Dizvaleari ayalma – istoriclu Nicolae Iorga – Saranda, Arbinishie

Tașcu Lala, 25.11.2016, 13:58

Institutlu Cultural Român, prit Directia Român’il’i di nafoara a Sinurlor, organiză Sarandë, tru Arbinishie, tru 19 di brumar 2016, oara 12:00, evenimentul cu furn’ia ca s-dizvali ayalma a marlui istoric si politician român Nicolae Iorga, lucrari adrată cu agiutorlu a ICR di cătra sculptorl’i di arazga armânească Zisa Musha si Mario Musha, di Fearca, Arbinisie.Evenimentul fu organizat tru parteneriat cu Fundatia Nicolae Iorga”, di Sarandë, Ambasada ali Românie la Tirana, cu agiutorlu a Primăriil’ei dit casabalu Sarandë.La teremonia ti s-tanu pi plateia Hasan Tahsini” eara calisit oficiali a statlui arbines si român, reprezentantal’i a autoritătlor locale, cata cum si a armân’ilor (românilor) dit reghiuni, personalităt marcante a banal’ei socio-polititi si culturale a aromân’ilor (românilor) dit ateali doauă vasilii.

Manifestarea s-bitisi cu un spectacol di cantiti si giocuri armânesti, tanuti di artisti armân’i (români) dit România: Eliza Nirlu si orchestra a l’ei, Pareia folclorica Dor” di hoara Sarighiol di Deal, judetlu Tulcea (coordonator Dumitru Caimacan-Popescu), deadun cu coruri di ficiori, di Fearca si Deviaka, Arbinisie. Cu idyea furn’ie, prit contributia ali Asociatie Răsăritul românesc” di Chisinău (prezidentu Vlad Cubreacov), Posta ali Moldova scoasi, prit Biroulu a l’ei Marca Personalizată, tru tiraj limitat, tinti mărchi postale personalizati si un efect postal (un pul’iu) ahardzitu tra dizvalearea a ayalmal’ei a marlui istoric Nicolae Iorga la Sarandë, Arbinisie.

Ateali tinti mărchi postale personalizate-policrome, dantelate si adezive – yilipsescu, tru chenar atribuit, aesti imagin’i: ayalma al Nicolae Iorga, sigla a Institutlui Cultural Român si data a inauguraril’ei ayalma (19.11.2016), casa a Institutlui Român (Casa Iorga”) di Sarandë — cadurlu dit epocă, capachea exterioară si capachea interioară a lucraril’ei al Nicolae Iorga Breve histoire de lAlbanie et du people albanais (Scurtă istorie ali Arbinisie si a popului arbines), tipusita tru 1919 Bucuresti; Casa Iorga di Saranda – ază, una cadhur-portret al Nicolae Iorga (1871-1940). Manseta policromă ari numa Arte plastice”, avândalui nandreapta un desen a operal’ei Măyistra”, a sculptorlui Constantin Brâncusi.

Armanipsearea: Tascu Lala