Ndridzeri tra yiurtusearea a Dzuual’ei Naţionala

Leyla Cheamil, 28.11.2016, 11:59

Prot (1) di Andreu 1918 armâni, tru istorie, un semnu tra unitatea a român’ilor. Agiumtă sărbătoari ufitială după Revoluţia anticomunistă dit 1989, data di 1 di Andreu cundil’eadza bitisearea, tru insita a Protlui Polim Mondial, tru 1918, a protesului di thimil’iuseari a statlui naţional unitar român, prit intrarea sum autoritatea a Bucureştiului a tutulor provintiilor cu populaţie majoritar românească dit componenţa a imperiilor multinaţionali vitini. Dzuua Naţională va s-hibă yiurtusita tru tută vasilia, ama şi tru xeani, nica s-tru teatri di operaţiuni, prit paradi, teremonii relighioasi, expoziţii di tehni militară di alumtă şi armamentu ica manifestări artistiti. Dumanică, cama di trei n’il’i di aschirladz şi specialişti dit Ministerlu ali Apărari Naţionale, Ministerlu tra Afaceri Interne şi Serviciul Român di Informaţii featira atea dit soni repetiţie tra parada dit 1 di Andreu di Bucureşti.

Defilarea di Ziua Naţională va s-tana, diznau, pi sum Arcul di Triumfu, după ti tru doil’i an’i dit soni, termoniile s-disvartira tru Piaţa ali Constituţie, di furn’ia a lucrărlor di znueari a Arcului. La aestă paradă, bucureşten’il’i va s-poata s-veada naili uniforme a aschirladzlor român’i dit teatrili di polim, ama şi tehnea militară ali Ascheri Româna. Generalu Adrian Tonea, locţiitor a Şeflui di Stat Major General, cundil’e: “Parada militară naţională di estan easti acutotalui specială, cate u duti ma largu dalga a manifestărlor ndreapti tra centenarlu a Primlui Polim Mondial. Vedeta a paradal’ei u reprezintă avioanili multirol F16 şi naulu stran’iu combat a Ascheril’ei române.”

La defilari, a militarlor români va la si adavga sot dit ma multe vasilii aliati ica parteneri: Marea Britanie, Italia, Germania, Ripublica Moldova, Polonia, Slovacia, Spania şi SUA. Di altă parte, tru plan cultural, cu furn’ia a Dzuual’ei Naţionala ali Românie, Institutlu Eudoxiu Hurmuzachi tra român’il’i di iutido şi Institutlu Cultural Român, prit Direcţia Român’il’ di Nafoara a Vasiliil’ei, ndreadzi, tru perioada 27 di brumar – 4 di andreu, concerti di muzică populară şi spectacoli tra comunităţli di români dit Spania si Italia, vasilii iu baneadza multi comunităţ di român’i. Evenimenti di idyea turlie suntu organizate Israel, la Kiriat Haim şi Tel Aviv.

Viena, Dzuua Naţională ali Românie fu celebrată, dumanică, prit un concertu extraordinar ţanut di artistul şi dirijorlu Nicolae Voiculeţ, deadun cu Klaus Dieter Untch (orgă) şi Orchestra România. Parti a voltal’ei România 100 – D.O.R., programlu muzical easti minduit ca un ti promovarea a identitatil’ei româneşti şi tra scutearea tru lun’ina diznau a valorlor naţionale. Volta ahurhi anlu aestu cu evenimente tru România, Cehia şi Slovacia şi va s-disvarteasca până tru andreu 2018, cându, la Alba Iulia (centru), va s-tana concertul ti va s-yiurtuseasca 100 di an’i di la Marea Uniri.

Autor: Leyla Cheamil

Armanipsearea: Tascu Lala