Ascultaţ RRI!

Ascultă Radio România Internațional Live

Pirmithi – Natlu a prințesâl’ei Savitri ică Vrearea di dadă (pirmithu indianu)

di Nicolae Batzaria ș-adus pi armâneaști di Mihali Prefti   Puteț s-ascultaț aoa pirmithlu spusu di Cristian Stere

Pirmithi – Natlu a prințesâl’ei Savitri ică Vrearea di dadă (pirmithu indianu)
Pirmithi – Natlu a prințesâl’ei Savitri ică Vrearea di dadă (pirmithu indianu)

, 29.09.2026, 21:40

Prințulu Narpola lo nveastâ prințeasa Savitri, nai ma mușatâ prințeasâ di tutâ India. Tata a prințeasâl’ei Savitri, ți eara multu avutu ș-pututu, ama ș-multu mintimenu, avea tu miraki s-adarâ nâ numtâ mari cari s-țânâ dzâli multi, cumu nu s-avea faptâ altâoarâ. Dauâ sâptâmâñi țânu uspețlu ș-furâ câlisiț oaspiț mulțâ ditu tuti cornurli ali Indii. Dupâ numtâ nveasta ațea naua, prințeasa Savitri, prindea s-neagâ s-bâneadzâ la gionli a l’ei, tu-unâ pâlati alargu di loclu iu s-amintă.

Seara prindu dzuua di vgari, avdzâta gârdinâ a pâlatil’ei a tatâlui ali Savitri eara nica luñinatâ cu ñil’i ș-ñil’i di lănghi ș-lumbărdzâ. Pi balconi, cânta ș-giuca avdzâtili giucâtoari Indiani, cl’imati baladiri. Nveasta nauâ șidea pi balconi ningâ yrambo, c-unu sumarâsu ca lilici ș-mușatâ ca nâ dzânâ ditu yisi. Eara alâxitâ t-unâ fustani albâ, curuitâ ditu unâ pândzâ fârâ uidii ș-cusutâ cu hiri di-asimi. Câtu multu anyilicea di mușuteațâ prințeasa, anda mutrea cu ocl’il’i a l’ei mări ș-lăi ș-anda dișcl’idea budzâli t-unu dulți sumarâsu ca di trandafilâ!

Unâ hopâ, Savitri si șuțâ câtâ nuntru tu pâlati și-antribă unâ huzmikearâ: “Iu easti doda a mea, Nair, cari mi-antrică cu lapti ș-mi ligână mbrațâ anda ñicâ? Cl’iamâ-u s-yinâ aua, că nu-u vidzui di tahina.” Prințeasa Savitri intră tu saloni, ta s-așteaptâ doda. Dupâ niheamâ di oarâ, vini doda di-adunu c-unâ moași bitârnâ ca kirolu.

“Nair, âl’i dzâsi prințeasa mârinatâ, noaptea aesta easti ațea ditu soni noapti ți-u trecu la pâlatea a tatâlui a meu, ș-di mâni va s-ahurhească ti mini unâ banâ nauâ. Tini, cari hii unâ masturâ tu-angucearea a yinitorlui, voiu s-ñi-aspuñi tihea a mea și soartea ți mi-așteaptâ.

Nair mută ocl’il’i câtrâ Savitri, ditu cari cura șopatu di lăcrâñi, ș-apândisi, azburânda araru ș-pi-ayalea: “Tora câtu bitisii ti-adhyivâsiri tu steali yinitorlu a tău, ama va ti-anvirinu ma s-ț-aspunu tutu ți-adhyivâsii.”

“Aspuni-ñi tutu, aspuni-ñi tutu averlu!” li pricâdzu Savitri.

“Ghini maca, va ț-aspunu tutu. Va s-hii multu vrutâ di gionli a tău, va s-hii hârsitâ, ș-dupâ unu anu va s-amințâ unu natu di-unâ mușuteațâ fârâ aspuniri, ama, anda natlu va s-aumplâ doi añi, va s-yinâ unu duhu arău ș-va-lu arâkească ș-va-lu ducă tu-amirâria a Moartil’ei și-a Aumbriloru.”

