Ursula von der Leyen yini, luni, Bucureşti
Prezidenta ali Comisie Europeană, Ursula von der Leyen, va s-yină luni, 9 di brumaru, tru România, tru arada vizităl’ei a lei tru reghiunea ali Aamarea Lae.
Tașcu Lala, 08.11.2026, 06:47
Prezidenta ali Comisie Europeană, Ursula von der Leyen, yini luni tru România. Ea va s-aibă andamasi cu prezidentulu Nicuşor Dan şi cu premierlu Luca Nicolescu.
Vizita la Bucureşti faţi parti ditu ună voltă ma lărgurie tru reghiunea ali Aamarea Lae, tru contextul a aţiloru ditu soni atacuri aruseşti cu droni pisti pamporili comerciali aproapea di coasta ali Românie şi Vărgărie.
Va s-hibă faptă isapiti securitatea la Amarea Lae, ama şi hubul pi cari România şi Vărgăria lipseaşti s-lu bagă tu lucru.
Marţă, Ursula von der Leyen va s-ducă Varna, iu va s-andămusească cu premierlu ali Vărgărie, Rumen Radev.
N’iercuri, șefa executivlui european va s-l’ia parti, tru Turchie, la conferinţa COP 31 a Naţiunilor Unite, pi tema alăxerloru climatiţi.
Gioi, von der Leyen va s-ducă Dublin, la andamusea a comunitatil’ei politică europenă. Tut Dublin, va s-l’ia parti, viniri, la andamusea informală a membrilor Consiliului European.
Autor: Mariana Chiriţă
Armânipsearea: Taşcu Lala
