Habari dit bana romaneasca si internationala
Moscova – Ministerulu român di Externe transmise, într-un mesaj în engleză pi contul a lui ofiţial di Twitter, condoleanţe a familiilor a victimelor a li explozie produsă, azâ, în metroulu din Sankt-Petersburg, al doilea câsâbă ca mărime din Rusia. DZăţ di oamini fură vâtâmaţ sau răniţ în deflagraţia produsă într-un vagon aflat anamisa di dauă staţii. Ulterior, forţile di securitate ruse au dezamorsată un dispozitiv explozibil aflat la ună altă staţie di metrou. Autorităţâle anunţară că discl’isiră ună anchetă trâ ‘actu teroristu’, ama precizară că va hibă examinate şi alante eventuale piste. Ca urmare a ndrupâmintului pi care Moscova lu-are acordată, în Siria, a forţilor a preşedintelui Bachar al-Assad arhiusinda di-tru agh’izmăciune 2015, organizaţia teroristă Statulu Islamic lâ câftă a lumtătorilor a lui să atacă Rusia. În egală misură, în trecut, aestă ţară fu semnul di videare a atacurilor a separatiştilor ceceni.
Roxana Vasile, 03.04.2017, 22:09
Moscova – Ministerulu român di Externe transmise, într-un mesaj în engleză pi contul a lui ofiţial di Twitter, condoleanţe a familiilor a victimelor a li explozie produsă, azâ, în metroulu din Sankt-Petersburg, al doilea câsâbă ca mărime din Rusia. DZăţ di oamini fură vâtâmaţ sau răniţ în deflagraţia produsă într-un vagon aflat anamisa di dauă staţii. Ulterior, forţile di securitate ruse au dezamorsată un dispozitiv explozibil aflat la ună altă staţie di metrou. Autorităţâle anunţară că discl’isiră ună anchetă trâ ‘actu teroristu’, ama precizară că va hibă examinate şi alante eventuale piste. Ca urmare a ndrupâmintului pi care Moscova lu-are acordată, în Siria, a forţilor a preşedintelui Bachar al-Assad arhiusinda di-tru agh’izmăciune 2015, organizaţia teroristă Statulu Islamic lâ câftă a lumtătorilor a lui să atacă Rusia. În egală misură, în trecut, aestă ţară fu semnul di videare a atacurilor a separatiştilor ceceni.
(Roxana Vasile)
Bucureşti – La Bucureşti avu loc, ază, cheremonia di învestire a noilor miniştri a Mediului şi trâ relaţia cu Parlamentul. Partener-junior tru Guvernul condus di social-democratulu Sorin Grindeanu, ALDE u propuse trâ funcţia di ministru a Mediului şi vicepremier pi Graţiela Gavrilescu, până tora ministru trâ Relaţia cu Parlamentul. Loculu a luştui fu loat di liderulu a grupului a senatorilor ALDE, Viorel Ilie. Cu ună siptămână ninte, conduţirea ALDE apofăsi retradzirea a ndrupâmintului politic trâ copreşedintile a formaţiunilei, Daniel Constantin, ministru a Mediului şi vicepremier, pi fondul a nianţileadzirilor dintre aestua şi alantu copreşedinte liberal-democrat, preşedintile a Senatului, Călin Popescu Tăriceanu.
(Roxana Vasile)
BUCURESTI – Poliţia romana di frontieră anuntăă faţe ma sânâtoase, di vineri, controalile di la intrarea şi ieşirea din ţară. Toate persoanile care trec graniţa va hibă verificate în baze di date naţionale şi internaţionale, aşi că si prefigureadzăună creaştire a timpilor di aştiptare trâ efectuarea formalităţâlor di frontieră. Uidisit a unui comunicat remis a presâl’ei, di pi 7 apriliu iintră în vigoare ună modificare a Codului a Frontierilor Schengen, adoptată di Parlamentul European şi Consiliul a Europâlei si cu scupolu să ducă la îmbunătăţirea securitatilei a li Uniune Europeană şi a cetăţean’ilor a liştei. Politia română di frontieră afiirmă că are loată toate misurile trâ reduţirea a timpilor di aşteptare şi asiguripsirea unui control operativ si ca depuse toate eforturile trâ asiguripsire un echilibru întră securitatea cetăţean’ilor şi fluenţa traficului di călători. (Bogdan Matei)
Chişinău – Republica Moldova, ex-sovietică majoritar românofonă, şi Uniunea Economică Eurasiatică simnară un controversat memorandum di colaborare. Din partea Chişinăului, pi documentu îşi bâgă semnătura preşedintile pro-rus, soţialistul Igor Dodon. El declarăă că aestua easte un prim pas spri dezvoltarea cooperarilei economică cu Estul şi nu contravine a acordurilor anterioare fapte di Republica Moldova, deci niţe a Acordului di asociare cu Uniunea Europeană. Pi di altâ parte, premierulu Pavel Filip declara, recentu, că memorandumulu nu va aibă niţe ună valoare juridică, di aform’ia că nu are avizulu a ministerului di Externe şi nu fu ratificat di Parlamentu. Uniunea Economică Eurasiatică easte ună organizaţie internaţională care include, printră alte, Rusia şi Belarus.
(Roxana Vasile)
