După ataca teorista di Londra
Un român, Florin Morariu, cari baneadza şi lucreadza Londra, agiumsi erou după ti pirmitusi cum mindui tra să-l’i danasească teroriştii cari featira ataca di sâmbătă seara dit centrul ali capitala britanica, tru cari fura vatama 7 oamin’i şi dzat di pliguiţ. Subiect la ma multi articole tru presa britanică, Florin Morariu zbura şi la Radio România ti turlia cum agiumsi dinintea a teroriştilor şi cum lu agudi un di el’i cu nascanti naveti di plastic. Florin Morariu: Tuti s-featira spontan. Minduiţ ca io nu nesu tra s-mi alumtu cu el’i aclo, mi dus s-ved ti s-fati şi an’i loai ateali cu mini tra s-mi vegl’iu. Cându agiumsu aclo şi vidzit că earam tru un blocaj, pot să spun aşi, nu mata avui ti s-adar. Dzasu: «More lipseasti s-ripostedzu, s-dau apandisi, ma s-nu ripostedz, ari cabilea s-iasa arau tra mine». Nu pot s-sed nanaparti cându ved că varnu s-aradi di altuvara, dimi s-ved că un îl vatamă pi altu şi io s-sed şi mutrescu ca varnu câni.”
Roxana Vasile, 06.06.2017, 14:18
Un român, Florin Morariu, cari baneadza şi lucreadza Londra, agiumsi erou după ti pirmitusi cum mindui tra să-l’i danasească teroriştii cari featira ataca di sâmbătă seara dit centrul ali capitala britanica, tru cari fura vatama 7 oamin’i şi dzat di pliguiţ. Subiect la ma multi articole tru presa britanică, Florin Morariu zbura şi la Radio România ti turlia cum agiumsi dinintea a teroriştilor şi cum lu agudi un di el’i cu nascanti naveti di plastic. Florin Morariu: Tuti s-featira spontan. Minduiţ ca io nu nesu tra s-mi alumtu cu el’i aclo, mi dus s-ved ti s-fati şi an’i loai ateali cu mini tra s-mi vegl’iu. Cându agiumsu aclo şi vidzit că earam tru un blocaj, pot să spun aşi, nu mata avui ti s-adar. Dzasu: «More lipseasti s-ripostedzu, s-dau apandisi, ma s-nu ripostedz, ari cabilea s-iasa arau tra mine». Nu pot s-sed nanaparti cându ved că varnu s-aradi di altuvara, dimi s-ved că un îl vatamă pi altu şi io s-sed şi mutrescu ca varnu câni.”
Florin Morariu easti originar dit nord-estul ali Românie, maxus di Iaşi şi baneadza tru Anglia di aproapea doi ani, iu lucreadză ca brutar. Eara tru tura di noapti, cându teroriştil’i spanticara oamin’i pi geadei tru Piaţa Borough. Uidisitu cu corespondentul nostru di Londra, Piaţa easti un amalgam di baruri şi restauranti, iu s-duc londonezi şi turişti. Şi, ca tru majoritatea a servitiilor britaniti, mulţa di membril’i a personalui suntu xen’i. Românlu eara tru brutărie, cându vidzu oamin’ni ti alaga şi aurla. Deapoa vidzui un bărbat ti spantica un insu. Tu ahurhita nu stea ti s-adara, deapoa fudi să-s alumta cu el, aca al’i si spusi s-nu iasa nafoară. S-avigl’e cu navetili, pi cari li ufilisi şi ca armati. Deapoa, apanghistu tru brutărie cama di 20 di oamin’i. Ti Florin Morariu angrapsira publicaţii di mari tiraj, nica si tabloidile britaniti, a deapoa luni fu nyie la BBC.
Lugursitu erou tra turlia tru cari cilastasi tru kirolu a atentatlui di sâmbătă, el easti dezamăgit di autorităţ. S-aspari tra bana a lui şi spuni că va să s-hiba avigl’eat ti furn’ia ca ari cabilea ca nascanta cunuscuţ a atilor trei terorişti s-nu s-arăzbuna. Ti atea, Ambasadorlu ali Românie la Londra, Dan Mihalache, zbura ti posibile apofasi di protecţie tra Florin Morariu. Dan Mihalache: “Him pi un teritoriu xen, avem una cooperare poliţienească bună cu Marea Britanie, una cooperare tru intelligence şi va s-videm tama ti ti ari ananghi, va s-apufusim un sistem di apofasi deadun cu partenerl’ii di cooperare.” Tutunaoară, Dan Mihalache va s-cafta a Ministerlui di Externe să-l’i pripună a prezidentului a vasiliil’ei, Klaus Iohannis, ca Florin Morariu s-hiba decorat. Tru aestu kiro, tru Marea Britanie, ancheta tru cazlu ali ataca s-duti ma largu.
Ator: Roxana Vasile
Armanipsearea: Tascu Lala
