ISU şi intervenţia tru cazuri extremi
“Statlu ş-alăsa, diznau, cetăţean’il’i s-moară”. Easti numa a unlui larguriu articol pi cari una televiziune româneascâ alu tipuseasti pi frandza a l’ei di internet, după ti, luni după-prandzu, un elicopter a serviciului medical di intervenţie rapidă SMURD cadzu tru balta Siutghiol, dit sud-estul a vasiliil’ei, la masi aproapea 500 di meatri di meal. La bordul a aparatlui eara yiaturlu Laura Vizireanu, tru ilikia di 39 di ani, asistenta Gabriela Harton, di 38 di ani, pilotlu, comandor Petre Corneliu Cătuneanu – 47 di ani, şi copilotlu, căpitan comandor Ginel Claudiu Crăcănel – 42 di ani. S-turna dit una misiuni medicală pi cari u avea bitisita cu hairi. Cate cadzu elicopterlu masi dupu aproapea 10 minuti după decolari? Şi cate patru oamin’i, ca una ironie a miral’ei antrenaţ să-l’i agiuta pi sotl’i a lor nica si s-ascapa alta cu bana, murira — s-pari — cu dzali? Aestă dit soni ntribari s-baga niacumtinat cu minduita tra s-veada turlia tru cari s-feati gaereti dimi interventia după accidentu.
Roxana Vasile, 17.12.2014, 19:35
“Statlu ş-alăsa, diznau, cetăţean’il’i s-moară”. Easti numa a unlui larguriu articol pi cari una televiziune româneascâ alu tipuseasti pi frandza a l’ei di internet, după ti, luni după-prandzu, un elicopter a serviciului medical di intervenţie rapidă SMURD cadzu tru balta Siutghiol, dit sud-estul a vasiliil’ei, la masi aproapea 500 di meatri di meal. La bordul a aparatlui eara yiaturlu Laura Vizireanu, tru ilikia di 39 di ani, asistenta Gabriela Harton, di 38 di ani, pilotlu, comandor Petre Corneliu Cătuneanu – 47 di ani, şi copilotlu, căpitan comandor Ginel Claudiu Crăcănel – 42 di ani. S-turna dit una misiuni medicală pi cari u avea bitisita cu hairi. Cate cadzu elicopterlu masi dupu aproapea 10 minuti după decolari? Şi cate patru oamin’i, ca una ironie a miral’ei antrenaţ să-l’i agiuta pi sotl’i a lor nica si s-ascapa alta cu bana, murira — s-pari — cu dzali? Aestă dit soni ntribari s-baga niacumtinat cu minduita tra s-veada turlia tru cari s-feati gaereti dimi interventia după accidentu.
Marturl’i a loclui, ti eara pi mealu a baltal’ei Siutghiol, atel’i cari asunara una s-una după surpari/ cadeari la numirlu unic di urgenţă 112, spun că nai putan doi insi eara tru bană, el’i avdzandalui gritili lahtarsiti după agiutor. Ciudusira imagini lahtaroasi cu telefoanili a lor mobili, cari fac, tora, anvarligarea a televiziun’ilor şi a pareiilor di socializari! Aeronava SMURD decola/ azbuira la oara 16:06 ali Românie şi s-pari ca ari cadzuta la 16:16. Protili echipaji di agiutor vahi nchisira cata balta ti 3 minuti după ti eara griti/alertate. Ambulanţili, agiumti protili, nu putura s-adara ici tiva ti furn’ia ca accidentul eara pi apă. Pompierii nchisira, tru arada a lor, dit trei locuri, naima largu hiindalui la 16 di kilomeatri. Dit aestu dit soni loc nchisira atel’i cari avea una varcă şi, cum eara ti aştiptari, agiumsira tru soni tru zonă. Candu agiumsira aclo duchira ca nu au cl’eaia di la motor şi nchisira ma largu cu vâslili. Fu ananghi di sahat ca, deapoa, tuti victimili s-hiba scoase dit apa cari avea 2 gradi Celsius.
Un raport ufitial spuni că instituţiile cu responsabilităţ di intervenţie lucrara simfun cu procedurli legale, ama că chirolu di reacţie fu amanat di furn’ia a nascantor problemi tehniti. Tru consecinţă, ministurlu di interne Gabriel Oprea apufusi destituirea a şeflui di la Inspectoratlu local tra Situaţii di Urgenţă şi pripusi alaxearea di pi ipotisi a prefectului di giudeţ. Paralel, s-duc ma largu cercetărli tra s-veada furn’ia tra cari s-feati accidentul. Specialiştil’i fac analiză ti cafi cumatici dit elicopter, cari avea masi 180 di sahat di azboiur. Ahurhi şi una investigaţie a procurorlor. Idyea ca tru cazlu a unui altu accidentu aviatic ti s-feati tru 20 di yinar, tru Munţal’ii Apuseni, dit ascapitata ali Românie, autorităţli s-cisuirâ, diznau, şi nu fura irbapi s-ascapa bana a oamin’ilor. Atumtea fu invocat loclu accidentat şi chirolu slab. Tora?
Armanipsearea : Tascu Lala
