„Concordia 25”
Ministerlu român ali Apărari Naţionalã ahurheaşti, di luni, un exerciţiu di testari a axiillei di reacţie tru catandisi di criză.
Tașcu Lala, 06.09.2025, 19:17
Ministerlu român ali Apărari Naţionalã ahurheaşti, di luni, un exerciţiu di testari a axiillei di reacţie tru catandisi di criză.Exerciţilu „Concordia 25” easti coordonatu di Statlu Majoru ali Apărari şi va s’ţãnã tru nauã giudeţi ditu vãsilie tru cooperari cu Ministerlu trã Afaceri Interne, Servicilu Român di Informaţii, Servicilu di Protecţie şi Pază şi Servicilu di Telecomunicaţii Speţiali.
Exerciţilu ari scupolu ti verificarea proţedurlor di acţiune, nica şi trã kivernisearea a niscãntoru inţidenti chimiţi ţi potu sã s’facã, bacteriologhiţi, radiologhiţi icã nucleari. Aestã turlie, tru vahtea di kiro 8-12 di yismãcini va s’aibã acţiuni di patrulari, tãburi ti va s’minã ditu un locu tu alantu, misiuni ti ţãneari arada publicã, operaţiuni di deminari tru spaţii marini, cata cum şi acţiuni di combãtearea a fuvirserloru ţibernetiţi.
Autoru: Mihai Pelin
Armãnipsearea: Taşcu Lala
