Habari dit bana romaneasca si internationala (27.10.2016)

Bruxelles – Premierulu belghian Charles Michel anuntăă că lideril’i a reghiunilor belghiane agiumsiră, ază, la un acord tru ţi mutreaşte acordul di liber-alâximintu întră UE şi Canada (CETA), informeadza AFP si Reuters. Hibă ţi achicâsire convenită în Belghia lipseaşte, in continuare, aprobată di alanţâ 27 di membri a UE ninte ca acordul în sine sa hibă simnat. Acordul, a cui simnare eara pruvidzută ază, la Bruxelles, fu blocat di guvernul a reghiunilei Valonia(Belghia), care nu eara multaniisită di ma multe privideri a tratatului, în special di ateale referitoare la arbitrajulu a disputilor comerciale întră companii si guverne. Romania condiţionă si ea simnarea documentului di mutarea vizilor trâ cetăţeanil’i a l’ei. Ottawa fu di acord cu mutarea graduală, di anulu v’initor, a vizilor, ama maşi ma că tratatulu di liber alâximintu cu Uniunea Europeană va hibă simnat.

România Internațional, 27.10.2016, 22:29

Bruxelles – Premierulu belghian Charles Michel anuntăă că lideril’i a reghiunilor belghiane agiumsiră, ază, la un acord tru ţi mutreaşte acordul di liber-alâximintu întră UE şi Canada (CETA), informeadza AFP si Reuters. Hibă ţi achicâsire convenită în Belghia lipseaşte, in continuare, aprobată di alanţâ 27 di membri a UE ninte ca acordul în sine sa hibă simnat. Acordul, a cui simnare eara pruvidzută ază, la Bruxelles, fu blocat di guvernul a reghiunilei Valonia(Belghia), care nu eara multaniisită di ma multe privideri a tratatului, în special di ateale referitoare la arbitrajulu a disputilor comerciale întră companii si guverne. Romania condiţionă si ea simnarea documentului di mutarea vizilor trâ cetăţeanil’i a l’ei. Ottawa fu di acord cu mutarea graduală, di anulu v’initor, a vizilor, ama maşi ma că tratatulu di liber alâximintu cu Uniunea Europeană va hibă simnat.

(Aura Spiridon)

Bruxelles – Actualile provocări di securitate reclamă existenta a unei ligatură NATO-UE solide si durabile are subliniată, ază, la Bruxelles, ministrulu roman a li Apărare, Mihnea Motoc, tru ultima dzuuă a reuniunilei a omologilor a l’ei di-tru statile NATO. Aieri, secretarulu gheneral a Aliantâlei Nordu-Atalntică, Jens Stoltenberg, are declarată că mai multe tari va contribuie la faţirea ma sânâtoasă a flancului estic a NATO, dinintea a fuvirsirilor a li Rusie. El preciză ca 13 state va participă la concentrările militare din Polonia şi ţările baltiţe, iar sase va contribuie terestru, naval şi aerian în reghiunea Marilei Laie. La reuniunea di la Bruxelles si-are discutată si dispre brigada multinaţională ţi va fi gazduita si condusă di România. Marea Britanie are anuntată, deja, ca va pitreacă în România avioane di alumtă Typhoon, trâ misiun’i di patrulare.

(Andreea)

Bucureşti – Leadzea care pruveade eliminarea, di anulu v’initor, în România, a piste 100 di taxe nefiscale, inclusiv a taxâlei radio-tv, fu criticată, aieri, di preşedintile Klaus Iohannis şi di premierulu Dacian Cioloş. Proiectul di actu normativ, iniţiat di PSD, avea tricută, cu ună dzuuă ninte, di Camera Deputaţâlor – for decizional tru aţist caz şi urmeadză să agiungă la şefulu a statului, trâ promulgare. Aestua easte, ama, di păreare că, trâ dezvoltarea ună Românie predictibilă, lipseaşte ca investitoril’i să ştibă cum va evolueadză taxile şi impozitile tru următoril’i 10 ani. Klaus Iohannis consideră că nu easte ghine ca ninte di aleadzirile parlamentare di-tru 11 andreu să hibă alâxită toată arhitectura a taxilor, fără ună discuţie cu mediul di afaceri, sindicatile şi societatea civilă. Ma sâ nâ referim la eliminarea taxâlei trâ posturile publiţe di radio şi di televiziune, preşedintile Iohannis apreciat că aţeastă chestiune nu poate să hibă rezolvată într-ună siptămână, fără ună evaluare şi un plan pi termen lungu. Tru arada lui, premierulu Dacian Cioloş are declarată că l’ia în calcul posibilitatea tra să atacă leadzea la Curtea Constituţională.

(Roxana Vasile)