Premiili Uniter
Anamisa di an’il’i 1911 şi 1913, Târgu Mureş eara adrata Palatea a Cultural’ei — casă cu vidzută tră aţel chiro, ună di nai cama reprezentativi a localitatil’ei transilvăneani. Avea ună Sală Mari cu 800 di locuri şi ună orgă ghigantică, ună Sală N’ică, ună a Yiliilor şi ună Vivliotecă Orăşenească. Nafoară, faţada l’i-eara armătusită cu mozaicuri şi basoreliefuri tru brondzu şi chiatră, cu fresţi şi vitralii. După marcarea, tru 2013, prit evenimenti culturale di excepţie, a 100 di an’i di la anălţarea a monumentului, Pălatea di Târgu Mureş fu nicuchira, luni dicseară, ti nai cama di simasie şi aştiptat evenimentu tru cafi an a lumil’ei româneşti a teatrului — gala a Uniunil’ei Teatrali dit România (Uniter). Agiumtă la a 22-a ediţie, aestă s-dizvărti tră treia oară nafoara a Bucureştiului.
Roxana Vasile, 29.04.2014, 11:58
Anamisa di an’il’i 1911 şi 1913, Târgu Mureş eara adrata Palatea a Cultural’ei — casă cu vidzută tră aţel chiro, ună di nai cama reprezentativi a localitatil’ei transilvăneani. Avea ună Sală Mari cu 800 di locuri şi ună orgă ghigantică, ună Sală N’ică, ună a Yiliilor şi ună Vivliotecă Orăşenească. Nafoară, faţada l’i-eara armătusită cu mozaicuri şi basoreliefuri tru brondzu şi chiatră, cu fresţi şi vitralii. După marcarea, tru 2013, prit evenimenti culturale di excepţie, a 100 di an’i di la anălţarea a monumentului, Pălatea di Târgu Mureş fu nicuchira, luni dicseară, ti nai cama di simasie şi aştiptat evenimentu tru cafi an a lumil’ei româneşti a teatrului — gala a Uniunil’ei Teatrali dit România (Uniter). Agiumtă la a 22-a ediţie, aestă s-dizvărti tră treia oară nafoara a Bucureştiului.
După Sibiu, tru 2007 capitală culturală europeană, şi Iaşi, un altu stur — dit nord-estul a văsiliil’ei — a cultural’ei română, vini arada a căsăbălui Târgu Mureş s-hibă nicuchirlu tră sărbătoarea a isnafil’ei di artişti tru teatru. “Victor ică cilimean’il’i la puteari”, băgat tru sţenă di Silviu Purcărete la Teatrul Maghiar di Stat di Cluj-Napoca, fu aleptu ca nai cama bun spectacol. Şi tut tră rolu dit un spectacol marca Purcărete, ama băgat tru sţenă la Naţionalul clujean, “Ti niminduita tanal’iurea”, di Eugen Ionesco, Cornel Răileanu fu tin’isitu cu premiul tră nai bunlu actor. La categoria “nai ma bună actriţă tru un rol prinţipal”, juriul Uniter u aleapsi Alexandra Fasolă, nai ma tinira dit nominalizati, titulară tru piesa “Yentl” di la Teatrul Evreiescu di Stat di Bucureşti.
Doauă nuvele di Mihail Bulgakov — Ştergarlu cu cuşniţa” şi Beregata di cileki”, adrati di Radio România, fura tin’isiti cu premiul tră teatru radiofonic. László Bocsárdi fu premiat tră regia a spectacolui “Hamlet” la Teatrul “Tamási Áron” dit Sâmtu-Gheorghe, iara cu Premiul Uniter di Excelenţă fu tin’isitu mult vrutlu actor Victor Rebengiuc, ti fu aştiptat cabaia cu băteri di păln’i di ateali cama di 500 di personalităţ dit tută văsilia călisiti la gala a excelenţal’ei tru teatrul românescu. Aşi cum exighisea, tora ayon’ia, tru un interviu prezidentul Uniter şi amfitrionlu permanentu a galăl’ei, actorlu Ion Caramitru, tru an’il’i a comunismului, tru România teatrul eara un spaţiu privilegiat, vahi masi el gol iu oamin’il’i putea s-l’ia parti la ună demonstraţie di libirtati a spiritlui.
Deapoa, ună ş-ună după Revoluţia dit 1989, fascinat di spectacolu politic şi mediatic, publiclu ahurhi să s-arătească di săli’urli di teatru. Em, tru aestu contextu s-duchea ananghea a unui revirimentu. S-feati ună ş-ună cu turnarea, tru patrida a născăntor mări artişti tsi eara fudzits tru xeani, cata cum Andrei Şerban, Liviu Ciulei ică Lucian Pintilie, ama şi cu băgarea tru scenă tră tuti gusturli. Tu aestă oară, săli’urli suntu, diznău arhimpline, iara român’il’i — cu vrearea tra s-nveată, şi cu agiutorlu a teatrului, dit avearea culturală universală.
Armanipsearea: Tascu Lala
