România la barajlu ti Cupa Mondialâ la fotbal
România la barajlu ti Cupa Mondialâ la fotbal
România Internațional, 16.10.2013, 12:00
România la barajlu ti Cupa Mondialâ la fotbal
Mari hari adusi, Marţâ, calificarea a naţionalâl’ei di fotbal ali Românii la barajlu ti Cupa Mondialâ di anlu ţi va s-yinâ, dit Brazilia. Tu unâ grupâ preliminarâ D, tu cari amintă dipriunâ Olanda, fotbalişţâlii român’i agiunsirâ pi doilu loc, cu 19 puncti dit 30 câti s-putea. Agiutor ti calificarea a lor nu fu maşi că amintarâ meciurli, tu aţeali dit soni dauâ giocuri, cu Andorra, 4-0, şi Estonia, 2-0, ama şi că olandezii amintarâ dinâintea a contracandidatilor ali Românii: 8-1 cu Ungaria şi 2-0 cu Turcia. Hârsiţ, cu tuti că nu vinirâ ahâţ mulţâ cât aştiptau giucâtorl’ii jucătorii, oamin’ii dit public aurlau ma multu cându avdzau că oldandezii deadirâ goluri la Istanbul. Idyea avdzât fu şi zborlu Ţâ haristusim, Olanda!” cari easti leit-motivlu a zboarâlor dit presa românâneascâ.
Trâdzearea la sorţi a meciurilor di baraj, cari va s-aducâ tu unâ loc aţeali dit soni patru reprezentanti ali Europâ la Cupa Mondialâ, va s-hibâ pi 21 di Sumedru, iara giocurli va s-hibâ pi 15 şi, pi 19 di Brumar. România nu va s-hibâ cap di serii tu aestu baraj şi va s-gioacâ cu Portugalia, Ucraina, Croaţia icâ Gârţia. Comentatorl’ii spun că aeşţâ adversari, poati cu excepţia aţil’ei dit soni, suntu ma bun’i ca exhipa româneascâ şi nu pistipsescu că ari mări sanşi di calificari la turneulu final. România nu mai fu la unâ Cupâ Mondialâ di 15 an’i, dupu ţi aşi-dzâsa generaţii di malamâ, cumândisitâ dit teren di avdzâtlu Yoryi Hagi, eara la tuti ediţiili şi tu 1994 s-avea calificatâ tu sferturili di finalâ. Aestâ câdeari dramaticâ ahurhi tu 2001, cu Hagi, di aestâ oarâ pi post di selecţioner, cându România fu întricutâ di Slovenia tu barajlu ti Mondialu dit Japonia şi Coreea di Sud. Di atunţea, România mai agiunsi maşi la Euro 2008, iu, dupu unâ slabâ prestaţii, fu scoasâ dit grupi. Faptul că presa şi fan’ii nu pistipsescu ici lucri buni mutrinda echipa di azâ, creaşti climatlu di mediocritati dit fotbalu românescu.
Maca generaţia al Hagi giuca la Real Madrid, Barcelona, AC Milan icâ Ajax Amsterdam, a tricolorilor di azâ impresarl’ii li aflâ multu greu contracti la echipi di daua mânâ. Deadun cu cânâscutlu, ama tut cama ici apruchiatlu prezidentu ali Federaţiei, Mircea Sandu, tu ipotisi di 23 di an’i, aşi-dzâşl’ii oamin’i di fotbal român+i suntu protagonişţâl’ii a nâscântor greali dosari di corupţii. Aşi că, oricât di arşiunos poati s-hibâ, suporterii leagâ şansili di amintari la baraj ma pţân di valoari, şi ma multu di tihea di turlii proverbialâ a selecţionerlui Victor Piţurcă, cânâscut că s-duţi multu la giocuri di tihi, di noroc, ama şi că easti omlu cari amintă aţeali dit soni douâ calificări la turnei finali, Euro 2000 şi 2008.
