Agiutor ti Nepal.
Tu dzua di 25 di Apriiur, un cutreambur di 7,9 pi Richter fu la 10 km tu loc, dip aproapea di capitala al Nepal, Kathmandu, şi dusi la un mari fânico. Uidisit cu nai ma năulu raportu, au chirutâ vârâ 5 000 di oamin’i, iara cama di 6 000 furâ agudiţ – aspârdzearea a infrastructurâl’ei adarâ cama greauâ aflarea a tutulor ghiderilor şi a numirlui di victimi.
România Internațional, 29.04.2015, 14:06
Tu dzua di 25 di Apriiur, un cutreambur di 7,9 pi Richter fu la 10 km tu loc, dip aproapea di capitala al Nepal, Kathmandu, şi dusi la un mari fânico. Uidisit cu nai ma năulu raportu, au chirutâ vârâ 5 000 di oamin’i, iara cama di 6 000 furâ agudiţ – aspârdzearea a infrastructurâl’ei adarâ cama greauâ aflarea a tutulor ghiderilor şi a numirlui di victimi.
Rapoartili di pânâ tora aspun că dzâţ di n’ii di oamin’i furâ agudiţ di aestu cutreambur, iara tora s-alumtâ s-bâneadzâ, câ ţe nu au mâcari, apa ş-apanghiu. Cruţea Aroşi di Nepal, deadun cu autorităţili naţionali bâgarâ ayoniea tu practico ma multi meatri, ta s-asiguripseascâ operaţiun’ili di agiutor.
Ta s-andrupascâ operaţ’iunilei di agiutor a victimilor aluştui mari fânico, Federaţia Internaţionalâ a Societăţilor di Cruţi Aroşi şi Semilunâ Aroşi, deadi cali a unui Apel Internaţional di Urgenţâ. Pâradzl’ii ţi lipsescu ti agiutorlu a cama di 75.000 di oamin’i, suntu 33 milioane euro.
Cruţea Aroşi Românâ yini anamisa di eforturli ali Federaţii Internaţionalâ di Cruţi Aroşi şi Semilunâ Aroşi, şi da cali a “Apelui ti Nepal”. Campania caftâ s-adunâ pâradz tu online şi directu, tu conturli dişcl’isi ayoriea ti aestu lucru.
Pâradzl’ii adunaţ va s-hibâ ufilisiţ di Federaţia Internaţionalâ di Cruţi Aroşi şi Semilunâ Aroşi ti andruparea a protlui agiutor, icâ mutarea di apanghiuri, andridzearea a ligâturilor di apâ bunâ ti beari, ama şi aduţearea di mâcări, di agiutor di turlii medicalâ şi psihologicâ ti poplu nepalez.
Câlisim tuţ aţei şi vor s-andrupascâ aestu apel umanitar, companii, emburi, organizatii guvernamentali si niguvernamentali, s-pitreacâ-ndoi pâradz tu conturili a Cruţil’ei Aroşi Românâ .Ti donaţiili online, easti site-ul www.crucearosie.ro. Conturili ayoriea iu pot s-hibâ pitricuţ pâraz, suntu dicşl’isi la BRD, Agenţia di la Pâzarea Romanâ:
LEI: RO14BRDE410SV34436474100 / EURO: RO02BRDE410SV34436714100
Ti ma multi informaţii, vâ pâlâcârsim s-u câftaţ pi Nadia Lazar, coordonator media — tilifoni: 0748 238 024 icâ pi Cristina Moraru, coordonator adunari di pâradz — tilifoni: 0737 524 269.
