Cazlu Caracal
Gheorghe Dincă, mecaniclu auto sexagenar dit n’iclu câsâbâ Caracal dit sudul ali Românie, ş-pricunuscu, neise, duminică, faptele: arăchi di pi geadei, ncl’isi, viola şi vâtâma dauă adolescente. Alexandra Măceşanu, pi ilikia di 15 ani, fu spusâ chirutâ, câ nu s-aflâ n’ercuri, a deapoa, gioi, aprâftâsinda s-bagâ mâna pi un telefonu mobil, aşuira di trei ori la Serviciul di Urgență 112. Cu tuti datili ţi tinira li deadi mutrinda loclu iu eara ncl’isâ, STS — serviciu secret militarizat di Telecomunicații Speciale — nu putu s-apufuseascâ di tamam loclu iu eara Alexandra, câ maşi unâ arie di căftari. Ase că, după ţi intrarâ la trei adrese alâtusiti, polițiștii avurâ ananghi di 19 di sihaţ tra s-intrâ tru patra — imobilu a suspectului. Forţele di ordine spusirâ câ s-agiumsi la aestâ amânari di itia a procurorului de caz din atel moment, cari, ma adusi aminti pruviderli a nomlui, nu lâ deadi zini s-dişcl’idâ tru ‘casa a moartil’ei’ ninti di oara 6 a dzuuâl’ei di viniri, cându, cadealihea, eara multu amânat.
Roxana Vasile, 29.07.2019, 13:39
Gheorghe Dincă, mecaniclu auto sexagenar dit n’iclu câsâbâ Caracal dit sudul ali Românie, ş-pricunuscu, neise, duminică, faptele: arăchi di pi geadei, ncl’isi, viola şi vâtâma dauă adolescente. Alexandra Măceşanu, pi ilikia di 15 ani, fu spusâ chirutâ, câ nu s-aflâ n’ercuri, a deapoa, gioi, aprâftâsinda s-bagâ mâna pi un telefonu mobil, aşuira di trei ori la Serviciul di Urgență 112. Cu tuti datili ţi tinira li deadi mutrinda loclu iu eara ncl’isâ, STS — serviciu secret militarizat di Telecomunicații Speciale — nu putu s-apufuseascâ di tamam loclu iu eara Alexandra, câ maşi unâ arie di căftari. Ase că, după ţi intrarâ la trei adrese alâtusiti, polițiștii avurâ ananghi di 19 di sihaţ tra s-intrâ tru patra — imobilu a suspectului. Forţele di ordine spusirâ câ s-agiumsi la aestâ amânari di itia a procurorului de caz din atel moment, cari, ma adusi aminti pruviderli a nomlui, nu lâ deadi zini s-dişcl’idâ tru ‘casa a moartil’ei’ ninti di oara 6 a dzuuâl’ei di viniri, cându, cadealihea, eara multu amânat.
La audieri, Gheorghe Dincă pricunuscu câ u vâtâma pi Alexandra unâ ş-unâ dupu ţi duchi că adolescenta asuna la 112 ti agiutor. Probele spun că, deapoa, u arsi. Tu uborlu a casil’ei, tru un talaru tr ari vahi u arsi, anchetatorii aflarâ armâsâturi umineşti calcinati, cum şi giuvaericadz cari eara a featil’ei. Unâ idyea mirâ avu, tru meslu apriiur, şi Luiza Mihaela Melencu, tru ilichia di 18 di ani, ti cari familia nu ştea iu easti, si spusirâ câ chiru. Stipsitu tru ahurhitâ ti trafic di minori și viol, al Gheorghe Dincă âl’i si adusi, după ţi pricunuscu crimele, şi câbatea di vâtâmari multu lâhtâroasâ. Specialişti tru psihiatrie fac timbihi ama, că bărbatul poapti s-hibâ un criminal tru serie/ şingir şi ari câbilea câ ari operatâ pi unâ perioadâ ma mari di chiro, ama nu fu aflatu pânâ tora. Ti atea, dosarlu di Caracal nu easti ici tru bitisitâ, câ ghiusbilea ahurh, şi pot s-hibâ aflati lucri lâhtâroasi ma largu. Vineri, de la protili informaţii fapti public de presa din România, multâ oamin’I dit câsâbalu Caracal, viţin’I lâhtârsiţ şi nu maşi, s-aadunarâ dinintea-a casil’ei, a criminalului tra s-veadânyie ţi s-faţi aclo, ama şi tra ş-greascâ niifharostusearea andicra di niaxia a autorităţilor, cari lucrarâ pi aestu caz multu lişoru ţi nu sâ s-trâxeaşti.
Adunări populare s-tanura tutunâoarâ Bucureşti şi tru alţâ câsâbadz mari ali României. Demiterile, ti s-feaţirâ pânâ tora, a şefului Poliţiei Române, a nâscântor şefi ali poliţiei locale, cum şi a prefectului giudeului Olt nu pari s-haristuseascâ pi mulţâ. Tu aestu chiro, şi şeflu a STS, Ionel Vasilcă, demisiona. Marţa, tru Consiliul Suprem di Apărare a Ţării, la câftarea a prezidentului va s-hibâ p`râstisitu un raport preliminar pi tema a aţilor ţi s-feaţirâ Caracal. Klaus Iohannis cundil’e că demisiile a tutulor a aţilor ti chivernisirâ alâtusitu cazulu suntu obligatorii, ama nu suntu duri, sumliniinda că easte ananghi eliminarea a itiilor ahândoasi cari feaţirâ di câbili unâ ahtari dramâ. Tru arada lui, şeflu a Executivului, Viorica Dăncilă, apufusi înhiinţarea a unui grup di lucru interinstituţional care s-mindueascâ un plan di misuri urgente trâ eficientizarea a timpilor di apandisi tru situaţii critiţi.
Autor: Roxana Vasile
Armânipsearea: Taşcu Lala
