Controversi mutrindalui conversia a mparmuturloru tru franci elveţieni
Mulţa români cari apufusira s-l’ia mparmuturi tru franci elveţieni s-vidzura pisti noapti, tru yinaru 2015, cu tocurli fapti diplo exclusiv di furn’ia a fluctuaţiilor di alaxeari valutara. Tu aesta oară, cursul a francului easti de aproapea 4,15 lei, andicra di 2 – 2,5 lei tru perioada 2007-2008, cându s-deadira nai cama multe împarmuturi tru aestă valută. Em, marţa, Cameara a Deputaţilor – for decizional – adopta, tru unanimitate, nomlu ali conversiei tru monedă naţională, la cursul dit oara a împarmutului, a creditelor tru franci elveţieni. Iniţial, s-avea tru minti ca proiectul di nom s-aibă impactu sutial, si cu scupolu tra să-l’i agiuta pi atel’I cu amintatiti n’it, cari numata tanu cheptu andicra di ratili di la bancă. Ama dit nom fura eliminate pruviderle mutrindalui gradlu di borgi di 50% şi praglu di 250.000 di franci elveţieni.
Roxana Vasile, 19.10.2016, 13:20
Mulţa români cari apufusira s-l’ia mparmuturi tru franci elveţieni s-vidzura pisti noapti, tru yinaru 2015, cu tocurli fapti diplo exclusiv di furn’ia a fluctuaţiilor di alaxeari valutara. Tu aesta oară, cursul a francului easti de aproapea 4,15 lei, andicra di 2 – 2,5 lei tru perioada 2007-2008, cându s-deadira nai cama multe împarmuturi tru aestă valută. Em, marţa, Cameara a Deputaţilor – for decizional – adopta, tru unanimitate, nomlu ali conversiei tru monedă naţională, la cursul dit oara a împarmutului, a creditelor tru franci elveţieni. Iniţial, s-avea tru minti ca proiectul di nom s-aibă impactu sutial, si cu scupolu tra să-l’i agiuta pi atel’I cu amintatiti n’it, cari numata tanu cheptu andicra di ratili di la bancă. Ama dit nom fura eliminate pruviderle mutrindalui gradlu di borgi di 50% şi praglu di 250.000 di franci elveţieni.
Aşi câ di actualu act normativ pot sa s-harseasca şi atel’I cari loara împrumuturi multu mari şi cari nu au probleme cu tocurli. Liderlu PSD, Liviu Dragnea, cundil’e că apofasea a Camerei a Deputaţilor ndreadzi una niadreptate şi că băntali lipseasti sa-si mindueasca diznau abordarea tru relaţiile cu mustiradzl’i: “Nu him ndrepta s-sidem indiferenţa la purtaticlu «profit cu iti paha». Minduescu ca lipseasti s-aiba un echilibru tu ti mutreasti mbartitarea a riscului anamisa di bancă şi mustira.” Deputatlu liberal, Daniel Zamfir, cundil’e, tru arada a lui, că nomlu nu asigură protecţie sutială, ca masi ari rolu tra s-faca ndriptati: “Nomlu aestu, di una parte, ndreadzi niadriptatea faptă a aistoru oamini, ama ari şi un efectu di sancţiune tra ateali bănta cari minduira tra s-da una turlie acutotalui iresponsabil tra aesta turlie di mparmut.”
Nomlu nica lipseasti s-hiba promulgat di prezidentul Klaus Iohannis, cari declara că va-lu fac analiza, tru prealabil, cu experţa dit dumeni: “Deadun cu pareia a mea, va s-fatem isapi, va s-caftam minduita ai a alantoru părţa mintiti, cându zburam ti conversia a francilor cadealihea va s-caftu dit zona bancară una minduita şi tru oara tru cari avem una analiză completă, ti va u lugursim tin’isita, va u spun si minduita a mea.” Banca Naţională ali României easti cu minduearea că nomlu votat, marţa, di deputaţ easti discriminatoriu, cate al’I andrupasti masi atel’I aproximativ 50.000 di români cu mparmuturi tru franci.
Actul normativ poati s-aduca un precedentu periculos, căte, dimi, român’il’i cu mparmuturi tru euro, mult ma multa, pot s-cafta si nasi să s-harseasca di idyili ndrepturi, lucru ti va sa scoata tru migdani probleme majore tru sistemlu bancar. Uidisitu cu BNR, una conversie dit franci tru lei poati s-duca dauă bănta sum solvabilitatea minimă, iara şasi va s-hiba sum nivelu prudenţial. Ma multu, guvernatorul a Băncii Naţionale, Mugur Isărescu, zburasti di curente populiste a curi soluţii pot sa scoata tru migdani haraua di primansus tru arada a beneficiarilor pi scurtu kiro, ama custuseri economice ici ti nu vor alasari nanaparti tra societate pi kiro di mesi si lungu. Protlu risc, tru minduita al Mugur Isărescu, easti disciplina contractuală cari, prit nomuri di idyea natură, poati s-agiunga fara noima.
Autor: Roxana Vasile
Armanipsearea: Tascu Lala
