Catandisi di criză tru sectorlu a carburanțãloru
La 1 apriliu va s’bagã tu lucru ordonanţa di urgenţă cari apufuseaşti catandisi di criză pi pãzarea naftãllei şi a produsiloru petrolieri ditu România.
Tașcu Lala, 27.03.2026, 11:35
Cãtugursitu di sindicati, ama şi di unã parte a mediului di afaceri nica şi di boţli di nãuntrulu a coaliţiillei cvadripartite că amãnã s’llia apofasi cari s’ñicureadzã goada a scunchearillei carburanţãlli, guvernul di Bucureşti apãndãsi ma amãnatu şi apufusi ordonanţa di urgenţă mult-aştiptată.
Documentul apufuseaşti catandisi di criză pi pãzarea a naftãllei şi a produselor pitroliere – benzină şi motorină – tru România. Apofasea va s’bagã tu lucru tru perioada 1 apriliu – 30 di cirişaru şi pruveadi, prota ş-prota, plafonarea adaoslu comercial la nivelu a mediillei practicati tru anlu 2025 şi obligativitatea ti ñicurarea a proţentului di biocarburant ditu benzină di la 8% la 2%.
Guvernanţãlli lugursescu că misurli va talle curayilu aţiloru companii cari pou s’lucreadzã pi laia şi amintã un profit ţi nu lã sicadi. Actul normativ bagã tu lucru şi un mecanismu di control şi di sancţiuni ti nitiñisearea aluştoru opruvideri, easti zborlu ti amenda anamisa di 0,5 şi 1% ditu ţifra di afaceri realizată anlu tricutu. Aestă ordonanţă poati s’hibã prilundzitã succesiv, tru hopi di nai multu 3 meşi, ma s’hibã ananghi.
Premierul Ilie Bolojan dimãndã tru un interviu trã unã o publicaţie privată pi internet, că executivlu va s’facã isapi sătămâna yinitoare ti un nãu mãnuclliu di misuri ta s’dãnãseascã creaştirea pãhãlui la carburanţã. El exighisi cãţe scădearea TVA nu poati s’hibã un sţenariu şi că, ari cãbilea ta s‘alãxeascã valoarea accizãllei bãgatã ti produsili di aestã turlie.
Ilie Bolojan: “Luni tahini va s’avemu unã nauã adunari a gruplui di lucru şi nã pripunem ca, până di bitisita a dzuuãllei s’yinimu cu unã a daua misurã, cari s;hibã unã intervenţie ta s’ñicureadzã taxili. Ditu videala trã ñicurari TVA, avem unã componentă di infringement cu Uniunea Europeană. Ditu videala accizilor, easti nai ma lişoara cearei şi multu probabil va nidzemu cãtã aclo”.
Tru mãrdziñili odonanţãllei adoptatã gioi, exportul di motorină şi di ţiţei va s’facã maş cu avizul ministerelor Economiei şi Energiei. Tru aestu caz, cara avizili nu va s’hibã, firmili va s’hibã amendati cu 5 până di 10% ditu ţifra di afaceri şi va lâ si llia bunurli destinate, ufilisiti icã rezultate ditu aestă operaţiune. Misurli va s’hibã monitorizate di ministerili a Finanţilor, Economiillei şi Energhiillei, cata cumu şi di Consiliul a Concurenţãllei.
Experţãlli minduescu, ama, că aestã pachetã di misuri nu easti duri ta s’ñicureadzã impactul ti scuncherea a carburanţãloru. Prezidentulu Asociaţiillei Energia Inteligentă, niguvernamentală, Dumitru Chisăliţă, lugurseasti că ordonanţa di urgenţă a guvernului va s’ducã la scădearea pãhãluii ti carburanţã cu maximum 20 di bani pi litru, echivalentul a 4 eurocenţã. Mai multu – anticipeadză Dumitru Chisăliţă – aestă scădeare s’rezistã, cãţe va s’hibã curmatã ti ndauã dzãli di creaştirea hãrgiloru/ costurlor. Di altă parte, prezidentulu Nicuşor Dan feaţi afanu frixea că, tru orizontul aprukeatu, poati s’bagã problema ti raţionalizarea a carburanţãloru.
Autor: Stefan Stoica
Armãnipsearea: Taşcu Lala
