanlui”, un filmu tra eterna dependenţă a cilimean’ilor di atea cari la deadi bană, nu aminta Cannes ama u feati Berlin iu aminta marli premiu “Ursa di malama”, tru 2013, a deapoa teatrina di prota thesi, Luminiţa Gheorghiu, aminta prestigioslu European Film Awards, premiul european di filmu tra nai ma bună teatrină.
Luminiţa Gheorghiu u vidzum şi tru “Moartea a domnului Lăzărescu” ama şi, ma amanat, tru filmul “Aferim!”, atel cari lo “Ursa di asimi”, Berlin, cadealihea anlu ti tricu. Tru aestu an, la Cannes, filmili româneşti loara multi şi len turlii di premii. Un filmu românescu şi un alt tru coproducţie amintara premii Un certain regard” cari lucreadza pi una timbihi, ca una irusia yinitoarilor premii ti va s-plascaneasca ca artifitiile pi terlu a marlor andamusi a filmului.
Textul: Marius Tiţa
Armanipsearea: Tascu Lala
