Hãbãri ditu bana romãneascã şi internaţionalã
Yinitoarea lãrdzeari ali UE aeasti tu arada-a muabeţloru di Bruxelles, iu suntu programate summituri di ñiercuri până viniri. Dusu ñiercuri la yinitorlu summitu anamisa di UE shi Balcañilli ditu Ascãpitatã, caplu a statlui român, Klaus Iohannis, spusi...
Tașcu Lala, 14.12.2023, 01:16
Andamasi di kipitã/ Summituri. Yinitoarea lãrdzeari ali UE aeasti tu arada-a muabeţloru di Bruxelles, iu suntu programate summituri di ñiercuri până viniri. Dusu ñiercuri la yinitorlu summitu anamisa di UE shi Balcañilli ditu Ascãpitatã, caplu a statlui român, Klaus Iohannis, spusi că Bucureștiul easti cu minduearea că Balcañilli ditu Ascãpitatã lipseaşti s’hibã tu pareia UE și acaţã ta s’aflã cãlliuri tsi s’da silã a negocierloru. Ma multi vãsilii au ahuhritã proţeslu di negocieri, a deapoa Bosna și Herțegovina, cari loarã statutlu di candidatu anlu ţi tricu, au umutea s’nkiseascã si eali. Tu andamasea di lucru a Consiliului European, cari ahurheaşti gi (cu ma multsalli falcariots tsi zburascu limba română), cari suntu vãsilii candidate. Nu di multu kiro tu unã muabeti telifonică cu prezidentulu a Ripublicãllei Moldova, Maia Sandu, Klaus Iohannis adusi aminti nãpoi ti agiutorlu cari lu-a România ti imnaticlu ivrupeanu a cratlui viţinu.
Avizitã/ Avoltã. Ministurlu rumânu di Interne, Cătălin Predoiu, avu unã andamasi București cu unã dilegație ţi lu-avea tu capu omologlu a lui israelianu, Moshe Arbel. Tu dilegație nica eara membrilli a fumnelliloru cu cetățeañi români (cu diplo titănie) arãkiţ și ţãnuţ sclayi di Hamaslu. Partea israeliană u spusi haristusearea ti solidaritatea ali Rumânie tu hãvaia a ceamaunãllei ţi u nkisi Hamaslu ahurindalui cu 7 di sumedru 2023. Tu arada-a llei, partea română haristusi a autoritățlorui uvrieşţã ti agiutorlu ţi lu-deadi ta s’hibã turnaţ tu patridã cetățeañilli români cari aara tu Israelu tu ahuhrhita-a crizãllei. Tutunãoarã, cundillearã cã easti ananghi ta s’li ducã ninti gaereţli deadunu ti siligheari ntrãoarã și tu sigurlãki a ustatiţllli ţi aramasirã, cãtu greu ili comlexu s’hibã aestu lucru. Aţelli doi premieri cundillearã livelu bunu a lucãrlui deadunu nica și simasia ti anvãrtuşerarea aliştei, neise s’ahurheascã şi proiectili ţi eara nkisiti şi aşteaptã s’hibã bãgati tu practico anda catandisea va s’hibã tu arada di ma ninti.
Orientulu di Mesi. Adunarea Ghenerală a ONU votã unã riezuluție pritu cari caftã ta s’hibã dãnãsiti unã ş-unã alumtili tu Gaza și s’hibã silighiţ ntrãoarã ma nu cu alti cãftãri ustatiţlli ncllişi di Hamaslu. Rizuluția fu vulusitã cu 153 di voturi trã, 10 voturi contra și 23 ţi nu spusirã ni E ni Nu. Statili Uniti votarã contra ti rizuluţie, ama prezidentulu Joe Biditu ãlli feaţi timbihi a Israelui că ahurheaşti ta ş’kearã agiutorlu/ ndrupãmintulu internaționalu.
Cunfirinţă. Ucraina easti subiectulu a unãllei conferințã internaționalã ţi va s’ţãnã tu stațiunea muntană românească Sinaia. Kiro di auã dzãli, ufiţialli români și xeñi va sã zburascã ti provocărli a proţesului di znueari ali Ucrainã, securitatea energhetică și alimentară, eleftiriseari tu navigație și infrastructura critică, ama şi arolea ţi România poati s-u-aibã tu aesti dumenii. Ligãturli anamisa di România și Ucraina va sagiungã la unu cadealihea parteneriatu strateghicu, tu cari unã componentă esențială va s’hibã tsentrulu logistic di pi teritoriul a vãsiliillei a noastrã trã reconstrucția și asistența Ucrainei, spusi caplu a Guvernului a Româniillei, Marcel Ciolacu. Premierlu deadi asiguripseri că România cilãstãseaşti şi ma largu va s’hibã promotorlu ti meatrili a Comunitatillei Euro-Atlanticã ti znuearea-a Ucrcrainãllei, tu cadrul procesului di integrare europeană. Un mesaj vidiu vini di la premierlu ucrainean, Dituys Shmyhal, cari spusi cã easti cu pistusinea cãvãsilia a lui va s’hibã tu aradaa fumelliloru ivrupeshtsã. Nãsu dzãsi că parteneriatul româno-ucrainean easti lãrguriu și tu multi planuri a nica u spusi haristusearea ti agiutorlu a Bucureștiului, ditu videala umieascã ama și icunomicã.
Autoru: Udãlu a Hãbãrloru
Apriduţearea: Taşcu Lala
