Habari di-tru actualitatea romaneasca si internationala

România Internațional, 09.09.2015, 21:49

St. tr.II-inloc.-06.09.2015 15:13:35

BUCURESTI – Subordonaţ şi aprucheaţ a primarului gheneral a Bucurestiului, Sorin Oprescu, furâ audiaţ, azâ, di procuroril’i anticoruptie, in cadrul a li anchetă in care edilul fu retinut trâ loare di mita (ruşfete). Uidisit cu ţi dzâţe un comunicat a DNA, în perioada 2013-2015, un grup ghine organizat, la care aderă şi primarulu, are creată un sistem pri-tru care operatoril’i economiţ care vrea să l’ia contracte din partea a instituţiilor publiţe aflate în subordinea primarului lipsea să remită, cu titlu di mită, unâ parte di profitulu realizat di-tru execuţia aţilor contracte. Oprescu insusi s-aibâ câftatâ 10% di iţe contractu faptu. Fostu membru a PSD (la co-guvernare), el agiumse, ca independentu, primarulu a Capitalâl’ei tru 2008 si aleptu diznou tru 2012. Retinerea lui di cătră procurori fu pronosticata di comentatori, dupa ţi, tru meşil’i di ma nâpoi, şefi di regii si di departamente subordonate a Primariil’ei Ghenerală, pricum si un consilier personal a edilului au agiumtă după heare (tru arestu) trâ fapte di coruptie. (Bogdan Matei)

St. tr.II-06.09.2015 18:34:58

BUCURESTI – România are nivol’e di unâ altâ turlie di viziune, ună care să răspundă cu hâire a nivol’ilor a l’ei di dezvoltare – aprecie, azâ, preşedintile Klaus Iohannis. Intr-un discursu ţânut la uzinile Dacia-Renault di la Mioveni (sud), presedintile are afirmată că decidenţâl’i politiţ nu lipseaşte sâ mutrească maşi pi termen şcurtu, că să dezvoltă politiţ economiţe pi termen di mese şi lungu. Di la administrarea eficientă a pârălui public, la infrastructură di calitate agiumtă ază indispensabilă, di la reduţirea a birocraţiil’ei şi corupţil’ei la creaştirea a libertatil’ei economică – dzâse Iohannis — arămăn multe trâ faţire tra să hibă incurajaţ şi investitoril’i xen’i, şi companiile autohtone şi capitalul românesc. (Nogdan Matei)

St.Tr.I 9/9/2015 8:21 PM

Bruxelles – Ministrulu roman a li Agricultură, Daniel Constantin, va să solicita, mâne, a ofiţialilor european’i, soluţii di agiutor urgente şi trâ fermieril’i din Romania afectaţ di seaţită, şi trâ producătoril’i a cure criza di-tru sectorulu a laptilui lă diminuă considerabil veniturile. El participâ, la Bruxelles, la reuniunea Consiliului a li Uniune Europeană (Agricultură şi Pescuit). Sum preşedinţil’e luxemburgheză, dezbaterile va sâ si concentreadză asupra a situaţil’ei dificilă di-tru anumite sectoare agricole la nivel european. Tutunâoarâ, va să hibă purtate discuţii la nivel di comisar şi la nivel tehnic trâ identificarea di modalităţ concrete trâ bâgare tru practicchie a luştor.

(Mihai)

St. Tr.II-inloc.-9/6/2015 4:26:30 PM

XXX — Echipa naţionala di fotbal a li Românie are meci, mâne, pi teren propriu, selectionata a li Grăţie, in preliminariile a Campionatului European di anulu v’initor, din Franta. Dupa patru victorii si treie remize din sapte partide, romanil’i suntu pi loculu 2 a Grupâl’ei F a preliminariilor, cu 15 puncte, devansaţ di Irlanda di Nord, cu 16, si urmaţ di Ungaria, cu 12. Meciurile din grupa si incl’id tru sâmedru, candu Romania va să aibă meci cu Insulile Feroe in deplasare si, respectiv, Finlanda pi teren propriu. Ultima oara, Romania are participată la un turneu final european tru 2008, ama nu are tricută di faza grupilor. Marţâ, reprezentativa Under-21 a li Românie gioacă, in deplasare, cu echipa similara a li Armenie, in preliminariile a Campionatului European di tineret di-tru 2017. Este al treilea gioc a tinerilor fotbalisti roman’i, care, in partidile precedente, daule pi teren propriu, u antricură Armenia cu 3-0 si chirură dinintea a li Bulgarie cu 0-2. (Bogdan Matei)

St. tr.II-06/09/2015 16:21:51

Bucureşti — Amintâtoril’i a concursului cu premii “Vacanţă tru sudulu a Litoralului românesc a li Amare Laie” organizat di RRI, soţâl’i di androhinată Alexandr si Alla Gedz, di Kiev, Ucraina, au asită în România. Însuţâţ di redactorulu RRI Nicolae Onujec, el’i va să treacă un sejur di 7 nopţâ, cu pensiune completă, la Hotel Delta” di-tru staţiunea Jupiter. Ţel’i 2-l’i amintâtori va să aibă parte di plajă cu arină şi aventură la malul a li Amare Laie, va să viziteadză principalile atracţii culturale şi istoriţe din Constanţa şi Mangalia, ama şi di-tru întregulu judeţ Constanţa (muzee, catedrala, mănăstiri şi bâseriţ ortodoxe, moschei, geamii, portul Mangalia), va să viziteadză Pistireaua Samtului Andrei – prima bâsearică crăstina din spatiul romanescu, va să facă echitaţie şi tratamente balneare, în funcţie di preferinţe. Tru mesulu cirişar au vizitată România si amintâtoril’i a primului sejur pi litoralulu sudic a li Amare Laie, Jaroslaw Jedrzejczak şi Justyna Drgas- Jedrzejczak, din Polonia. (Vasile Captaru)