Criza politică di Bucureşti
Ca un lucru ti nu s-ari fapta tru România post-comunistă, partidili dit coaliţia ti eaasti la puteari, PSD şi ALDE, va s-dipuna tru Parlamentu una moţiune di cenzură contra a Executivlui isis ti va s-hiba votată sătămâna ti yini. Apofasea, una extremă, fu loată gioi, ti furn’ia ca premierlu social-democrat Sorin Grindianu nu va tra ş-da demisia, atea ti dusi si la excluderea a lui dit partid. Bagat pi ipotisi aoa si giumitati di an, după victoria pan di mardzina a PSD la alidzerli parlamentari, Cabinetlu Grindeanu avea chiruta andrupamintul politic ali coaliţie nica di n’iercuri. Niti demisiile tru measă a membrilor a Guvernului nu alu minara premierlu, ti easti tru una niachicaseari discl’isa cu prezidentul PSD, Liviu Dragnea.
Florentin Căpitănescu, 16.06.2017, 17:37
Ca un lucru ti nu s-ari fapta tru România post-comunistă, partidili dit coaliţia ti eaasti la puteari, PSD şi ALDE, va s-dipuna tru Parlamentu una moţiune di cenzură contra a Executivlui isis ti va s-hiba votată sătămâna ti yini. Apofasea, una extremă, fu loată gioi, ti furn’ia ca premierlu social-democrat Sorin Grindianu nu va tra ş-da demisia, atea ti dusi si la excluderea a lui dit partid. Bagat pi ipotisi aoa si giumitati di an, după victoria pan di mardzina a PSD la alidzerli parlamentari, Cabinetlu Grindeanu avea chiruta andrupamintul politic ali coaliţie nica di n’iercuri. Niti demisiile tru measă a membrilor a Guvernului nu alu minara premierlu, ti easti tru una niachicaseari discl’isa cu prezidentul PSD, Liviu Dragnea.
Ia ti spuni seflu a social-democraţlor, ti catastisea la cari s-agiumsi: “Nu vrum s-agiundzem la aesta catastisi, tra cari mi fac pismani, ama, aoa agiumsim. Ti amartie, tru doil’i mesi dit soni, majoritatea a miniştrilor yinea şi la mini, şi la partid cu plânguti cate nu apraftaseascu tra s-aiba una comunicari tin’isită cu primlu ministru, că suntu ambudyiuseri administrativi ti lipseasti s-li ndreaga premierlu. S-pari că nu fura ndreapti”.
Prezidentul ALDE, Călin Popescu-Tăriceanu, cutgursi purtaticlu a premierlui Grindeanu ase: “Him dinintea la nascanti lucri di arizili s-t nu lipsea s-faca dit partea a unui om cari agiumsi prim-ministru aclo nu prit harli a lui isisi, ca masi ti atea că fu aleaptu di coaliţia majoritară dit Parlament şi, tru aestu kiro, cadealihea că lipsea s-hiba tin’isitu s-akicaseasă că nu ari masi una cearei politică, fără să zburascu di atea constituţională, tra ş-dipuna mandatlu”. Liderl’i ali coaliţie spusira ca alaxearea a pareiil’ei executiva fu caftata di restanţili nregistrati tra bagarea tru practico a programlui di guvernari. Reproşlu nu easti aprukeat di premier, cari spuni că kirolu ti lu avu la dispoziţie fu dip scurtu tra promovarea a nascantor reformi largurii. Ma multu, Grindeanu, bagat tamam di Dragnea ca premier, aruca cabatea că raportul tru cari fu fapta isapea tra lucarlu a lui, adrat nauntrul a partidlui, nu easti adrat cu obiectivitati.
Dit opoziţie, PNL va una ndridzeari constituţională a crizal’ei, declară prezidentul interimar a formaţiunil’ei, Raluca Turcan: “Caftăm susta a alianţal’ei di guvernari PSD-ALDI s-bitiseasc aestu polim, un polim cari baga tru piricl’iu stabilitatea economică, pistipsearea internaţională a vasiliil’ei şi aduti zn’ie a cetăţeanlui di arada, cari aşteaptă apofasi tra sinferllu public”. Tut dit băntali ali opoziţie, USR spuni că alidzerli anticipate suntu goala cearei tin’isită, a deapoa PMP lugurseasti că PSD lipseasti s-pricanoască că nu poati s-baga tru lucru taxerli electorale. Tru arada a lui, prezidentul Klaus Iohannis la cafta a atilor dauă partidi ali coaliţie di guvernari tra să-şi ndreaga criza internă.
Autor: Florentin Căpitănescu
Armanipsearea: Tascu Lala
