Pãradz europeañi trã Românie
România apruke patra pãlteari ditu PNRR.
Tașcu Lala, 24.06.2026, 22:13
România apruke, marțã, nica 2,25 miliardi di evrad, reprezentânda patra pãlteari ditu Mecanismulu di Redresare şi Rezilienţă, elementulu tsentral al NextGenearationEU, programlu post-pandemic ali Comisie ţi ari scupolu s’ndrupascã redresarea, creaştirea economică şi competitivitatea statiloru membri. Patra pãlteari ali Românie easti goala vâsilie tru cari nu avea suspendări a nãscãntoru fortumi di pãradz. Aestu lucru nsimneadzã că executivlu di Bruxelles lugurseaşti că Guvernul ali Românie ari lucratã pãnu di mardzinã ţi eara pruvidzutu tru aestă etapă, neise reformi şi investiţii. Cu aestă pãlteari, România adusi cama di 60% ditu totalu ţi eara ahãrdzitu finanțiaru ţi s’da pritu aestu programu, a deapoa, până tru bitisita meslui yismãciuni, va s’dipună aţea ditu soni câftari di pãlteari. Pãltearea di marțã fu faptă dupu avizlu favorabilu a Comitetlui Economic şi Finanțiar a Consiliului. Planlu di Redresari şi Rezilienţâ ali Românie easti finanţat cu 21,41 di miliardi di euro ditu cari armânu nica 8,4 miliardi di euro ti-a-loari.
Ministrul interimar a Finanţiloru, Alexandru Nazare, cundille că pãradzlli loaţ marțã va s’hibã alãxsiţ tru lei şi va s’alimenteadzã contul ali Trezorerie, trã s’anvãleascã ma lişoru pãlterli scadenti pi 24 di cirişaru. „Coordonarea cu Comisia Europeană fu multu bună, iara darea-a pãradzlor ari şi unã simasie practică trã administrarea finanţilor publiţiˮ, spusi ministurlu. El hâristusi ali Comisie Europeanã trã agiutorlu ţi s’da ti optimizarea ali administrari a lichidităţlor anãnghisiti aliştei rambursări. „Cãftarea acãţã tru isapi 38 di jaloane şi 24 di scupadz, evaluati pozitiv pi livelu european. Nu furã suspendări, s’clleamã că obiectivili furã dusi pãnu tru capuˮ, cundille Alexandru Nazare. Aestu cundille că tuti reformele şi investiţiile ditu PNRR lipseaşti s’hibã bitisiti tru aestu an. „Fondurli europeani nu suntu maş ţifri tru unã isapi. Easti calea ta s’da silã ti dizvultarea ali Românie pritu investiţii cari s’ved tru economieˮ, nica spusi ministurlu a Finanţloru.
Tu arada a lui, ministurlu interimaru a Investiţiiloru şi Proiectilor Europeani, Dragoş Pîslaru, spusi că furã securizati investiţii importante ditu sânâtati, educaţie şi energhie. El cundille că tuti aţeali șapti spitali acãţati tru isapea a Planlui Naționalu di Redresari si Reziliențâ va s’hibã bitisiti, iara tru dumenea ali educaţie fu ţãnutã cumata cu ahãrdzarea di pãradz, nica şi partea di campusuri, ti ndridzearea sculiilor, tru kirolu anda zona di energhie, digitalizari şi REPowerEU, suntu tuti sumili ahãrdziti şi finalizati tru proporţie di 97% ş-cama. „Tuti lucãrli aestea suntu mãri realizări cu scumbuseari, cari lipseaşti s’armână ma largu ti bunu, putem s’li bitisimu cu hãiriˮ, spusi ministurlu interimar Dragoş Pîslaru.
Autoru: Leyla Cheamil
Armãnipsearea: Taşcu Lala
