Znueari guvernamentalâ Bucureşti
Surpriza nu vini cu furn’ia a votlui dit Parlamentul di Bucureşti tra naulu guvernu, adrat dit alianţa di stânga PSD-UNPR-PC şi naulu agiumtu PLR (centru—dreapta), un cu nadia di cadri dit PNL (centru-dreapta), prota formaţiune di opoziţie. Cabinetlu, tru structura pripusă di premierlu Victor Ponta, lider a PSD, lo 377 di voturi ”tra” şi masi 134 ”contra”. Pi ninga hirescul gir vinit dit partea a parlamentarlor a atilor patru formaţiuni, proaspita parei lo şi voturli a reprezentanţalor di la nascanti partidi cari, teoretic, lipseasti s-li anvartuseadza aradarichili ali Opoziţie – PP-DD (populist) şi UDMR, ti catu s-trapsi di la guvernari. Premierlu Ponta declara că, tru plan economic, va s-hiba tanuti s-ma largu ateali meatri cari fac ca mediul di emburlachi s-hiba stabil şi cu pistusini.
Florentin Căpitănescu, 16.12.2014, 19:21
Surpriza nu vini cu furn’ia a votlui dit Parlamentul di Bucureşti tra naulu guvernu, adrat dit alianţa di stânga PSD-UNPR-PC şi naulu agiumtu PLR (centru—dreapta), un cu nadia di cadri dit PNL (centru-dreapta), prota formaţiune di opoziţie. Cabinetlu, tru structura pripusă di premierlu Victor Ponta, lider a PSD, lo 377 di voturi ”tra” şi masi 134 ”contra”. Pi ninga hirescul gir vinit dit partea a parlamentarlor a atilor patru formaţiuni, proaspita parei lo şi voturli a reprezentanţalor di la nascanti partidi cari, teoretic, lipseasti s-li anvartuseadza aradarichili ali Opoziţie – PP-DD (populist) şi UDMR, ti catu s-trapsi di la guvernari. Premierlu Ponta declara că, tru plan economic, va s-hiba tanuti s-ma largu ateali meatri cari fac ca mediul di emburlachi s-hiba stabil şi cu pistusini.
Ia ti spusi Victor Ponta: ”Vrem s-tanem tru idyea scara tuti ateali meatri cari spun ca mediul di emburlachi privat s-hiba stabil şi cu pistusini. Zburascu, maxus, ti cota unică di 16%, ti s-nu s-palteasca impozit pi amintaticlu reinvestit, ti scădearea a CAS (tra angajator, n.red) şi pripunirea tra sa scada ma largu, tra niscanti categorii di produsi agricoli, taxa pi valoarea adăvgată. Un 2015 fără niti una turlie di creaştiri di taxe şi impozite, ama cu meatri di andrupari tra economie, ama şi di andrupari sutiala, cari na spuni că atea ti poati s-hiba amintat ma multu tru România poati s-hiba ufilisit ica redistribuit tru una turlie europeana”.
Tut ca lucri di amprotusa pi agenda a cabinetlui, cundil’e premierlu, suntu proiectili asociati a fondurlor europeani, infrastructural’ei di transportu, ali justiţie, educaţie, agricultura ica fisea. Tru arada-l’i, PNL, atel cari, practic, s-agiundzi tru alatusi cu Opoziţia, spuni că actuala coaliţie di guvernari nu ş-lo pi zverca eşeclu politic di la prezidinţialili dit meslu ti tricu, alidzeri amintati di candidatlu liberal Klaus Iohannis, tru detrimentul al Victor Ponta.
Ia ţi dzâţi Eugen Nicolăescu, deputat PNL: ”Coaliţia di guvernari, aşi cum va s-hiba ea minduita, cu ica fără acordu politic, nu anita ici tiva dit votlu a cetăţenilor dit 16 di brumar, nu lu apruche eşeclu politic em al Victor Ponta, em a executivlui a dumniil’ei a lui. Populaţia spusi nu, domnule Ponta”.
Dimi, PNL nu ş-ascumsi naetea tra sa u pril’a putearea tru 2015, eventual, dupu nascanti alidzeri ninti di kiro – un scenariu ti easti cabili, ama, niheama probabil, lugursescu observatorl’ii. Atel’i cari lugursescu şi atea că chirolu yinitor, unaoara cu priloarea ufitială a mandatlui prezidinţial di cătra Klaus Iohannis, easti tin’isitu ti mutreari dit videala a ligaturla’ei instituţionali Prezidentil’e — Guvernu. Aca ari un profil ti lu recomandă ca un politician echilibrat, Iohannis intră tru stenă după ndoi an’i tru cari actualu cap a statlui, Traian Basescu, şi atel a guvernului, Victor Ponta, siminara ligaturi di niachicaseari, tru cari s-chirura multi energhii.
Armanipsearea: Tascu Lala
