Aleptal’i locali nu pot tra s-alaxeasca partidlu

Tru yismaciuni anlu ţi tricu, cu doi meşi ninti di alidzerli prezidenţiali, Guvernul di stânga di Bucureşti, sum bagheta a liderului social-democrat Victor Ponta, aţel cari candidă la alidzeri, deadi ună controversată ordonanţă di urgenţa (OUG). Adoptată, deapoa, ş-di Parlamentu, cu minduita tra sa-l’i da cama multa legitimitati, ordonanţa la dadea izini a alepţalor locali, ti un chiro di 45 di dzali, tra ş-alaxeasca formaţiunea di provenienţă fără să-şi cheară mandatlu. Nu masi ananghisita, ca si obligatorie, u motiva, tru atel chiro, premierlu Ponta apofasea, ti furn’ia că, argumenta nas, administraţia locală easti ciusuită di furn’ia a alxerlor di pi scena politică.

Florentin Căpitănescu, 21.01.2015, 19:11

Tru yismaciuni anlu ţi tricu, cu doi meşi ninti di alidzerli prezidenţiali, Guvernul di stânga di Bucureşti, sum bagheta a liderului social-democrat Victor Ponta, aţel cari candidă la alidzeri, deadi ună controversată ordonanţă di urgenţa (OUG). Adoptată, deapoa, ş-di Parlamentu, cu minduita tra sa-l’i da cama multa legitimitati, ordonanţa la dadea izini a alepţalor locali, ti un chiro di 45 di dzali, tra ş-alaxeasca formaţiunea di provenienţă fără să-şi cheară mandatlu. Nu masi ananghisita, ca si obligatorie, u motiva, tru atel chiro, premierlu Ponta apofasea, ti furn’ia că, argumenta nas, administraţia locală easti ciusuită di furn’ia a alxerlor di pi scena politică.

Blocajlu fara işeari, spunea el, agiumsi sa s-veada după ti libearalii isira dit USL, alianţa di centru-stânga cari avea amintata pan di mardzina la legislativili dit 2012. Lişor di anticipat, partidlu a premierlui, PSD, fu marli beneficiar ali ordonanţa, unaoara ti suti di alepta locali nchisira cata marea formaţiune di stânga. Tra Opoziţie, ordonanţa fu masi huzmetea prit cari PSD mindui să-li discl’ida calea al Ponta cata ipotisea supremă, lucru ti nu s-feaţi, şi, tru idziul chiro, să-şi potenţeadza influenţa tru teritoriu, iu prezenţa vartoasă ali Opoziţie li’-aduti mari problemi.

Tru andreu, ama, Curtea Constituţională apufusi că ordonanţa easti niconstituţională. Uidisit cu spusa ali Curti, atea cari tamam feaţi publică motivarea ali apofasi, constituirea ica arupearea a alianţilor polititi intră tru exerciţiul democratic hirescu, aşi că eali nu pot s-da giueapi tra meatri cari, tru una turlie directa şi brutala, alaxeasti configuraţia politică a autorităţlor administraţiilei publiti locali şi altereadză volea a electoratlui. Curtea spuni că viciul di niconstituţionalitati a unei ordonanţi di urgenţă nu poate s-hiba anvalit prit aprobarea a aistei di cătra Parlamentu, atel cari, prit nom, lipseasti s-nu u aproachi. Moeabetea s-duti tora cata zinitorlu a aleptalor ti s-ufilisira di ordonanţă, arasi, comentedză observatorlii, cu taxearea a paradzlor di la buget.

Tru cazlu anda vrearea ali Opoziţie va sa s-alaxeasca tru realitati, atumtea tuţ aleptalţi tru cauză va ş-cheara mandatlu. Tru una ahtari ipoteză, cu suti di posturi dit administraţia locală agiumti vacante, va s-hiba organizati alidyeri anticipate, cu relevanţă naţională. Va s-hiba una nautati tru practica democratică românească, tru condiţiile tru cari anticipatili, s-hiba eali locale ica legislative, fura exersate di electori masi pi nivel micro.

.