Dosari greali – tu anchetâ
Anchetâ tu cazlu Microsoft, nai ma marli dosar di aruşfeti dit aeşţâ dit soni 25 di an’i dit Românii, tricu di prota etapâ a percheziţiilor. Dosarlu zburaşti ti niscânti contracti di ancupârari di licenţi IT ti sculii.
România Internațional, 17.10.2014, 13:37
Anchetâ tu cazlu Microsoft, nai ma marli dosar di aruşfeti dit aeşţâ dit soni 25 di an’i dit Românii, tricu di prota etapâ a percheziţiilor. Dosarlu zburaşti ti niscânti contracti di ancupârari di licenţi IT ti sculii.
Procurorl’ii spun că ma mulţâ minişţrâ, dit guverni cu orientări ayoriea, au adratâ fapti di aruşfeti ta s-anyrâpseascâ icâ s-ţânâ aesti contracti la pâhadz criscuţ artificial. DNA câftă avizi ti urmărirea di turlii penalâ a nauâ demnitari di ma ninti — senatorl’ii Şerban Mihăilescu şi Ecaterina Andronescu, deputatlu Valerian Vreme, europarlamentarlu Dan Nica, Daniel Funeriu, Alexandru Athanasiu, Mihai Tănăsescu, Gabriel Sandu şi Adriana Ţicău.
Dit oamin’ii câftaţ mai adarâ parti si aţel di ma ninti director al SIE, Cătălin Harnagea, aţel di ma ninti ministru di la Comunicaţii, Gabriel Sandu, aţel di ninti consilier prezidenţial, Dorin Marian şi aţel di ninti giucâtor di tenis, Dinu Pescariu.
Prezidentul Traian Băsescu dzâsi, tu un interviu, că tu aestu dosar, va s-mai iasâ tu migdani ma multi surprizi, maxus ma mulţâ oamin’i suspectaţ. El nu apruchie aţel zbor cari dzâţi că ti instrumentarea a cazlui vinirâ dosari di la FBI. Tu doilu dosar greu, aţel mutrinda retrocedărli paranm di pâduri, suntu câftaţ ti aruşfeti giudicâtori, parlamentari şi emburi, prejudicilu ali regii di stat Romsilva hiindalui estimat la cama di 300 di milioani di euro.
Dit suspecţâ mai adarâ parti parlamentarl’ii PSD Ioan Adam, Viorel Hrebenciuc şi Ilii Sârbu, ama şi prinţul Paul, hiilu nipricânâscut a aţilui di ma ninti Rege Carol aI II-lea ali Românii şi mul’iearea lui.
Uidisit cu DNA, tu Apriiur 2012, la câftarea a deputatlui Ioan Adam, giudicâtorl’ii di la Tribunalu Covasna retrocedarâ paranom unâ suprafaţâ imensâ di hectari di pâduri şi agricoli tu giudeţlu Bacău şi adrarâ un prejudiciu ţi treaţi di 300 di milioani di euro ali Regii di stat Romsilva.
Dapoaia, Ioan Adam, deadun cu mai multi persoani, prit cari şi Viorel Hrebenciuc, au adratâ un grup ţi câfta s-li’a pâradz prit liberarea a titlului di proprietati cât ma ayoniea pi nâscânti terenuri forestieri şi vinderea aluştor.
Diunâoarâ cu evoluţia aluştor cercetări di turlii giudiţiarâ, legislativlu român zburaşti ti un proiectu di nom prit cari deputaţl’ii şi senatorl’ii pot s-chiarâ ma lişor imunitatea, ta s-nu blocheadzâ proţedurili di arestari icâ percheziţionari, di multi ori amânati di avizlu di urmăriri penalâ cari, tu catandisea a aleşilor, lipseaşti dat di parlamentu icâ di caplu a statlui.
Dit noutăţ adarâ parti şi şcurtarea a termenilor, limitarea a atribuţiilor legislativi mutrinda examinarea a probilor şi votlu public dişcl’is, ahât tu Comisia giuridicâ, ama şi tu plen.