Anda avdzâ aesti pridzâțeri, Savitri armasi ndauâ sticuri di oarâ ca mintitâ și-andârlâsitâ. Dapoa, s-ansirină pali tu fața și-apândisi cu boațea a l’ei dulți și-andilicatâ: “Buna a mea Nair, va s-câftămu unu duhu bunu ți va-lu avinâ duhlu arău.”

Dealihea mușata prințeasâ Savitri fu hârsitâ ș-dupâ unu anu di la ancurunari amintă unu natu, ți-avea ocl’il’i tutu ahântu lăi ș-mușaț ca nâsa. A tutâloru anvârliga di ea, Savitri lâ s-pârea că-i multu hârsitâ. Averlu easti că nâsa u tirâñiusea unu gaile ahândosu: “Va s-facă ațea ți-l’i avea pridzâsâ Nair?”

Ñiclu Namur, că ași lu cl’ima ficiuriclu, avea s-ancl’idâ pisti trei dzâli ilikia di doi añi. Aestâ dzuuâ eara aștiptatâ di Savitri cu lâhtari ș-cutromu.

Ș-ia că vini dzuua a ațea, unâ dzuuâ ți prindea s-hibâ dzuuâ di sârbâtoari, ama Savitri nu mata ștea cumu sâ-și ascundâ frixea ți-u avea acâțatâ. Ași lo natlu ș-neasi singurâ cu elu la pomlu aumbrosu ditu fundulu di gârdină a pâlatil’ei:

“Adi s-nemu,” âl’i dzâsi al Namur, hârsinda-lu ș-hâidipsinda-lu, “s-câftămu lilici mușati ș-fituri zuyrâpsiț tu tuti hromili.”

Ș-mizi șidzurâ tu-aumbra a poñiloru ș-Namuru lu-acâță dinapandiha unu somnu ahândosu!.. “Alasâ-mi!”, u pâlâcârsi elu dadâ-sa, “s-dormu niheamâ.”

Ama, aclo iu-lu țânea pi dzinucl’i, Savitri duki că trupiclu al Namur s-adra greu ș-limnusea. Acâțatâ di cutromu, mută ocl’lil’i, că avdzâ unu șușuru di frândzâ anvârliga di ea. Vidzu unâ
boi di omu ca ditu altâ lumi, alâxitâ tu-aroșu ș-țânânda tru mânâ unâ sfindukițâ di malmâ. Tu sfindukițâ eara ancl’isâ unâ pârumbâ albâ; pârumba aestâ eara suflitlu a natlui Namur. Ațea boi di omu ți-avea vinitâ ș-cari eara duhlu arău, ankisi s-dipârteadzâ, alâgânda avrapa.

Savitri bâgă pi iarbâ truplu farâ di suflitu al Namur, și-ahurhi s-alagâ dupâ duhlu ațelu arău și-s lu pâlâcârseascâ. Alâgă, alâgă multu kiro, fârâ s-dukeascâ di calea lungâ ți-u avea faptâ. S-avea adratâ ascutidi, avea datâ luna, și Savitri alâga dipriunâ. Alâga ș-pâlâcârsea duhlu ațelu arău: “Dă-ñi, dă-ñi nâpoi ficiuriclu a meu!”

Doamne! di iu afla ahântâ ipati di-alaga fârâ s-câpâiascâ? Alâgă tutâ noaptea, și-anda apiri pali, Savitri s-află t-unâ vuloagâ di-unâ mușuteațâ ți nu-ari aspuniri. Tu iarba veardi ș-crehtâ fitrusirâ ñil’i ș-ñil’i di lilici, cari di cari ma mușatâ ș-ma muscuvulsitâ.

Tu vuloaga ațea eara unâ mulțâmi di ficiuriț, cari, purtândalui câruñi di trandafili, giuca ș-cânta cântiți di unâ mușuteațâ anghilikeascâ. Ficiurițl’i u cl’imarâ și Savitri s-gioacâ s-gioacâ și-s cântâ cu el’i.

