Rocadă/alăxeare guvernamentală la București

Cu ună amânare/ întârziare di doauă siptămâni din cauza grevălei generală mizi tora cât bitisită din-tru învițămintul preuniversitar, în România s

Roxana Vasile, 14.06.2023, 22:28

Cu ună amânare/ întârziare di doauă siptămâni din cauza grevălei generală mizi tora cât bitisită din-tru învițămintul preuniversitar, în România si consumăă ună premieră în istoria politică democratică a țarălei – premierulu liberal Nicolae Ciucă li-alăsă loculu în frămtea Executivului a colegului di coaliție, social-democratulu Marcel Ciolacu, respectânda, aşi, achicăsirea pi care formațiunile a lor o/u avea făcută/faptă în noiembriu 2021. Atumţea, pi fondul a unei criză politică provocată di ieșirea di la guvernarea arada di liberali a USR, dușmanili declaraț PSD și PNL, tru aestă ordine amintătorili a alidzerilor parlamentare, agiutaț di partenerulu-junior UDMR, au convenită să facă ună coaliție care să își asuumă conduţirea a țarălei. Condiția eara, ama, ca la giumitatea a perioadălei până la următorulu scrutin leghislativ din 2024, premierulu liberal să alasă loculu în frămtea Guvernului a unui social-democrat. Ţea ţe, tora, si și feaţe! Liderulu PNL, Nicolae Ciucă, își deade demisia din frămtea Guvernului, iar preşedintele a țarălei, Klaus Iohannis, lu desemnăă, aieri, pi șefulu PSD, Marcel Ciolacu, tră funcţia di premier, în urma a unui maraton di consultări pi care li avu cu partidile parlamentare. După negocieri politiţe intense, şedinţe şi discuţii, prim-ministrulu desemnat depuse apoia, la Parlamentu, programulu di guvernare şi lista miniştrilor propuşi tru noulu Executiv. În lipsa unui consensu cu UDMR, pi lista îniintată di Marcel Ciolacu nu si mai xanaaflă ici reprezentanță a maghiarilor din România, ţi maşi a PSD și PNL. România va hibă ananghe să aibă ună creaştire economică di piste 3% până la finalul a anului, iar inflaţia să hibă di 8% – declarăă Marcel Ciolacu, care prezentăă principalile direcţii a programului di guvernare, un plan cu ţinţe mări obiective: Rezolvarea, unăoară tră totâna, a problemălei a pensiilor speciale şi adoptarea a noauălei leadze mutrinda salarizarea unitară, stoparea a creaşterilei a preţurilor, refaţirea a putearilei dia cumpărare, dezvoltarea sistemilor publiţe di Educaţie şi Sănătate. Principalul argumentu tra să-li convingă românili fudziţ tru xeane tra să si toarnă în ţară: crearea di locuri di lucrare, mai multe şi mai ghine plătite. Tru arada lui, di tora fostul premier Nicolae Ciucă spuse că, împriună cu social-democraţăli, liberalili au ca prioritate dezvoltarea ţarălei:

Nă avem asumată să asiguripsim stabilitatea şi treaţerea prin criză şi vidzum că si poate să si realizeadză şi creaştire economică. Din aţist momentu în care si realizăă aestă rocadă la guvernare, easte datoria/borgea a noastră, a ţilor din Partidulu Naţional Liberal, a ţilor din Partidulu Social-Democrat, să nă asumăm obiective care, întru-aver, să dezvoltă aestă ţară, ahaare turlie încât să crească veniturile a cetăţeanilor, să reduţem aeste diferenţe care există întră cetăţeanili din România şi cetăţeanili din Uniunea Europeană.

După audierile di ază, din Parlamentu, a candidațâlor propuși pentru funcțiile di miniștri, noulu Guvernu poate să aproache şi mâne votulu di învestitură a Leghislativului.

Autor: Roxana Vasile

Armânipsire: Hristu Steriu