Habari dit bana romaneasca si internationala (22.11.2016)
XXX – Banca Mondială îşi îmbunătăţi estimările mutrinda avansul a economiilei românească tru 2016, până la 5,1%, di la 4% cât estima tru mesulu cirişar — Uidisit a Raportului Economic trâ Reghiunea Europa şi Asia Chentrală (ECA), publicat ază. Instituţia financiară atradze, ama, atenţia că saltul înreghistrat di economia românească tru aţist an va hibă urmat tru 2017 di duţire ma pri-aghalea a creaştirilei la 3,8%, şi tru 2018 avansul va să si reducă la 3,4%. Deficitulu a bugetului consolidat urmeadză să si adânţească, şi sa si aproache di 3% di PIB şi tru 2016 şi tru 2017, di la 1,5% di PIB tru 2015, ţea ţi va ducă la ună adânţire a datoriilei publică. Guvernul a Romaniilei va lipsească să ţână sum control presiunile actuale pi hărgi şi să îmbunătăţească eficienţa taxilor tra să si evită intrarea în procedura di deficit excesiv. Şi FMI are estimată recentu că România va înreghistreadză tru aţist an ţea mai marea creaştire economică din Europa, di 5%, urmată di Irlanda (4,9%). La arhiusita a mesului brumar, Comisia Europeană revizui pi creaştire cu un punctu procentual, la 5,2%, estimările referitoare la creaştirea economiilei românească tru aţist an.
Florentin Căpitănescu, 22.11.2016, 22:13
XXX – Banca Mondială îşi îmbunătăţi estimările mutrinda avansul a economiilei românească tru 2016, până la 5,1%, di la 4% cât estima tru mesulu cirişar — Uidisit a Raportului Economic trâ Reghiunea Europa şi Asia Chentrală (ECA), publicat ază. Instituţia financiară atradze, ama, atenţia că saltul înreghistrat di economia românească tru aţist an va hibă urmat tru 2017 di duţire ma pri-aghalea a creaştirilei la 3,8%, şi tru 2018 avansul va să si reducă la 3,4%. Deficitulu a bugetului consolidat urmeadză să si adânţească, şi sa si aproache di 3% di PIB şi tru 2016 şi tru 2017, di la 1,5% di PIB tru 2015, ţea ţi va ducă la ună adânţire a datoriilei publică. Guvernul a Romaniilei va lipsească să ţână sum control presiunile actuale pi hărgi şi să îmbunătăţească eficienţa taxilor tra să si evită intrarea în procedura di deficit excesiv. Şi FMI are estimată recentu că România va înreghistreadză tru aţist an ţea mai marea creaştire economică din Europa, di 5%, urmată di Irlanda (4,9%). La arhiusita a mesului brumar, Comisia Europeană revizui pi creaştire cu un punctu procentual, la 5,2%, estimările referitoare la creaştirea economiilei românească tru aţist an.
(Aura Spiridon)
Bucureşti — În Romania, funcţionaril’i publiţ din întreaga ţară au protestată ază, şi câftară mărirea salariilor. Ei sunt nimulţaniisiţ că nu lă si aplică (bagâ tru agiutor) ordonanţa mutrinda echivalarea salariilor din sector şi avertizeadză că aţesta easte maşi primulu pas spri greva ghenerală. Şi poliţiştil’i locali protestară şi ază, nmultaniisiţ di leadzea pensiilor, iar membril’i a Sindicatului Sanitas pichetară sediul a Ministerului a Sănătatil’ei în semn di solidaritate cu sindicaliştil’i care va negociadză Contractul Colectiv di Lucru.
(Aura Spiridon)
BUCURESTI — Fosta sefa a Autoritatil’ei Electorală Permanentă din România (AEP), Ana Maria Pătru, acuzata di trafic di influenţă şi spilare di pâradz, va ramană in arestu preventiv, decise, ază, Curtea di Apel Ploiesti (sud). Uidisit a procurorilor anticoruptie, ea câftă şi lo mită piste 200 di m’il’e di euro, tra sa da trâ aestu lucru contracte informatiţe simnate di AEP cu ună firmă favorizată. Pi di alta parte, plenulu a Camerâlei a Deputaţâlor di la Bucuresti va decidă prin vot, luni, 28 brumar, ma că da izine sau nu la solicitarea DNA di arhiusire a urmăririlei penală în cazulu a deputatului Eugen Bejinariu, fostu secretar gheneral a Guvernului în perioada 2003-2004. Procuroril’i îl acuză pi Bejinariu di abuz în serviciu în formă continuată, tru dosarul Microsoft 2. Aţesta vizeadză închiriarea, loare cu niche, di licenţe trâ şcol’iuri arhiusinda cu anulu 2004, pri-tru care si feaţe un prejudiciu di dzăţ di milioane di euro.
(Florentin)
VILNIUS – 30 di militari di-tru Forţile Terestre Române participă, di ază până pi 3 decembrie, tru Lituania, la exerciţiul multinaţional IRON SWORD-16. Aproximativ 2000 di militari din Canada, Estonia, Germania, Letonia, Lituania, Marea Britanie, Polonia, România şi SUA va execută exerciţii tactice cu tradziri di alumtă cu toate categoriile di armament, ufilisinda tehniţ, tactiţ şi proceduri a NATO. IRON SWORD-16 easte parte a exerciţiului multinaţional BLACK SEA ROTATIONAL FORCE-16 şi are ca scupo creaştirea a nivelului di interoperabilitate pri-tru antrenarea în comun, în videarea participarilei la operaţii di menţânire a pacilei şi di contrainsurgenţă.
(Aura Spiridon)
