Habari dit bana romaneasca si internationala
Bucuresti — Anlu aestu, yiurusim 10 ani di la aderarea ali Romanie si intrarea tru tercl’iul ali Uniunii Europene, spusi preşedintele ali Comisiei Europene, Jean-Claude Juncker, cari tanu un zboru tru Parlamentul di Bucuresti. El spusi ca, prit aderarea a vasiliil’ei, UE easti cama prezenta la Amarea Lae si acata ma multa puteare tru plan international. Jean-Claude Juncker nica spusi ca Romania lipseasti s-poata s-agiunga membra a spatiului Schengen cat cama ayon’ea cate al’I si cadi. Tru atea ti mutreasti una Uniune Europeana cu ma multi viteze, Juncker spusi, tru zborlu ti alu tanu, ca aesta easte pruvidzuta tru tratate, ama cundl’e ca varnaoara nu fura tru UE vasilii di mana a daua ica vasilii care s-hiba alasati napoi ncali. Analtul oficial di Bruxelles taxi ca va s-cilastaseasca pi ninga autoritatle romane tra s-asiguripseasca caracterul ireversibil a reformelor realizate. Preşedintele ali Comisie Europeana s-andamusi gioi, cu capu a statlui roman Klaus Iohannis. Aestu declara ca, tra Romania, efectili hairlatiti a apartenental’ei la UE sunt incontestabile si ma s-nu aiba andruparea a fumeaiil’ei europeani progresili a vasiliil’ei vrea s-faca multu preayalea. Presedintia ali UE pi care Romania va u asiguripseasca tru 2019 va-l’I da sansa ta s-anvartuseadza minduita tra yinitorlu ali Uniuni si rolu a l’ei tru organizatie. Caplu a statlui adusi aminti di ateali daua obiective a Bucurestiului, aderarea la euro si la spatiul Schengen di libira urdinari. (Leyla Cheamil)
România Internațional, 11.05.2017, 17:36
Bucuresti — Anlu aestu, yiurusim 10 ani di la aderarea ali Romanie si intrarea tru tercl’iul ali Uniunii Europene, spusi preşedintele ali Comisiei Europene, Jean-Claude Juncker, cari tanu un zboru tru Parlamentul di Bucuresti. El spusi ca, prit aderarea a vasiliil’ei, UE easti cama prezenta la Amarea Lae si acata ma multa puteare tru plan international. Jean-Claude Juncker nica spusi ca Romania lipseasti s-poata s-agiunga membra a spatiului Schengen cat cama ayon’ea cate al’I si cadi. Tru atea ti mutreasti una Uniune Europeana cu ma multi viteze, Juncker spusi, tru zborlu ti alu tanu, ca aesta easte pruvidzuta tru tratate, ama cundl’e ca varnaoara nu fura tru UE vasilii di mana a daua ica vasilii care s-hiba alasati napoi ncali. Analtul oficial di Bruxelles taxi ca va s-cilastaseasca pi ninga autoritatle romane tra s-asiguripseasca caracterul ireversibil a reformelor realizate. Preşedintele ali Comisie Europeana s-andamusi gioi, cu capu a statlui roman Klaus Iohannis. Aestu declara ca, tra Romania, efectili hairlatiti a apartenental’ei la UE sunt incontestabile si ma s-nu aiba andruparea a fumeaiil’ei europeani progresili a vasiliil’ei vrea s-faca multu preayalea. Presedintia ali UE pi care Romania va u asiguripseasca tru 2019 va-l’I da sansa ta s-anvartuseadza minduita tra yinitorlu ali Uniuni si rolu a l’ei tru organizatie. Caplu a statlui adusi aminti di ateali daua obiective a Bucurestiului, aderarea la euro si la spatiul Schengen di libira urdinari. (Leyla Cheamil)
Bruxelles – Comisia Europeană (CE) s-revizui tru scădeare estimărle tra aest an referitoari la creastirea economiei românesti la 4,3% dit PIB, sum estimarea dit iarna cari eara de 4,4%. Conformu cu previziun’ii economice di primveară publicate gioi, tra 2018, Comisia s-tane estimările uidisitu cu cari avansul economiei românesti va s-ayaliseasca la 3,7%. Ti ti mutreasti deficitlu public, aestu va s-agiungă la 3,5% dit PIB tru 2017 a deapoa tru 2018 s-ascada, până la 3,8% dit PIB. Executivul di Bruxelles avertizeaza că proiectul di nom tra tin’ia di cafi mes unitara reprezintă un risc semnificativ la adresa a obiectivilor fiscale., cu un impact potential di până la 2% dit PIB tra ziya guvernamentala tru 2018. Economia ali Românie va s-nregistreadza anlu aestu un avansu di 4%, estimeaza Banca Europeană tra Reconstrucţie şi Dezvoltare, andicra di una creastiri di 3,7%, pruvidzuta tru brumar. Si Fondul Monetar Internaţional u revizui tru creaştire, di la 3,8% la 4,2%, estimărli mutrindalui evoluţia ali economie româneşti ti aestu an.
(andreea)
Madrid — Nai cama buna agiucătoari română di tenis, Simona Halep, di fara armaneasca, loclu opt tru clasamentul WTA, s-califica, gioi, tru semifinalili a turneului di Madrid (Spania), dotat cu premii di 5,4 miliun’i di dolari. Ea u azvimsi tru daua seturi pi Coco Vandeweghe (SUA, 20 WTA). Dupa aesta calificari, Halep va s-agiunga diznau pi loclu patru WTA, profitândalui di eliminarea a Dominikăl’ei Cibulkova. Tut aza, alanta romanca armasa tru competitie, Sorana Cîrstea, loclu 83 WTA şi beneficiară a unui wild-card, va s-agioaca tru cirecuri contra a frantuzoaical’ei Kristina Mladenovic (Franţa, 17 WTA). Irina Begu s-danasi tru optimile di finala dupa ti fu azvimta di olandeza Kiki Bertens (19 WTA).
(andreea)
Armanipsearea: Tascu Lala
