Hăbări ditu bana românească şi internaţională
MAE. Ministrul di Externe al MAE România, Luminita Odobescu, u stipsi Rusia că feaţi arăiaţă maxutarcu a ţivililor ucraineni și că u asparsi infrastructura ţi eara ananghi ti exporturli di yipturi a văsiliilei. Oficialul român deadi apandisi ti atea ditu soni atacă contra portului ucrainean di pi Dunăre, Ismail, și spusi ti aesti acțiuni ca hiindalui crime di polimu polimu. Tru ună postare pi şingirlu X, cunuscută ma ninti sum numa di Twitter, Odobescu spuni că easti lăhtărsită di atacurile niacumtinati ale Rusiei contra a portului adus aminti ma ninti ţi easti aproapea di România. Grevele ma multi ori arada fapti di Rusiei tru porturile maritime și fluviale ale Ucraină asparsiră 270 di ñîlli di tonuri di yipturi tu un mesu, declară ministrul ucrainean ali infrastructură, Oleksandr Kubrakov.
Newsroom, 23.08.2023, 21:57
INCENDIU. Pompierlli români detașaț Niercuri tru Gărţie fură căftaţ ta s’llia parti la ună misiune di astindzeari a focurloru aproapea di autostrada cătă Alexandroupolis. La misiune loară parti 50 di pompieri și 10 aftukinati di pompieri, să spuni tu un comunicat dimandatu di Inspectoratlu Gheneral tră Situații di Urgență București. Catandisea a focurloru di vegetație ditu Gărţie fu monitorizată ditu spațiu cu agiutorlu a Programlui European di Sateliț Copernicus.
INCIDENTU. Patru amalţă oficiali di poliție ditu giudețul Constanța, sud-estul ali Românie, fură demiși di pi ipotisi după ţi un șofer di 19 di ani aflat sumu influența a ma multor turlii di droguri vătămară dauă persoane și pliguiră alti trei. Tinirlu fu dănăsitu di polițiștilli rutieri cu trei săhăţ ninti di accidentu, ama lu alăsară arihati şi nu feaţiră un testu tră substanți interdzăsi. Polițiștii pari că aflară droguri tru mașina tinărului al curi purtaticu ti ciudie fu semnalat și di un cetățean pi numirlu di urgență ditu România 112. După ţi feaţi accidentulu, unitățli di poliție efectueadză percheziții pi ma multi călliuri ditu România cu scupolu tra s’lli-află tuţ aţelli cari urdina cu bearea tru săndza.
MUABETS. Ministrul român di interne, Cătălin Predoiu, declarat, ñiercuri, la Viena, tu bitisita ali andamasi cu omologul a lui austriac, Gerhard Karner, că ambiția a ministerlui ţi lu-cumănduseaşti easti ta s’facă ditu România un standardu di protecție a sinurlui”. Oficialu român dimăndă simnarea a unui acord administrativ Dublin cari simplifică procedurile di azil. El cundille că discuțiile ţi li avu reprezintă un bună ahurhită ti ună cali di construcție” pi tuti domeniile di sinferu. Predoiu a spus că migrația este o problemă serioasă, care este serios tratată tru România. Ministrul di Interne austriac a spus că modilul di cooperare convenit cu România tru domeniul combaterii criminalității transfrontaliere legate di traficul ilegal di migranți se dorește să fie promovat și la nivel european. Uidisitu cu aestu, cooperarea transfrontalieră spuni rezultate ahoryea” tru ună operațiune comună cumăndusită di autoritățile ditu România, Ungaria și Austria. Năpoi aduţemu aminti că Austria este goala văsilie ditu UE cari s’ncuntreadză ti aderarea ali României la spațiul european fără sinuri, Schengen, acă văsilia tiñîsi tuti condițiile ananghi, lucru aprikeatu si di alanti v4silii și instituții membre UE. Sistemul Schengen tru ansamblu nu funcționeadză, spus Gerhard Karner ñiercuri, adăvgânda că ună lărdzeari nu este uidisită tu aesta oara.
Autoru: Udălu a hăbărloru
Armânipsearea: Taşcu Lala
