Giustiţii şi aruşfeti

Giustiţii şi aruşfeti

România Internațional, 04.10.2013, 12:03

Giustiţii şi aruşfeti

Tu veara a anlui ţi tricu, maşi niputearea a cvorumului ta s-adunâ închidicâ majoritatea parlamentarâ social-liberalâ s-lu scoatâ di pi ipotisi, prit referendum, pi prezidentul român Traian Băsescu. Dupu ţi foclu ayâlisi domolit, întrâ caplu a statlui şi aţel a guvernului, social-democratlu Victor Ponta, fu simnat un aşi-dzâsâ achicâseari di bana deadun. Doil’ii grei dit politic româneascâ s-achicâsirâ ca, tu numa a interesului naţional, s-dânâseascâ ancâcerli şi s-agiutâ un pi alntu mutrinda problemili cdi cathi dzuu ali administraţii. Conflictul ţi nica ardi niham câti niham, easti tu piricul s-aprindâ iara. Multu greali, câbatea adusâ şi di un şi di alantu, aduţi aminti di chirolu ţi tricu, pi cari lumea u ştea ca hiindaei bitisitâ. Prezidentul s-aspusi niham ca cu gaile, câ ţe tu aesti dit soni dzâli, premierlu dusi tu Giustiţii, ma tu unâ turlii ţi cari a numânâsi ca hiinda fârâ preacl’i di la intrarea ali Românii tu Uniunea Europeană, tu 2007.

Aestâ câbati adusâ yini dupu ţi procurorlu general Tiberiu Niţu agiunsi s-lu-nlocuiascâ pi unlu dit şefii ali Direcţii Naţionalâ Antiaruşfeti. Băsescu lâ câftă şi al Niţu, ama şi a ministrului di Giustiţii, Robert Cazanciuc, s-tin’iseascâ nomlui ţi mutreaşti ca procurorlu şef al DNA s-hibâ aţel ţi adarâ pripuneri ti ipotisili de cumândiseari dit instituţii. Prezindetul deadi hâbari că ari puterea s-arupâ achicâsearea ti bana deadun cu premierul tu ţi mutreaşti politica. Traian Băsescu: Nu-l mai afirescu pi Victor Ponta, câ ţe nu tin’isi ici achicâsearea ţi u avum şi maxus câ ţe intrâ cu tuti pâpuţâli tu giustiţii”. Pi di alantâ parti, Ponta hâbârisi că el nu va s-aspargâ acordul, câ ţe vâsâlia lipseaşti s-aibâ stabilitati. Caplu a guvernului dzâsi şi că aţel procurorlu nu fu scos di pi ipotisi ti furn’iea a dosarilor ţi li avea tu lucru, ama că i s-avea bitisitâ mandatlu. Victor Ponta: Mini dzâc nica unâ oarâ şi îi dzâc şi a prezidentului Băsescu, că adrăm un pas nâinti.. Procurorl’ii nu mai intrâ pi ipotisi niţi că dzâţi Băsescu, niţi că spuni Ponta, aestâ easti, nu îi ari hari, aşi cum bână tu aeşţâ nauâ an’i,, nâ cumândisi bana, achicâsindalui prit independenţa ali Giustiţii” câ pune numai pi cine vrea el şi pi cei cari îl ascultâ pi el”.

Tu minduita a analişţâlor, năulu polim dintrâ palati poati s-agudeascâ, s-dânâseascâ iara administraţia. Ma multu, va s-dânâseascâ, fârâcali di turnari, pi activitatea di cathi dzuâ a aşi-dzâsâl’ei secţii “dosari grreali” di la DNA, cari mutreaşti măril catandisi di aruşfeti, iu suntu implicaţ politicien’i cânâscuţ, şi di la puteari şi dit opoziţii.