Duhlu ațelu arău dânâsi ș-dzâsi: “Savitri, ședz, arihnisea-ti ș-tradzi mânâ di calea ți vanatu u-adari. Ședz ș-aleadzi nai ma mușatlu di ficiurițl’i aeșțâ. L’ia-lu cu tini ș-elu va ti-adarâ s-agârșeșțâ di natlu ți-lu kiruși.”

Ama Savitri l’i-apândisi: “Va ti-avinu pritu munțâ ș-văl’iuri ș-nu va ti-alasu pânâ nu va-ñi dai nâpoi suflitlu a natlui a meu.”

Duhlu ațelu arău xana-ankisi calea. Cicioarli a mâratâl’ei Savitri si umflarâ ș-sândzânarâ. Ama iea alâga tutu ninti. Alâgă, alâgă pânâ ți unâ furtunâ fuviroasâ l’i-antunică ocl’il’i.

Dapoa, si-află t-unâ gârdinâ largâ amplinâ di poñi gâna di yimiși.
Aua duhlu ațelu arău astâmâsi pali și-l’i dzâsi: “Savitri, pi poñil’i aeșțâ ari nai ma buni yimiși, yimiși ți va țâ ayâliseascâ foamea ș-seatea. Mâcâ, apustusea-ti, ș-dapoa toarnâ-ti acasâ. Gionli a tău ti-așteaptâ gâilipsitu, iara pi mini nu va s-poț s-mi-aviñi pritu lumea a Moartil’ei și-a Aumbriloru.

Ama Savitri l’i-apândisi: “Va ti-avinu pânâ cându va țâ hibâ multâ ñilâ ș-va-ñi torñi suflitlu a natlui a meu.”
Duhlu ațelu arău ș-lo pali calea, alâgânda indunatu ș-nârâitu, astrâbâtânda munțâ ampliñi di neuri ți nu s-tukescu vârnâoarâ. Cicioarli aspânticati ș-sândzânati a prințeasâl’ei Savitri ansimna cu dămki di sândzâ aroși calea pritu neauâ.

Diunâcali, duhlu ațelu arău dânâsi di-alâgari. Pi coasta amplinâ di neauâ a muntilui si dișcl’idea unâ guvâ mari, unâ intratâ fârâ bitisitâ, pritu cari trițea unâ mulțâmi di pândicoț, cathiunu purtânda unu cufaru di kețari scumpi.

“Aua,” dzâsi duhlu arău, “himu tu-amirâria a pândicoțloru ditu munțâ. Dânâsea-ti aua, Savitri, că nu va s-pot s-treț di sinurli a aestâi amirârii! Pândicoțl’i, cari suntu hiri vluyisiti, va țâ ayâlisească foamea ș-seatea cu mâcări buni ș-biuturi aleapti, va țâ da ahânti multi kețari scumpi, că va s-agiundzâ nai ma avuta prințeasâ di pisti locu.”

“Ti mini,” astrigă Savitri, “nu-ari avuțâl’i ș-ni harauâ fârâ natlu a meu. Dă-ñi-lu nâpoi! Ai-țâ ñilâ di dorlu ș-ponlu a meu!”

Duhlu ațelu arău astâmâsi ma ghini ta sâ-u mutreascâ Savitri. Avea unâ mutritâ amplinâ di ciudii ș-aynânghipsiri. Ocl’il’i a lui nu mata eara-l’i arăl’i. “S-hibâ pri volea a ta!” dzâsi
nâsu. “Giuneasca a ta vreari di mumâ azvimsi moartea!”

