România – SUA, 10 añi di parteneriatu strateghicu tră secolul XXI

Tru 13 di yismăciuni, s-umplură 10 añi di la simnarea-a parteneriatlui strateghic tră secolu XXI anamisa di București și Washington și simnarea a Acordului mutrinda amplasarea-a Sistemlui di Apărare contra-a Rachetelor Balistice a Statilor Unite tru România. Cu aesta furñie, Ministerlu român a Afacerloru Externe şi Departamentul di Stat al Statelor Unite ali Americă pitricură ună declarație comună pritu cari România și SUA va s’hibă, ma largu, avanposturi a valorlor euroatlantiţi şi va s’aşteaptă provocărli a yinitorului deadunu, ca soţ şi aliaţ.

MAE aduţi aminti că, di la lansarea a lui, tru 1997, Parteneriatlu Strateghicu fu unu reper esenţial a politic4llei externe româneşti şi unu ditu sturlli di bază a aiştei, deadunu cu apartenenţa la Alianţa Nord-Atlantică şi la Uniunea Europeană. Tru idyiulu kiro, parteneriatlu easti ună hălati hăirlătică di ndrupari a gaereţloru interni tru domenii cum anvărtuşearea a securitatillei, criştearea a prucukiillei, andruparea-a reformăllei politică, economiţi, militare şi administrative.

Cooperarea ditu România şi SUA s-anvărtuşi şi diversifică constantu, ase câ, tru 2011, s-apufusi dizvoltarea a Parteneriatlui pritu apufusearea a dimensiunilor prinţipale a ligăturăllei bilaterală, cari includu dialog politic, securitate, economie, contacte interumane, ştiinţă şi tehnologie, cercetare, educaţie, cultură. MAE năpoi aduţi aminti că negocierile tu ţi mutreaşti un acordu tra amplasarea tru România a sistemlui di apărare a Statelor Unite contra a rachetelor balistice ahurhi tru 2010.

Tru aestu contextu, fu păzărăpsitu un textu politic di Declaraţie Comună, negociatorlu-şef ditu partea ali Românie hiinda actualu ministru a Afacerloru Externe, Bogdan Aurescu. Tru andreu 2015 fu declarată capacitatea tehnică a Facilitatillei Antirachetă di Diveselu, iara ţeremonia di inaugurare s’feaţi tru mai 2016. Ministerlu di Externe di București cundilleadză că Acordul demonstreadză angajamentul a Statilor Unite andicra di securitatea europeană şi reprezintă ună contribuţie comună a Româniillei şi a Statelor Unite la apărarea colectivă, tru cadurlu NATO.

Sistemlu di apărare antirachetă al NATO easti exclusiv defensiv şi mutreaşti fuvirseri ditu nafoara-a spaţiului euro-atlantic. Tru un mesaj pitricutu la nsimnarea-a 10 añi di la simnarea-a Declaraţiillei Comune mutrinda Parteneriatlu strateghic, nsărcinatlu cu afaceri ali Ambasadă SUA la Bucureşti, David Muniz, yilipsi scoasi tu migdani că România armâne ună verigă esenţială tru şingirlu ali apărari antirachetă al NATO. România alumtă cot la cot cu America şi alanti forţi a aliaţlor tru niscănti ditu nai ma serti şi letali teatri di operaţiuni ditu lume, iara militarllii români tiñisiră aestu angajamentu cu livindeaţă şi păltiră un păhă di scumpu ş-ma scumpu, di nu ari spuneari, nica spusi David Muniz.

Autoru: Leyla Cheamil

Armânipsearea: Taşcu Lala