Task force la București tră Ucraina
România u spuni minduita ti dănăsearea ună ş-ună a agresiunillei militare ruse tru Ucraina, tră s-da şansă ti nkiseari diznău a eforturilor diplomatice, diclară premierul Nicolae Ciucă.
România Internațional, 25.02.2022, 19:00
România u spuni minduita ti dănăsearea ună ş-ună a agresiunillei militare ruse tru Ucraina, tră s-da şansă ti nkiseari diznău a eforturilor diplomatice, diclară premierul Nicolae Ciucă.
“Avem dininti ună agresiune niprovocată contra a unui stat suveran şi indipendintu membru a Organizaţiei Naţiunilor Unite. Fediraţia Rusă aleapsi forţa armată tră agiundzeari scupadzlli politiţ revizioniştiˮ, spusi Nicolae Ciucă. Aestu sumlinie că Bucureștiul easti tru niacumtinatu dialog cu aliaţllii ditu NATO şi partenerllii europeni.
Premierlu convocă, gioi, la nivelu a Guvernului, Task Force-ul tră kivernisearea a situaţiei generată di aputrusearea militară rusă ditu Ucraina. Protili borgi a aliştei parei di lucru suntu ligate di monitorizarea situaţillei, simfunizarea a misurlor la nivelu a structurilor guvernamentale tră asiguripsearea funcţionărillei tuti servitiilli publiţi. Uidisitu cu spusa al Nicolae Ciucă, structurli guvernamentale responsabile suntu ndreapti, tutunăoară, s’asiguripsească misurile anănghisiti tră priloari ma s’hibă ananghi dăldzăli di arifugaţ.
“Himu solidari cu populu ucrainean şi himu hăzări s’dăm agiutor umanitar celor aflaţi la nevoie. Monitorizăm situaţia cetăţenilor români ditu Ucraina cărora suntuem pregătiţi să le oferim asistenţă consulară şi sprijin prin celula di criză interinstituţională ditu cadrul Ministerului Afacerilor Externe”, adăvgă șeful a Executivului di la București.
Dimi, autorităţile spun că România poati s’aproaki 500.000 di arifugaţ ucraineni. Aeşti pot s’hibă kinduriţ tu tăburi ndreapti tru patru giudiţe, respectiv Maramureş, Botoşani, Suceava şi Tulcea. Ghini ma şi alte giudiţe, cum suntu Braşov, Galaţi ică Vaslui, să spusiră etimi ta s’aşteaptă arifugaţlli
Tru aestu kiro, tru intrară, mulţă cetăţeni ucraineni, tru prrota di origine română, ditu localităţile aflate aproapea di sinuru, cari fug ditu calea polimlui.
Di altă parte, premierul Nicolae Ciucă spusi că văsilia ari nai cama vărtoasi garanţii di securitate ditu istoria a llei. El cundille că România, diadunu cu aliaţii ditu NATO, maxusu pritu Parteneriatului strategic cu Statele Unite ale Americii, cum şi diadunu cu partenerllii ditu Uniunea Europeană, faţi parte ditu nai ma vărtoasă umbrelă di protecţie generată di dimocraţiile a lumillei.
“Securitatea şi siguranţa a cetăţenilor români nu suntu znîipsiti ici” diadi asiguripseri Ciucă. Premierul spusi, tutunăoară, că autorităţile s-asiguripsiră că România are duri stocuri di gaze tru măyăzii tră kivernisearea-a kirolui araţi.
“Monitorizăm şi evaluăm, niacumtinatu, intrărle şi işrle di gaze naturale pe tute rutele ditu văsilie s’putemu s’lomu andicra di evoluţia situaţiillei, misurli anănghisiti tră asiguripseari continuitatea tru aprovizionarea cu gaze naturale”, spusi prim-ministrul.
Autor: Leyla Cheamil
Armânipsearia: Taşcu Lala
