România – Ghirmania, ligatura privilegiată
Tru 2017, s-umplu 50 di an’i di cându Bucureştiul, tu atel kiro comunistu, apufusea ligaturi diplomatice bilaterale la nivel di ambasadă cu Republica Federală Ghirmania şi 25 di an’i di la simnaria a Tratatlui mutrindalui cooperaria şi parteneriatlu tru Europa anamisda di România postcomunistă şi Ghirmania reunificată. Ica inamică, aşi cum fu tru kirolu a protlui polim mondial şi tru mesl’I dit soni a doilui, ica aliată tru NATO şi parteneră tru UE, cum ază, Ghirmania la inspira a tutaloru românilor tin’ie şi admiraţie. Hairea şi seriozitatea ghirmana suntu proverbiale aoa şi nu fara noima sloganlu electoral cu cari Klaus Iohannis aminta, tru 2014, alidzerli prezidenţiale taxea una Românie a lucarlui hini adrat. Membru a comunitatil’ei ghirmana dit România, clirunom a coloniştilor saxoni viniţ tru Transilvania tru Evul Mediu, prezidentul Iohannis easti, constată comentatorl’ii, multu tru havaia a lui Berlin. El feati moeabeti, luni, cu omologlu a lui, Frank-Walter Steinmeier, şi cu cantelarlu Angela Merkel em ti ligaturli bilaterale privilegiate, em tra catastisea ali Uniuni Europene şi a raporturlor transatlantiti.
Bogdan Matei, 20.06.2017, 14:00
Tru 2017, s-umplu 50 di an’i di cându Bucureştiul, tu atel kiro comunistu, apufusea ligaturi diplomatice bilaterale la nivel di ambasadă cu Republica Federală Ghirmania şi 25 di an’i di la simnaria a Tratatlui mutrindalui cooperaria şi parteneriatlu tru Europa anamisda di România postcomunistă şi Ghirmania reunificată. Ica inamică, aşi cum fu tru kirolu a protlui polim mondial şi tru mesl’I dit soni a doilui, ica aliată tru NATO şi parteneră tru UE, cum ază, Ghirmania la inspira a tutaloru românilor tin’ie şi admiraţie. Hairea şi seriozitatea ghirmana suntu proverbiale aoa şi nu fara noima sloganlu electoral cu cari Klaus Iohannis aminta, tru 2014, alidzerli prezidenţiale taxea una Românie a lucarlui hini adrat. Membru a comunitatil’ei ghirmana dit România, clirunom a coloniştilor saxoni viniţ tru Transilvania tru Evul Mediu, prezidentul Iohannis easti, constată comentatorl’ii, multu tru havaia a lui Berlin. El feati moeabeti, luni, cu omologlu a lui, Frank-Walter Steinmeier, şi cu cantelarlu Angela Merkel em ti ligaturli bilaterale privilegiate, em tra catastisea ali Uniuni Europene şi a raporturlor transatlantiti.
Tru contrast cu arătimea ti s-veadi em nu di multu kiro anamisa di Berlin şi Washington, vizita di meslu aestu a prezidentului ali Românie la Casa Albă şi moeabeţli a lui cu Donald Trump fura lugursiti ca hiindalui un mari succes di politică externă.
Klaus Iohannis napoi spusi Berlin că: “Ligatura transatlantică nu easti una opţiune politică ica diplomatică. Ligatura transatlantică easti la thimel’ilu a civilizaţiil’ei a noastri di turlie democratica şi lipseasti s-hiba tanută, dimi, multu di multu si cu hairi. Pri ayalea, ayalea, impresia mea easti că multă lume akicaseasti că tra s-acat calea ti slaghearea a ligatural’ei easti una mari alathusi şi cata tuţ suntu pi un discurs politic cari duti, cadealihea, cătra una hairlatica diznau, a aistei ligaturi, căte Europa ari ananghi di America şi al’iumtrea, şi anamisa di NATO şi Uniune lipseasti s-aibă colaborări cu efectu di sinergie şi nu altutiva.”
D-na Merkel lugursi, tru arada a l’ei, că ligatura anamisa di Europa şi America lipseasti s-armână multu bună, a deapoa Uniunea Europeană şi NATO nu lipseasti s-hiba dukiti ca hiindalui concurenti. Ea nu ş-ascumsi haristusearea că Bucureştiul şi Berlinlu au puncti di videala idyealui tru dosari crehti, cum Brexitlu, protecţia a sinurlor comunitari, migraţia ica terorismul. Cantelarlu federal lugurseasti că România feati jgl’ioati importante tru atea ti mutreasti funcţionarea a statlui di dreptu şi, tru una aluzie străvirdzal’e la mintireasili politico-judiciari di Bucureşti, feati timbihi că una slăgheari a ritmului tru alumta anticorupţie nu va s-hiba una idee bună. Prezidentul Iohannis deadi, dimec, asiguripseri Berlin că naua criză politică nu va s-aduca zn’ie ti politica externă ali Românie şi niti tra angajamentele a aistei tru NATO şi Uniunea Europeană.
Autor: Bogdan Matei
Armanipsearea: Tascu Lala
