Academia Românã – Sesiuni di comunicãri ştiinţifiţi- 100 di añi di la purtarea Armãñiloru ditu Cadrilateru tu Dobrugea
Academia Românã, deadunu cu Societatea di Culturã Macedo-Românã ãndreapsi adzã 22-li di brumaru 2025, unā sesiuni di comunicãri ştiinţifiţi ti aduţearea aminti cã s-umplurã 100 di añi di anda armânjlji şi migliniţlji s’purtarã şi vinirã s-bãneadzã Dobrugea, tu Românie.
Tașcu Lala, 22.10.2025, 19:56
Academia Românã, deadunu cu Societatea di Culturã Macedo-Românã ãndreapsi adzã 22-li di brumaru 2025, unā sesiuni di comunicãri ştiinţifiţi ti aduţearea aminti cã s-umplurã 100 di añi di anda armânjlji şi migliniţlji s’purtarã şi vinirã s-bãneadzã Dobrugea, tu Românie.
Adunarea s-ţânu tu Aula ali Academie şi fu dişcljisâ di Acad. Ioan-Aurel Pop, prezidentulu ali Academie cari zburâ multu muşeatu ti macedoromâni (armânj şi migliniţ).
Deapoa zburârã acad. Mircea Dumitru, viţeprezidentulu ali Academie şi Acad. Nicolae Saramandu, prezidentulu ali Societate di Culturã Macedo-Românã.
Comunicãrli ştiinţifiţi furã prezentati di dr.Viorel Stãnilã, diplomatu, cari zburâ ti catandisea dit vâsiliili balcaniţi cari lâ bâgã zori a macedoromânjlor s-fugã dit locurli di acasã.
Prof.univ.Manuela Nevaci, cercetãtoru la Institutlu di Lingvisticâ “Al.Rosetti-Iorgu Iordan” zburâ ti familia a ljei cari vini atumţea tu Românie ş-ti cercetãrli ţi li feaţi tu lumea armâneascã.
Dr.Emil Ţârcomnicu, cercetãtãtoru la Institutlu di Etnografie şi Folcloru “Constantin Brãiloiu” zburâ ti macedoromãnjlji ditu Dobrugea.
Prof.univ.dr.Adina Berciu-Drãghicescu, di la Universitatea Bucureşti, zburâ ti miglinitlu Constantin Noe ş-ti armânlu Gh. Celea, cari ândreapsirã lucurlu ti yinearea a macedoromânjlor tu Românie.
Aestã emigraţie organizatã s-feaţi tu iamea di chiro 1925-1938.
Hãbari dimãndatã di Jurnalista Irina Paris Naum
