Apofasi mutrinda păradzlli europeñi
Păradzlli europeni așteaptă s’hibă ufilisiţ, după ţi Guvernul di București vulusi ordonanţa di urgenţă cari va s’da izini ti accesarea a unui împrumut tru valoare di aproapea 15 miliardi di euro acordat di Comisia Europeană tru cadrul a Mecanismului di Redresare şi Rezilienţă. Ma multu di 29 di miliardi di euro, dit cari cama di 14 miliardi grant și aproapea 15 miliardi împrumut, va s’hibă la dispoziția ali Românie pritu Planlu Național di Redresare și Reziliență.
Leyla Cheamil, 23.12.2021, 19:22
Păradzlli europeni așteaptă s’hibă ufilisiţ, după ţi Guvernul di București vulusi ordonanţa di urgenţă cari va s’da izini ti accesarea a unui împrumut tru valoare di aproapea 15 miliardi di euro acordat di Comisia Europeană tru cadrul a Mecanismului di Redresare şi Rezilienţă. Ma multu di 29 di miliardi di euro, dit cari cama di 14 miliardi grant și aproapea 15 miliardi împrumut, va s’hibă la dispoziția ali Românie pritu Planlu Național di Redresare și Reziliență.
Tru aestă ditu soni vizită ţi u feaţi Bruxelles, premierlu Nicolae Ciucă avu muabeti cu oficialii europeni ti turlia practic tru cari aestu plan naţional ndrupătu dit fonduri europene va s’agiungă realitate. Nicolae Ciucă dimăndă, Bruxelles, că guvernul va s’ndreagă, tu şcurtu kiro, ună structură cari s’monitorizeadză, s’coordoneadză şi s’verifică turlia tru cari va s’lucreadză cu aestă hălati europeană. Uidisitu cu Ministerlu a Finanților, împrumutlu di la Comisia Europeană ari trei destinaţii majori. Easti zborlu di finanţarea reformilor pruvidzute tru Planlu Naţional di Redresare, anvălearea a deficitlui bugetlui di stat şi refinanţarea a borgillei publică guvernamentală.
Păradzlli va s’hibă daţ tru 10 rati, până la 31 di andreu 2026, tu oara a tiñisearillei obiectivili loati borgi di România şi a dizvărtearillei investiţiilor asociati împrumutlui. Cathi viramentu, inclusiv prefinanţarea, s’da tru condiţii avantajoasi, la nivelu a custuserlor Comisiillei Europene. Rambursarea a împrumutlui va s’facă tru yinitorlli 30 di ani, tru rati isa, cu ună perioadă di graţie di 10 añi.
Voi să ştibă româñilli ţi s’faţi cu împrumuturli ţi li lomu; minduescu că au aestu ndreptu barimu şi tră faptul că elli va s’ndrupască turnarea-a lor. Io va s’facu tutu ţi ţăni di mini căţe cathi unu euro loat împrumut s’hibă băgatu tru lucru şi s’agiută ti dizvultarea-a văsiliillei şi ti ună bană ma bună a oamiñilorˮ, sumlinie ministrul a Finanţilor, Adrian Câciu.
Di altă parte, Comisia Europeană pripusi trei năi taxi tru bloclu comunitar. Aesti, deapoa tu kirolu a yinitoariloru dekenii, s’da izini ti turnarea a fondurlor adunati di UE tra s’finanţeadză componenta di granturi a NextGenerationEU, pachetă di redresari economică a Uniunillei ahărdzită ti agiutarea a statilor membri zñiipsiti di pandemia di coronavirus. Prota taxă ari la thimelliu veniturli ţi yinu ditu darea-loarea-a certificatilor di emisii. A daua misură ari la thimelliu resursili generate di mecanismul pripus ali UE di ajustari la sinuru a emisiilor di dioxid di carbon. Comisia pripuni alocarea cătră bugetlu a UE a 75% dit veniturli generate di aestu mecanism di ajustare la sinuru a emisiilor di dioxid di carbon.
A treia taxă s’ndrupaşti pe cota dit profiturli reziduali a ntreprinderlor multinaţionali cari va s’hibă realocate statilor membri ale UE pi thimellilu a recentului acordu OCDI mutrinda realocarea a ndrepturlor di impozitari. Tru kirolu 2026-2030, s’estimeadză că aesti năi sursi di venituri va s’aducă un total di până la 17 miliardi euro cathi anu tră bugetlu ali UE.
Autor: Leyla Cheamil
Armânipsearia: Taşcu Lala
·
