Consultări tra un nau guvernu
Structura a Guvernului di Bucureşti va s-armâna idyea, ama titularli a portofoliilor nu va s-hiba purtători di carnet di partid, cate tehnocratlu Dacian Cioloş aleadzi s-lucreadza cu specialişti idyea cum nasu. Ahat nvestirea a Guvernului, cât şi validarea a proiectilor a lu leghislative tanu, ama, di agiutorlu a Parlamentului. Ase că premierlu desemnat avu consultări cu liderl’ii a tutulor partidilor polititi şi a formaţiunilor reprezentati tru parlamentu. Gioi, atel’i dit soni a lui interlocutori fura ex-prezidentul Traian Băsescu, tora caplu a Minari’ei Populari, fostul şef a PSD, Mircea Geoană, cari cumanduseasti aza Partidlu Social Românesc, şi Daniel Fenechiu, di la Partidlu Naţional Democrat, ti isi tru migdani pi armasaturli a atil’ei di ma nainti formaţiuni populista PP-DD. Ponderea a aistor formaţiuni pi băntali a Parlamentului easti ma curundu neinsimnata, ama, tru perspectiva nvestiril’ei, Cioloş nu poati s-nu acata tru iasapi niti un vot. El exigiseasti că:
Bogdan Matei, 13.11.2015, 17:20
Structura a Guvernului di Bucureşti va s-armâna idyea, ama titularli a portofoliilor nu va s-hiba purtători di carnet di partid, cate tehnocratlu Dacian Cioloş aleadzi s-lucreadza cu specialişti idyea cum nasu. Ahat nvestirea a Guvernului, cât şi validarea a proiectilor a lu leghislative tanu, ama, di agiutorlu a Parlamentului. Ase că premierlu desemnat avu consultări cu liderl’ii a tutulor partidilor polititi şi a formaţiunilor reprezentati tru parlamentu. Gioi, atel’i dit soni a lui interlocutori fura ex-prezidentul Traian Băsescu, tora caplu a Minari’ei Populari, fostul şef a PSD, Mircea Geoană, cari cumanduseasti aza Partidlu Social Românesc, şi Daniel Fenechiu, di la Partidlu Naţional Democrat, ti isi tru migdani pi armasaturli a atil’ei di ma nainti formaţiuni populista PP-DD. Ponderea a aistor formaţiuni pi băntali a Parlamentului easti ma curundu neinsimnata, ama, tru perspectiva nvestiril’ei, Cioloş nu poati s-nu acata tru iasapi niti un vot. El exigiseasti că:
Aavui discuţii cu partidile tra s-pot s-la paristisescu priorităţli mari, tra atea că nu va să fatem minutisuri tru programlu di guvernari şi, di altă parti, vrui s-ved şi cari suntu sensibilităţli a partidilor polititi, cate duchescu tru idyiul chiro că nu va s-putem s-acatam tru isapi tuti lucarli salami tru programlu di guvernari. Io lucredzu tora, tru paralel, pi programlu di guvernari şi ti identificarea a yinitorlor miniştri, dimec easti di arada ca va s-lipseasca s-alas chiro a miniştrilor, după ti va s-l’ia portofoliili s-veadă ti poati sa s-faca. Di altă parti, duchescu ca, un guvernu di tehnocraţ, că, anaparti di votlu di nvestitură, majorităţli va si s-ndreaga tru parlamentu şi va s-lipseasca s-ndreaga nascanti pazarapseri tra cathi proiectu major ahoryea.”
Băsescu şi Geoană dimandara că deputaţl’ii şi senatorl’ii a lor va s-voteadza tra instalarea a yinitorlui guvernu Cioloş, iara Fenechiu spusi că easti multu posibil să-l’i andrupasca. Formaţiunile mari şi spusira nica di n’iercuri minduita. Cioloş poati s-baga besa pi voturli a PNL, pro-prezidinţial şi, până stămâna ti tricu, prota formaţiune dit Opoziţie andicra di Guvernul demisionar a social-democratlui Victor Ponta, ali UNPR, fostu partener junior la guvernari, cata cum şi a atilor 18 di deputaţ a minorităţlor. PSD, prota avyiulie a fostului Guvern, şi aliatlu a lui, ALDI, cata cum şi UDMR, dit opoziţie, cundil’eaza că, nainti tra s-apufuseasca cum va s-voteadza, aşteaptă lista a naului Cabinet, programlu di guvernari şi turlia tru cari miniştarl’ii pripuşi va si s-prezinta la audierli dit Parlamentu.
Analiştil’i sa spun candasit ca Guvernul Cioloş va s-treaca şi aduc aminti că România ari experienţe pozitive cu premierl’ii ti nu suntu nregimentaţ politic. Dol’i contabili riguroşi, Teodor Stolojan şi Mugur Isărescu cumandusira cu brio, tru an’l’i 90, guverni ti asiguripsitra stabilitatea economică şi organizara tin’isitu alidzeri generali, ninti tra s-la da ma largu ştafeta a politiciean’ilor. Easti atea ti va s-lipseasca s-adara, tru 2016, cându sunt programati em alidzeri locali, em parlamentari, şi echipa di tehnocraţ al Dacian Cioloş. Di va s-aduca aesta turlie una răgaz tra resadyi tra resetarea, reinventarea şi reabilitarea a unal’ei clasa politica acutotalui discreditata tru ocl’ii a român’ilor.
Armanipsearea: Tascu Lala
