RCA, apofasi legali şi protesti
Furn’ie di protesti cari u mintira ndaua oari arada urdinarea, tarifili a poliţilor RCA suntu ngl’itati tru România tra yinitorl’i 6 mesi la un paha di referinţă cari va s-hiba dimandat tru nai cama multu 30 di dzali di Autoritatea di Supraveghere Financiară. Apofasea s-veadi tru una ordonanţă di ananghi vulusită, n’ercuri, di executiv şi va s-baga tru lucru tra tuţ şoferl’i, nu masi tra transportatori. Documentul nica pruveadi, ntra altili, că un contractu RCA poate s-hiba simnatu ti un kiro anamisa di un mes şi un an di dzali, a deapoa curmarea a aistui va s-hiba aprukeata la caftarea a atilui ti fu asiguripsitu.
Corina Cristea, 15.09.2016, 12:07
Furn’ie di protesti cari u mintira ndaua oari arada urdinarea, tarifili a poliţilor RCA suntu ngl’itati tru România tra yinitorl’i 6 mesi la un paha di referinţă cari va s-hiba dimandat tru nai cama multu 30 di dzali di Autoritatea di Supraveghere Financiară. Apofasea s-veadi tru una ordonanţă di ananghi vulusită, n’ercuri, di executiv şi va s-baga tru lucru tra tuţ şoferl’i, nu masi tra transportatori. Documentul nica pruveadi, ntra altili, că un contractu RCA poate s-hiba simnatu ti un kiro anamisa di un mes şi un an di dzali, a deapoa curmarea a aistui va s-hiba aprukeata la caftarea a atilui ti fu asiguripsitu.
Ma s-faca vara accidentu, zn’ia poati s-hiba paltita dit asigurarea isisi a deapoa zn’ia va s-hiba recupearată ma amanat di atel ti ari cabati. Un comunicat a Guvernului cundil’eadză că ordonanţa acaţa tru isapi directivele europene tru materie, dit experienţa a alantor state membre tru atea ti mutreasti reglementarea a aistei asiguripseari, catacum şi di pripunirli ti li featira asociaţiile profesionale şi patronale a asiguripsitloru şi a transportatorlor auto. Cu tuti apofasili ti li lo guvernul, una parti dit transportatori apufusira, ama, s-nu tragă mana di la protesti.
Patru dit ateali şasi asociaţii a transportatorlor ascumbusira dinintea a sediului a guvernului şi tru alti locaţii dit 20 casabadz n’il’i di transportatori tra şi spuna ma largu niifharistuserli. El’i cafta ca pahadzl’i RCA s-hiba ngl’itat la valorli medii a zn’iilor ti suntu tru isakili a Autoritatil’ei tra Supraveghere Financiară, şi nu la nivelu a atiloru cari va sa s-faca isapi tru yinitoru. Ase, patronatili cafta un paha di 4.900 di lei (aproapea 1100 di euro) tra un camion, dimi zn’ia di mesi, kiro tru cari varianta pripusă di cătra autorităţ easti di 18.500 di lei (aproapea 4100 di euro) tra zn’ia di mesi.
La pazarapserli di la guvernu nu s-avea apufusita limbid cari va s-hiba aestu plafon a zn’iil’ei, a deapoa ngl’itarea a pahadzloru RCA, aprobată di Consiliul a Concurenţal’ei, canda eara duri tra transportatori, cari avea, ama, nascanti rezervi tru ti mutreasti aştiptarea tra tipusearea a respectival’ei ordonanţa. Transportatorl’i cafta şi demisia a prezidentului di la Autoritatea di Supraveghere Financiară, Mişu Negriţoiu, pi cari îl lugursescu responsabil ti creaştirea cabaia mari a pahadzloru RCA tru anlu dit soni. Asi cum dimanda patronatili dit transporturi, aesti suntu ma mari nica şi di 2,5 ori andicra di protlu trimestru a anlui 2015.
Mişu Negriţoiu spuni, ama, că nu ari cate sa s-faca pismani ti furn’ia că Autoritatea di Supraveghere Financiară (ASF) nu poati s-apufuseasca pahadzl’i şi nu ari ndreptul legal să s-minteasca tru contractili comerciali simnati di asiguratori. Prezidentul ali Autoritati di Supraveghere Financiară declara tru Parlamentu că situaţia RCA isi tru migdani di furn’ia a libearalizaril’ei pi pazari la cari România s-lo borgea tru 2007.
Autor: Corina Cristea
Armanipsearea: Tascu Lala
