Criza a imigrantalor l’ia sila
Creaşti numirlu a imigranţalor dit Orientul di Mesi şi Africa cari minduescu s-agiunga tru Europa. Aeşţa ş-baga bana tru piricl’iu anda trec Amarea Meditearană la bordul a nascantor pampori ţi nu suntu sigura. Maşi tru aesti daua dzali dit soni, autorităţli italieani ascapara di tu amari cama di 4.000 di oamin’i. N’il’i di arifugaţ ţi eara viniţ dit Gartie, anda trec prit Macedonia, agiumsira tru Sarbie şi minduescu tra s-acaţa calea cata vasiliili occidentali. Aproapea tuţ vor s-caftă apanghiu tru vasiliili ma dizvoltati ali Uniuni Europeani, maxus tru Ghirmania. Aoa şi doi meşi di dzali tru ma napoi, guvernili a vasiliilor dit Uniunea Europeana nu aprucheara una minduita a prezidentului ali Comisie, Jean-Claudi Juncker, ti apufusearea a nascantor coti naţionale obligatorii tra statili receptoari.
Valentin Țigău, 25.08.2015, 15:41
Creaşti numirlu a imigranţalor dit Orientul di Mesi şi Africa cari minduescu s-agiunga tru Europa. Aeşţa ş-baga bana tru piricl’iu anda trec Amarea Meditearană la bordul a nascantor pampori ţi nu suntu sigura. Maşi tru aesti daua dzali dit soni, autorităţli italieani ascapara di tu amari cama di 4.000 di oamin’i. N’il’i di arifugaţ ţi eara viniţ dit Gartie, anda trec prit Macedonia, agiumsira tru Sarbie şi minduescu tra s-acaţa calea cata vasiliili occidentali. Aproapea tuţ vor s-caftă apanghiu tru vasiliili ma dizvoltati ali Uniuni Europeani, maxus tru Ghirmania. Aoa şi doi meşi di dzali tru ma napoi, guvernili a vasiliilor dit Uniunea Europeana nu aprucheara una minduita a prezidentului ali Comisie, Jean-Claudi Juncker, ti apufusearea a nascantor coti naţionale obligatorii tra statili receptoari.
Comisarlu european tra Migraţie şi Afaceri Interne, Dimitris Avramopoulos, declara, ama, că dzaţli di n’il’I di arifugaţ au ndreptul s-hiba tru Europa şi că nascanti vasilii pot tra s-adara ma multu tra sa-l’i agiuta. Berlin, canţelarlu ghirman, Angela Merkel şi prezidentul francez, François Hollandi dimandara că va s-parastiseasca una politică di azil comună la nivelu a Uniunil’ei Europena şi caftara ali Italie şi Garţie s-dişcl’idă ntraoara ţentri di nreghistrari a arifugaţlor. Tru contextu, Comisia Europeană dimanda că va u faca diplo finanţarea tra agiutor uminitar di ananghi la 50 di miliun’I di euro. Optu miliun’I va s-hiba ahardziţ tra Balcan’il’i dit Ascapitata şi Turchia, chiro tru cari 90.000 di euro va s-duca cata Macedonia.
Tru Vargarie, guvernul lu anvartusi controlu la sinurli cu Macedonia, nica şi prit aradapsearea di unităţ militari şi elicopteri tra s-tal’e curayilu ti ‘calea vargarseasca’ di catra emigranţa. S-agiumsi ama pi isapea că, aca s-l’ia aesti apofasi, vasilia viţină cu România poati s-hiba asaltată di dzaţ di n’il’I di arifugaţ, ma s-hiba ambudyiusita calea tra triţearea a aiştor prit Garţia şi Macedonia. România pari, s-hiba afirita di migraţia babageană – până tora, fura nreghistrati cazuri aoa şi aclo di triţeari paranom a sinurlui di sud – ama l’ia meatri tra s-ţana cheptu ma s-hiba di yini una dalga di arifugaţ. Bucureştiul poati s-ufiliseasca, ma s-hiba tu ananghi, tru arada a nascantor programi di finanţări multianuali ali Uniuni Europeana, 98,5 miliun’I di euro prit Fondul di Securitati Internă, 61 di miliun’i prit comata sinuri şi vizi şi 37 di miliun’i prit comata poliţienească.
Textul: Valentin Ţigău
Armanipsearea: Taşcu Lala
