Apofasi di hairlatica a transportului pi cal’iurli di her

Guvernul vulusi tru andamusea di lucru di n’iercuri, un memorandum mutrindalui apofasi hâirlâticâ a comatâl’ei di transportu pi câl’iurli di her ali Românie, cari va s-facâ parti dit Master Planul General di Transportu ali Românie. Simfun cu un comunicat di presă a Executivlui, anamisa di pripunirli angrâpsiti tru documentu s-arâdâpsescu concentrarea pi un şingir feroviar cama apridunat, darea silâ tră competitivitatea contractilor di serviţii publiţi, bâgarea tru lucru a indicatorlor di performanţă tră finanţarea a serviţiilor publiţi di transportu feroviar di călători şi programi di n’icşurari a hărgilor. Premierlu Victor Ponta declara, stămâna ţi tricu, că liniili a căl’iurlor di her ţi au chireri lipseaşti s-hibâ ncl’isi, cundil’indalui că ari ună strateghie ma veacl’e, tru achicâseari cu FMI, tru aestâ dumeni. Ia ti spuni premierlu Victor Ponta:

Valentin Țigău, 05.06.2014, 13:27

Guvernul vulusi tru andamusea di lucru di n’iercuri, un memorandum mutrindalui apofasi hâirlâticâ a comatâl’ei di transportu pi câl’iurli di her ali Românie, cari va s-facâ parti dit Master Planul General di Transportu ali Românie. Simfun cu un comunicat di presă a Executivlui, anamisa di pripunirli angrâpsiti tru documentu s-arâdâpsescu concentrarea pi un şingir feroviar cama apridunat, darea silâ tră competitivitatea contractilor di serviţii publiţi, bâgarea tru lucru a indicatorlor di performanţă tră finanţarea a serviţiilor publiţi di transportu feroviar di călători şi programi di n’icşurari a hărgilor. Premierlu Victor Ponta declara, stămâna ţi tricu, că liniili a căl’iurlor di her ţi au chireri lipseaşti s-hibâ ncl’isi, cundil’indalui că ari ună strateghie ma veacl’e, tru achicâseari cu FMI, tru aestâ dumeni. Ia ti spuni premierlu Victor Ponta:

“Easti unâ strateghie ma veacl’e, tra s-ţânâ ma largu tru practico la CFR liniili cari suntu cu amintaticu, tră CFR Călători, tra s-discl’idâ pâzarea tră opearatorl’ii privaţ, iara ma s-aibâ linii cari numata suntu ufilisiti, cadealithea că aesti lipseaşti s-hibâ ncl’isi, câţe suntu pi chireari. Investiţie tră dezvoltarea a infrastructurâl’ei nu va s-dzâcă s-tăn’i linii pi căl’urli di her ţi nu li ufiliseaşti vârnu, s-cl’eamâ câ aesti caftâ modernizari.”

Declaratia fu faptâ tru contextul tru cari unâ delegaţie di la FMI easti vinitâ, Bucureşti, tră a treia isapi a Acordului stand-by di turlie preventivâ simnatâ cu România. Di isapea a Fondului ţâni unâ dalgâ di apofasi economiţi importanti, cu semnificativ impactu suţial. România fu, până la căderea a comunismului, tru 1989, vâsilia cu unâ di nai cama mărli şi ufilisiti căl’iuri di her dit Europa. Triţearea la economia di pâzari, deadun cu dezvoltarea, fără preacl’e a transportului rutier şi aerian easti furn’ia ti agiundzearea a CFR tru unâ archişurari; di aestâ furn’ie, şingirlu di căl’iuri di her scâdzu, di la 15 di n’il’I di km, tru 1989, la 13, 800 di km, tru chirolu di azâ.

Easti yilipsitor că, tru prota dzuuâ a misiunil’ei di evaluari, vinitâ Bucureşti, tră Acordul stand-by, Misiunea a FMI s-andâmusi cu ministurlu român a Transporturilor, Dan Şova. Arada di moeabeti: societăţli de stat di sum cumandlu a ministerlui, cu accţentu pi aţeali dit dumenea a căl’iurlor di her cari suntu pi chireri importante şi iu gaereţli di privatizari sâ spusirâ, până tru aestu chiro, cu mira a eşeclui, cum easti cazlu a CFR Marfă. Tru idyiul chiro easti tru moeabeti catastisea critică a aţilor aproapea 2500 di lucrători di la CFR Marfă, cari suntu bagaţ tru plan ti scutearea di pi lucru, anlu aestu , simfun cu achicâsearea anamisa di guvernul ali Românie şi Fondul Monetar Internaţional.

Armanipsearea: Tascu Lala

.