Topili cad pisti casi, vatămă oamiñi, tiniri și auşi, cilimeañi și părințălli a lor. Oamiñilli alagă, s’ascundu, s’ascapă cu bană. Alță s’ndregu s’agiută, s’lli-ascapă aţelli ţi suntu sumu surpături. Anvărliga, casili suntu surpati ică aspindzură tu vimtu, arupti di explozii.
Bucureştiul cutugurseaşti sertu, după ţi ună dronă arusească, năpoi agiumsi, tru spaţlu aerianu românescu şi al NATO, iarapoi Forţăli Aerieani mutară di mpadi dauă avioani di alumtă F-16
Acă agiumsiră pi arada, dzuuă di dzuuă, aţeali dauă polimi ţi suntu tu amprotusa cu hăbărli di cathi dzuuă, aţelu ditu Ucraina și alantu ditu Gaza nu s’bitisiră.
Cărvăñi tsi nu au bitisită, cu bănători armeañi, ţi stragu azvarna, ama cu oamiñi dupu elli armãtusiţ. Acă vahi va smindueşţă că easti zborlu ti cadhuri adrati tamamu tora, ama dupu strañi akicăsimu că suntu multu ma veclli.
După ţi armăsături ditu ună dronă arusească fura aflati pi teritoriul ali Românie, NATO năpoi aduţi aminti di andrupămintulu pănu di mardzina a aliațlor.
România ma largu va u ndrupască independenţa, suveranitatea şi integritatea teritorială ali Ucraina, năuntrulu a sinurloru a llei pricunuscuti internațional, spuni Bucureștiul.
Autorităţli române cutugursescu sertu agresiunile fapti ma multi ori arada di Rusia contra a oamiñiloru ţi nu au stepsu şi ali infrastructură ţivilă ditu Ucraina.
Sumar: România - cănină şi fărtuni/ Atacă arusească aproapia di Româniz/ Dati financiare mutrinda România/ Planlu naţional di prevenire şi combatere a harkinlui tru România/ Medalii tră România la Campionatele Mondiale di nataţie di la Fukuoka
Polimlu nkisitu di aruşi tru Ucraina agiumsi multu aproapea di România.
Dzălili di la nkisita-a polimlui contra ali Ucraina tricură di ţinţi suti, aproapea un an și giumitate.
Transportatorlli di yipturi suntu aspăreaţ că Portul Constanţa poati sagiungă pi un blocaj tru condiţiile tru cari volumlu di yipturi ditu Ucraina va u facă diplo cantitate.
Zelenski şidzu dipi tru mesea di caduru cu pareia di Vilnius, neise, spun născănţă, dipu ălu diadiră di mănaru. Zelenski şidzu nanăparti, vărnu nu lu-diadi di mănadu, spun alță.
Liderlli NATO, andămusiţ Vilnius, apufusiră să u simplifică aderarea ali Ucraină la Alianţă şi screască agiutorlu militar şi logistic dat a Kievlui, ama momentul aderarillei şi condiţiile cari va slipsească shibă ndreapti nica nu fură apufusiti.
Imaginile a ampăturarillei armatlor greale pi geadiili ali Rusie, cătă Moscova, ş-aduţi tamam cu 24 di şcurtu 2022, dzuua cându tancurli arusești alăga pi călliurli ali Ucraină, cătă Kiev.
