Parlamentul, andamasi speţială tră Ucraina

Senatlu şi Camera Deputaţlor di București ahărdziră ună andamasi comună cu itia că s-umplu un an di la declanşarea a polimlui ditu Ucraina.

Roxana Vasile, 28.02.2023, 17:53

Parlamentul di București nsimnă, luni, pritu ună andamasi di tiñie, un an de când Rusia aputrusi, pi 24 di şcurtu 2022, Ucraina. Senatorlli şi deputaţllii condamnară agresiunea militară şi tăxiră că România va u ndrupască ma largu văsilia viţină. Liberalu Sorin Cîmpeanu dimăndă un mesaj susta: “Niţi ună văsilie nu poati s’armână tăcută. Himu cu voi şi va vă agiutămu cătu va s’hibă ananghi.” Tut ditu partea PNL, Nicoleta Pauliuc cundille importanţa României tru actualul context geopolitic: “U spusimu ahtea că ambărţitămu principiile şi valorile europene, că himu importanţi tru arhitectura lumiilli occidentale, ca pavăză la sinurlu estică a Uniunillei Europeane şi NATO.” Coleglu social-democrat ditu coaliția la putere, Radu Oprea, cundille că ndrupămintulu NATO şi al Uniunii Europene criscu tru intensitate şi nica va s’crească, di adusi aminti că… “Milioane de oameni fudziră ditu calea polimlui. Pisti 3,5 milioane tricură sinurlu ali Românie. Românii lli-astiptară cu braţili dişcllisi, spusiră compasiune, tiñie, empatie.” Şansa di victorie a Ucrainei easti şansa Europăllei ditu perspectiva apărarillei şi promovarillei libirtatillei şi democraţiei – cundille şi Turos Lóránd, ditu partea UDMR “Libertatea lipseaşti s’hibă viglleată, lipseaşti apărată. Călcările di ndrepturi fapti di Rusia nu s’limiteadză maş la teritoriul Ucrainei. Easti, de fapt, un polimu contra lumillei libere.”

Ditu opoziție, Uniunea Salvați România, pritu Radu Mihail, cundille “S’aprukemu, cu numă şi paranumă, pritu un vot, spunearea că Rusia ari purtaticlu a unluii stat terorist şi că România easti solidară cu victima terorizată tru anlu ditu soni, Ucraina !” Și formațiunea AUR condamnă iţi turlie di agresiune militară. Adusi aminti, ama si tră mira a minoritatillei române ditu Ucraina, cum și la frixili mutrinda rezervația naturală a Deltăllei a,I Dunării, tru videala a aţiloru ditu soni informații mutrinda dragarea canalului ucrainean Bâstroe di la Dunăre. Reprezentantul AUR, Claudiu Târziu “Nu putem să străximu dinintea a procesul di asimilare forţată la cari suntu băgaţ şi românii ditu Ucraina, cum nu putem să străximu că Ucraina fuvirseaşti cu aspărdzearea tută Delta a Dunăllei tră interesele a llei.” La andamasea a Parlamentului de la București lo parti şi ambasadorul Ucrainei tru România, Ihor Prokopciuc, cu un mesaj tru cari u spusi pricunuştearea a lui andicra di agiutorlu ţi lu-deadi România la tuti nivelurli. El adăugă că Ucraina va s’ţănă keptu şi va s’azvingă.

Autoru: Roxana Vasile

Armânipsearia: Taşcu Lala