Demisia a ministrului di interne (02.09.2016)
Guvernul di tehnocraţ di Bucureşti alaxescu nica un ministru – Petre Tobă ş-deadi demisia, gioi, di la capia a Ministerlui tra Afaceri Interne după ti Direcţia Naţională Anticorupţie cafta aviz tra s-ahurheasca pusputearea penala tra nasu. Cabatea easti tra favorizarea a infractorlui, Tobă nu vru una turlie discreţionara, spun procurorl’ii, s-ahurheasca procedura di declasificari a nascantor documente caftati di anchetatori tru dosarlu tru cari predecesorlu a lui, Gabriel Oprea, şi alta insi dit minister suntu stipsit tra deturnarea di fonduri.
Corina Cristea, 02.09.2016, 12:42
Guvernul di tehnocraţ di Bucureşti alaxescu nica un ministru – Petre Tobă ş-deadi demisia, gioi, di la capia a Ministerlui tra Afaceri Interne după ti Direcţia Naţională Anticorupţie cafta aviz tra s-ahurheasca pusputearea penala tra nasu. Cabatea easti tra favorizarea a infractorlui, Tobă nu vru una turlie discreţionara, spun procurorl’ii, s-ahurheasca procedura di declasificari a nascantor documente caftati di anchetatori tru dosarlu tru cari predecesorlu a lui, Gabriel Oprea, şi alta insi dit minister suntu stipsit tra deturnarea di fonduri.
Easti zborlu tra un un dosar mutrindalui Departamentul di Informaţii şi Protecţie Internă, serviciul secret a Ministerlui. Apufusiiu s-an’I dau demisia la primlu-ministru tra s-nu mintescu MAI tru un cavga public tru prag di alidzeri. Nu aprochiu cabatli ti an’I si aruca pi zverca şi escu hazari s-neg dinintea a organelor di anchetă tra limbidzarea a iti catastisi. Cundil’edzu că tute faptele prezentate suntu ninti di mandatlu a meu, a deapoa procurorlu di caz avu hairi la tute documentele ti suntu ananghisiti tra instrumentarea a cauzal’ei” spuni Petre Tobă. Habarea yini dupu ndaua sahat di anda premierlu Dacian Cioloş lugursea ca nai ma ghini va s-hiba ca Petre Tobă s-fugă dit guvernu, a deapoa justiţia să-şi spună minduita.
Niti fostul titular di la Interne, Gabriel Oprea, nu apruke habari buni, tru idyea dzuua procurorl’ii di la DNA caftandalui a Senatlui aviz tra s-ahurheasca pusputearea penala tra nasu tru un nau dosar. Oprea, fostu vicepremier şi ministru di Interne tru guvernul cumandusitu di Victor Ponta, easti stipsitu tra vatamari dit culpă tru dosarlu mutrindalui moartea a unui poliţistu, Bogdan Gigină. Aestu muri anlu ti tricu, tru un accidentu di motocicletă, tru kirolu anda fatea parte dit pareia ufitială al Oprea. Ancheta nkisita după moartea a poliţistului feati investigati, ntra altili, s-veada desi Oprea avu, tru atea oara, dreptul tra s-ufiliseasca coloană oficială, cate eara zborlu ti una deplasare tru sinferlu a lui isis.
Uidisitu cu atea ti spuni şefa DNA, Laura Codruţa Kovesi, Gabriel Oprea easti atel cari deadi cumandu, ti călcarea a dispoziţiilor legale, ca deplasarea să s-facă cu irusea multu mari, furn’ie ti dusi la accidentul rutier tru cari poliţistul muri. Ancheta scoasi tru migdani că Bogdan Gigină urdina cu 84 di km/h tru oara anda s-feati accidentul. Dit analiza a documentelor iasi tru migdani că ministrul Oprea adra tru medie aproapea tinti deplasări ndzuua tru kirolu a curi eara nsuţat di echipaje ale poliţiei rutiera.
Asi cum dimanda DNA, numirlu total a aistor misiuni eara di aproapea trei ori ma mare andicra di ateali adrati tru idyiul kiro anda eara ansutatu prezidentul ali României şi di aproapea dauă ori ma mare andicra di atel corespunzător cu primlu-ministru – demnitari ti au ndreptul tra s-hiba nsutat niacumtinat, simfun cu pruviderli a nomlui.
Autor: Corina Cristea
Armanipsearea: Tascu Lala
