Alidzeri prezidențiale
Rezultatili parțiale spunu cã va s’aibã unã finală anamisa di George Simion şi Nicuşor Dan
Tașcu Lala, 05.05.2025, 07:28
După misurarea aţiloru 98% ditu voturi, Nicușor Dan tricu pi doilu locu, a deapoa contracandidatlu Crin Antonescu pricãnãscu cã fu azvimtu. George Simion amintã nai ma multi ditu voturi.
După misurarea a aţiloru 98% ditu voturi, Nicușor Dan (independentu) tricu pi doilu locu cu 20,6% ditu voturi (1,836 milioane), a deapoa Crin Antonescu (PSD-PNL-UDMR) amintã 20,5% din voturi (1,829 miliuñi).
Pi protlu locu easti George Simion cari amintã 40,2% ditu voturi (3,572 miliuñi).
Crin Antonescu ţãnu un zboru pritu cari pricãnãscu cã fu azvimtu şi spusi: „Lã haristusescu nica nã oarã a aţiloru trei partidi cari mi andrupãrã. Minduescu cã rezultatlu parțial nu-ari si s’alãxeascã. Îlli cãndãsescu alegătorllii a melli s’llia apofasea ţi u lugursescu uidisitã. Mi tragu ditu aestã antriţeari cu caplu ndzeanã.”
După misurarea a aţiloru 88% ditu voturi, George Simion (AUR) amintã 40% ditu voturi (3,41 miliuñi). Alumta ti intrari tu doilu turu a alidzerloru prezidențiale s’da anamisa di Crin Antonescu (PSD-PNL-AUR) cari ari 20,8% ditu voturi (1,78 miliuñi) și Nicușor Dan cu 20,4% ditu voturi(1,74 miliuñi).
Autoru: Licã Manolache
Apriduţearea: Taşcu Lala