Unu bubuitu vârtosu adră ca Savitri s-cadâ mpadi, tu nidukeari. Anda âși xana-amintă siniștearea, poñil’i ditu fundulu a gârdinâl’ei di la pâlatea a gionilui a l’ei u-anvâlea cu-aumbra a loru. Savitri țânea mbrațâ vrutlu a l’ei natu, Namur, cari dișcl’idea pi-ayalea ocl’il’i dulți ș-lăi, di canda si diștipta ditu unu somnu lungu ș-isihu…

Pirmith-Chiruta pâpuși
Pirmithi Tuesday, 17 November 2026

Pirmith-Chiruta pâpuși

Pirmith-Chiruta pâpuși
Șcurti șicăi armâneșțâ
Pirmithi Monday, 16 November 2026

Șcurti șicăi armâneșțâ

Șcurti șicăi armâneșțâ
Pirmith – Limoslu ursopan
Pirmithi Saturday, 14 November 2026

Pirmith – Limoslu ursopan

Cafiliulu eara un ursopan hariș ș-limos . Cathi stâmânâ el s-duțea cu dadâ-sa tu pâduri ta s-adunâ afrandzâ ayri . Avea el’i vâloaga a lor tu mesea di…

Pirmith – Limoslu ursopan
Pirmith – Cucotlu di la cambanarghio
Pirmithi Wednesday, 11 November 2026

Pirmith – Cucotlu di la cambanarghio

Pirmith – Cucotlu di la cambanarghio
Pirmithi Monday, 09 November 2026

Pitmith – Corbul si l’epurlu

Pitmith – Corbul si l’epurlu
Pirmithi Sunday, 08 November 2026

Pirmith: Vombira – daua parti

Pirmith: Vombira – daua parti
Pirmithi Saturday, 07 November 2026

Pirmith: Vombira – prota parti

Eara unâoarâ un mari celnic, un mari nicuchir, di nai ma avuțl'i di aoa, di la noi, cu cupii di oi ninumirati, cu stâñi aruzvuiti prit munțâ, şi cu ți…

Pirmith: Vombira – prota parti
Pirmithi Friday, 06 November 2026

Pirmith – Di-al Nastratin Hogea – daua parti

Pirmithlu "Di-al Nastratin Hogea" spusu di Cristian Stere dit cartea "Antologie de proză aromână" di Hristu Cândroveanu, Editura Univers, București, 1…

Pirmith – Di-al Nastratin Hogea – daua parti

Parteneri

Muzeul Național al Țăranului Român Muzeul Național al Țăranului Român
Liga Studentilor Romani din Strainatate - LSRS Liga Studentilor Romani din Strainatate - LSRS
Modernism | The Leading Romanian Art Magazine Online Modernism | The Leading Romanian Art Magazine Online
Institului European din România Institului European din România
Institutul Francez din România – Bucureşti Institutul Francez din România – Bucureşti
Muzeul Național de Artă al României Muzeul Național de Artă al României
Le petit Journal Le petit Journal
Radio Prague International Radio Prague International
Muzeul Național de Istorie a României Muzeul Național de Istorie a României
ARCUB ARCUB
Radio Canada International Radio Canada International
Muzeul Național al Satului „Dimitrie Gusti” Muzeul Național al Satului „Dimitrie Gusti”
SWI swissinfo.ch SWI swissinfo.ch
UBB Radio ONLINE UBB Radio ONLINE
Strona główna - English Section - polskieradio.pl Strona główna - English Section - polskieradio.pl
creart - Centrul de Creație Artă și Tradiție al Municipiului Bucuresti creart - Centrul de Creație Artă și Tradiție al Municipiului Bucuresti
italradio italradio
Institutul Confucius Institutul Confucius
BUCPRESS - știri din Cernăuți BUCPRESS - știri din Cernăuți

Suţati tu cari easti membru ili tu sutsâl'ie cu RRI

Euranet Plus Euranet Plus
AIB | the trade association for international broadcasters AIB | the trade association for international broadcasters
Digital Radio Mondiale Digital Radio Mondiale
News and current affairs from Germany and around the world News and current affairs from Germany and around the world
Comunità radiotelevisiva italofona Comunità radiotelevisiva italofona

Serviţii di difuzari si redifuzari

RADIOCOM RADIOCOM
Zeno Media - The Everything Audio Company Zeno Media - The Everything Audio Company