Di la brigada multinaţională la armatusirea ali ascheri
Consiliul Suprem di Apărari ali Vasilie apufusi, tru ahurhita a aistei stămâna, tra s-ndrega una parei di lucru inter-instituţionala cari s-nchiseasca gaeretli murindalui adarea a unal’ei brigadă multinaţionala a NATO tru România. Aesti gaeret suntu multiple, nascanti multu ndilicati: easti zborlu, ntra altili, di asiguripsearea a condiţiilor, simfun cu standardili aliate, ti li ndreadzi vasilia-nicukiră tra s-poata s-aproaki aschirladz viniţ dit alti locuri, cata cum şi moeabeţ hairlatiti tru plan militar şi diplomatic. Ari pana tora, apandasi favorabile, fără s-hibă bagat tru practico, ama, tuti, dit partea a naima ptanu şasi membri ali Alianţa. Sa ştie că Polonia va s-pitreaca una companie, a deapoa Vargaria anvarliga di 400 di askirladz. Gioi, ministurlu ali Apărari, Mihnea Motoc, adusi ma multi limbidzari:
Roxana Vasile, 29.07.2016, 13:10
Consiliul Suprem di Apărari ali Vasilie apufusi, tru ahurhita a aistei stămâna, tra s-ndrega una parei di lucru inter-instituţionala cari s-nchiseasca gaeretli murindalui adarea a unal’ei brigadă multinaţionala a NATO tru România. Aesti gaeret suntu multiple, nascanti multu ndilicati: easti zborlu, ntra altili, di asiguripsearea a condiţiilor, simfun cu standardili aliate, ti li ndreadzi vasilia-nicukiră tra s-poata s-aproaki aschirladz viniţ dit alti locuri, cata cum şi moeabeţ hairlatiti tru plan militar şi diplomatic. Ari pana tora, apandasi favorabile, fără s-hibă bagat tru practico, ama, tuti, dit partea a naima ptanu şasi membri ali Alianţa. Sa ştie că Polonia va s-pitreaca una companie, a deapoa Vargaria anvarliga di 400 di askirladz. Gioi, ministurlu ali Apărari, Mihnea Motoc, adusi ma multi limbidzari:
“Brigada multinaţională va s-aiba la thimel’iu un stur reprezentat di una brigadă românească existentă. Nu pot sa scot tru videală iu easti ea amplasată, ama easti iuva iuva. Ma multu, easti pi un nivel di pregătire multu analtu după standardili NATO şi, tutunaoara, easti echipată cu tehne modernă di alumtă. Nivelu a l’ei de ndridzeari easti di 3.000 di aschirladz s-cama.” Aşi cum declara prezidentul Klaus Iohannis, autorităţli di Bucureşti suntu ambiţioase, a deapoa aschirladzl’I român’i pripusira meslu martu ica apriiur ca perioadă di andridzeari a aistei brigadă multinaţionala. Conteptul NATO di securitate avansată pi areapta dit apirita, apufusita, tora ma nainti, la summitlu di Varşovia şi cari mutreasti andreptu România, pruveadi, tutunaoara, anvartusearea a prezenţal’ei aliata prit dauă componenti, maritimă şi aeriană, tru zona ali Amarea Lae. Scutearea tru migdani a simasiil’ei criscuta tra Amarea Lae easti una premieră, atea ti alu candasi ministurlu di Externe, Lazăr Comănescu, tra să spuna:
“Easti tra prota oara cându Amarea Baltică, nordul a Atlanticului şi Amarea Lae suntu mutriti isa, ca zoni di simasie strateghică tra securitatea ali Alianţa tut cu tut pan di mardzina.” România, duchimasita di ananghea tra anvartusearea ali securitati tru actualu contextu geo-politic internaţional cabaia ndilicat, va li duca ma largu lucarli di finanţari a ascheril’ei a l’ei. Tru aestu scupo, Bucureştiul va s-ahardzeasca 2% dit PIB tra Apărare tru 2017 şi va tra s-tana tru idyea scara aestu nivel chiro di un decheniu. Yilipsitoari easti structurarea a aistui buget, anlu aestu, dimec, aproapea un cirec dit paradz acata calea ti armatuseari şi modernizare.
Una gaereti financiara babageana easti faptă tra forţili navale, dimi tra modernizarea a atilor dauă fregate româneşti şi tra posibila ancuparari a nascantor corvete multirol. Easti tru lucru şi lansarea a nascantor akicaseri tra ancupararea len turlii di vehiculi ahardziti tra forţili terestri. Tut tra forţili terestre, easti dusa ma largu dotarea cu sistemi informatiti şi di comunicaţii performanti.
Armanipsearea: Tascu Lala
