Cum va s’apãndãseascã UE ti taxili americani?
UE easti etimã s’pãzãrãpseascã cu SUA tra s’agiungã la unã akicãseari tu ligãturã cu taxili, ama, tru idyiulu kiro, ndreadzi meatri tra ş-veaglle sinferurli.
Tașcu Lala, 08.04.2025, 22:46
Uniunea Europeană dimãndã că ti bunã easti s’pãzãrãpseascã cu Statele Unite ta s’nu agiumgã tu polimu comercialu, ama tu idyiulu kiro duţi ninti muabetea ti protlu mãnuclliu di contra-misuri la taxele di yimbruki americane.
Tru ţi mutreaşti taxili ghenerali di 20% dimãndati stãmãna ţi tricu di prezidintulu Donald Trump trã produsele europene, cari va s’bagã tu practico tru 9 di apriliu, Comisia va ta s’li ducã ninti pãzãrãpserli cu Washingtonlu şi pripusi unã akicãseari di libirã alãxeari cu zero taxi.
“Himu hãzãri s’pãzãrãpsimu cu Statele Unite. Cadealihea, pripusimu tarifili pi turlia noi ti elli-elli ti noi dzero trã bunurli industriale, aşi cumu feaţimu cu mulţã alţã parteneri comerciali, trã aţea că Europa easti cãnduţido hãzãri ti un acordu bun” – spusi prezidenta ali Comisie Europeanã, Ursula von der Leyen. Ama, adãvgã șefa executivlui comunitar, “tutunãoarã, himu etiñî ta s’apãndãsimu cu contramisuri şi s’nã vigllemu sinferurli”.
Di la Casa Albă, Donald Trump dimãndã luni că pripunirea faptã di Uniunea Europeană trã unã scutiri acutotalui şi unu-alntu taxili di yimbruki trã produsili industriali, di aestea aftukinatli, nu easti duri tra sã scutemu taxili di yimbruki americane. El deadi asiguripseri că dificitlu comercial dtipsitu di Statele Unite cu UE va ‘s’kearã iruşi’ di itia cãva s’creascã ancupãrãrli di energhie americanã di craturli europeani.
Tru aestã noimã, Ursula von der Leyen cundille că Uniunea va si s’veaglle di efectili indirecte a taxilor pritu deturnarea comerţului, furñie ta s’thimilliuseascã unã ‘Parei di Lucru trã Vigllearea Importurlor’. Aestu va s’facã isapi nivelu istoric a importurlor a bloclui comunitar tra s’veadã desi s’agiundzi pi unã creaştiri pi napandica tru cazlu a tadi produsi icã sectoru şi cara va s’hibã ananghi va si s’llia şi meatri.
Liderlu ali Comisiei lugurseasti că proţlli zñiipsiţ di taxi va s’hibã consumatorlli şi firmili ditu Statele Unite, ama aeşţã va s’aibã ‘un babageanu impactu şi tru economia globală’ şi va li agudeascã, vãsiliili ţi suntu pi calea di dizvultari. Nica spusi că, anaparti di pregătirea di represalii şi di mâna teasã ti dialog cu SUA, UE va ma largu va s’lucreadzã trã diversificaria şi anvãrtuşearea a ligãturloru a llei comerciale.
‘Minduim s’avemu amprotusa 83% ditu comerţulu globalu anaparti di Statele Unite’, nica spusi Ursula Von der Leyen.
Comisia Europeană pripusi luni taxi di 25% trã ma multi produse americane, ca apandisi la tarifele a Washingtonlui di 25% pi importurli di cileki şi aluminiu.
Tru lista di produse cari lipsea s’hibã taxate eara şi whisky bourbon, yinu şi produse lactate, ama aestea furã scoasi după ţi Donald Trump fuvirsi cã va s’apãndãseascã cu taxe di 200% pi importurli di alcool european. Taxili europene va s’bagã tu practico parţialu ditu 16 di mai, iarapoi nãscãnti produsi va s’hibã taxate di la 1 di andreu.
Autoru: Daniela Budu
Armânipsearea: Taşcu Lala
