România u andrupaşti Republica Moldova tu calea ei europeanâ

Ca turlii proceduralâ instituţiili occidentali vor s-ducâ ninti câtâ Estu, câtâ ţi eara unâoarâ un spaţiu canonic ali Moscovâ. La summitlu ali Uniunii Europeanâ di neslu yinitor, di Vilnius, Ucraina poati s-simneadzâ unâ achicâseari di asocieri la Uniunea Europeanâ, iara alti dauâ vâsâlii ţi earau nâinti sovietiţi, Georgia şi Republica Moldova pot s-aproachi ahtări achicâseri.

România Internațional, 30.10.2013, 12:12

Ca turlii proceduralâ instituţiili occidentali vor s-ducâ ninti câtâ Estu, câtâ ţi eara unâoarâ un spaţiu canonic ali Moscovâ. La summitlu ali Uniunii Europeanâ di neslu yinitor, di Vilnius, Ucraina poati s-simneadzâ unâ achicâseari di asocieri la Uniunea Europeanâ, iara alti dauâ vâsâlii ţi earau nâinti sovietiţi, Georgia şi Republica Moldova pot s-aproachi ahtări achicâseri.

Va s-hibâ un sucţes ali diplomaţii români, cari pânâ tora andrupâ orientarea pro-europeanâ a Chişinăului, ca agiutor si vreari ti limbâ, culturâ şi isturii. Pi tuti boţli – PRezidentu, Guvernu icâ Parlamentu — Bucureştiul – ofiţial — fu daima nai ma marli avucat a Republicâl’ei Moldova. Marţâ, s-dusirâ Bruxelles liderii a formaţiun’ilor dit suţata di guvernari pro-occidentalâ di Chişinău, cari zburârâ cu Stefan Füle, comisarlu european ti extindeari. El pistipseaşti că, dupu ţi tricu tutâ criza politicâ dit primvearâ, cându, pi timeilu a câbatil’ei ti aruşfeti, cabinetlu cumândisit di Vlad Filat fu scos, iara tu loclui a lui vini Iurie Leancă, Republica Moldova easti tu un loc cama bun şi poati s-da agiutor ti un yinitor acordu di asocieri şi libirâ alâxeari cu Uniunea.

Fuli s-aspusi anvirinat tu ţi mutreaşti Arusia, cari tut vru s-aspargâ lucurlu, prit zboarâ, declaraţii politiţi greali, ama şi că bâgă embargo pi yinurli moldoveneşţâ. Stefan Füli: Iţi presiun’i mutrinda apofasea a Republicâl’ei Moldova ta s-aibâ unâ achicâseari cu Uniunea Europeanâ easti di niapruchiat. Vâ spun că aestu acordu va s-giutâ multu, va s-yinâ cu baia beneficii.” Şi el, aţel di ma ninti prezidentu a Parlamentului di Chişinău, liderlu a Partidlui Democrat, Marian Lupu, hâbârisi câ va s-iasâ, tora ayoniea, unâ aşi-dzâsâ “agendâ di asocieri” a Republicâle’i Moldova cu UE. Marian LupuŞ Nu avem borgi, nu avem lucri ţi nu sunt andreapti, nu avem acţiun’i cari s-nu hibâ tin’isiti di Republica Moldova. Calea câtâ Vilnius esti dişcl’isâ şi câtâ înclo va nidzem ti apruachirea aluştui acordu.” Maca nu, tu nâscânti clasamenti ayoriea, Republica Moldova easti nai ma laia vâsâlii europeanâ. Aruşfetea şi imnarea greau a statlui di îndrept sunt mări problemi, canda di daima.

Opoziţia comunistâ di Chişinău şi reghiunea separatistâ Transnistria, ca zoni ţi apruachi cama multu Arusia, aspargu totna tuti eforturili di integrari europeană. Progresili a Chişinăului suntu multu limpidz, ama nu agiungu ti lunga cali di integrari.