Premierlu Cioloş tra catastisea a migranţalor (21.09.2016)
Problemă ti yini diznau tru aradă şi, până tora, fără cearei di ndridzeari, drama a dzatlor di miliun’i di migranţa di pi planetă fu cabaia acatata tru moebeti şi la summitlu ONU di New York. Hiindalui tru bitisita di mandatu, liderlu di Casa Albă, Barack Obama, spusi că dun’eaua s-ampuliseasti cu “una criză di proporţii epiti” şi al’i candasi liderl’ii mondiali să-şi si duca cu mintea cum vrea s-hiba cara fumeili a lor va u aiba mira a arifugatlor. Obama s-hiritiseasti că statili cari l’ia parti la summit s-loara borgea tra s-pril’ia 360 di n’il’i di arifugaţ tru aestu an, un numir aproapea diplo andicra di atel dit 2015, şi cafta ca statili avuti s-cilastaseasca ma multu tra sa-l’i agiuta atel’i cari fug dit calea a ceamaunilor.
Bogdan Matei, 21.09.2016, 12:30
Problemă ti yini diznau tru aradă şi, până tora, fără cearei di ndridzeari, drama a dzatlor di miliun’i di migranţa di pi planetă fu cabaia acatata tru moebeti şi la summitlu ONU di New York. Hiindalui tru bitisita di mandatu, liderlu di Casa Albă, Barack Obama, spusi că dun’eaua s-ampuliseasti cu “una criză di proporţii epiti” şi al’i candasi liderl’ii mondiali să-şi si duca cu mintea cum vrea s-hiba cara fumeili a lor va u aiba mira a arifugatlor. Obama s-hiritiseasti că statili cari l’ia parti la summit s-loara borgea tra s-pril’ia 360 di n’il’i di arifugaţ tru aestu an, un numir aproapea diplo andicra di atel dit 2015, şi cafta ca statili avuti s-cilastaseasca ma multu tra sa-l’i agiuta atel’i cari fug dit calea a ceamaunilor.
Tru numa ali României, premierlu Dacian Cioloş spusi, di la tribuna ONU, că lumea ari halatli ti suntu ananghi tra s-tana cheptu dinintea a crizal’ei cu arifugatl’i. Bucureştiul, cundil’eadză Cioloş, pricanoasti acutotalui borgea comuna tra s-chivernisească dalga mari di arifugaţ şi ari, tru idyiul kiro, resurse şi politit tra s-ndrupasca gaeretli a comunitatil’ei internaţionala.
Ia ti spusi Dacian Cioloş: Ma multu di ahantu, România deadi agiutor uminitar bilatearal tra statili ti suntu zn’iipsiti: Turcia, Iordania, Liban, Irak şi Afganistan. Tru streasă coopearari cu agenţiile uminitare internaţionale, România da a arifugaţlor nadie tra una naua bana, la ndreadzi apanghiu temporar tru Centrul di tranzit di ananaghi di Timişoara.”
Premierlu Cioloş, aleptu di pitricuta Radio România, nica spune că, pi ningă agiutorlu uminitar, educaţional şi pi pazarea a lucarlui, autorităţli da tra tut atel’i cilimean’i a cetăţean’ilor xen’i cari s-harsescu di protecţie idyili ndrepturi la educaţie cata cum li au cilimean’il’i român’i. El nica exighisi că România andrupa, tru harea di stat membru ali Uniunii Europeana, procesul di transfer a arifugaţlor şi di rialocari a aistor pi thimel’iu di voluntariat. Idyealui cu ma multi state dit tentrul şi estul a continentului, România avu daima ngatanu andicra di aşi-numasitile cote obligatorii di imigranţa pi cari lipsea sa-l’i apanghiseasca statili dit Uniuni.
Ungaria ica România, Vargaria ica Slovacia nu au experienţă tu ti mutreasti chivernisearea a nascantor ahtari provocări. Andicra di multi state dit ascapitata a continentului, aesti vasilii varnaoara nu avura niti imperii coloniale, di iu s-yină migranţa catra metropolă, niti un nivel di bana cari s-tragă miliun’i di extra-comunitari, niti multi comunităţi cari s-aleg di alanti prit aradatina, dimec, di confesiune musulimană.
Idyealui cum Budapesta ica Varşovia, resposabilii di Bucureşti caftara tra s-baga tru lucru coti voluntari di priloari a arifugaţlor şi sa spusira daima, contra a atiloru obligatorii. Nu zburam tra tifri, ca masi di oamin’i — cundil’ea, nica di aoa si un an di dzali, prezidentul Klaus Iohannis, ti nu aprukea atea ti numasi cotili fapti isapi tru una turlie birocratica, fara multa mindueari si fara s-cafta mintea a statiloru membri”.
Autor: Bogdan Matei
Armanipsearea: Tascu Lala
